Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Deskripshon di ruta

Ku auto

Na e rotònde di Pater Eeuwensweg (si ta bini for di Banda Ariba) bo ta usa e promé salida rèks i asina bo ta kore drenta e garashi di parker nivel -1. For di e otro direkshon (Banda Abou) bo ta kue e di tres salida na e rotònde.

Pa baha bishitante por hasi esaki na e entrada prinsipal 1 di Curaçao Medical Center. Bo no por parker aki. Aki ta destiná solamente pa baha pashènt i bishitante.

Ku transporte públiko

Riba Roodeweg tin un stashon di bùs dilanti e edifisio di ‘Colon’. For di aki bo por kana yega entrada prinsipal 1 i 2 fásilmente.

Riba Pater Eeuwensweg tambe tin un stashon di bùs dilanti e edifisio di SVB i enfrente di St. Elisabeth Hospitaal. For di aki tambe bo por yega e entrada prinsipal fásilmente.

Den kaso di situashon ku bida ta na peliger bo por yega na sala di emergensia via:

  1. Atrium riba e piso abou (aksesibel via di garashi di parker).
  2. Na e entrada ku pòrtir na e banda drechi di Colon.
  3. Anochi/madruga por yega sala di emergensia na entranda nr. 4 (banda di entrada di ambulans

Entrada prinsipal 2 (West) di Curaçao Medical Center ta 24 ora habrí pa ayudo ku kurason i mama ku tin ku haña yu.

Garashi di parker

Na Curaçao Medical Center bo por hasi uso fásilmente di e garashi di parker bou di e edifisio. Dos piso ku mas di 500 lugá di parker pa outo i 22 lugá di parker pa motersaikel.

Via di e lugánan di parker pretu den e garashi di parker bo ta sigui e liña blou ku lo hiba bo na e trapinan i left pa asina bo yega e Atrium. Unabes bo ta na e Atrium bo por buska riba e plano e number di bo ruta i asina fásilmente bo ta haña e kaminda pa bai e ala di kuido korespondiente òf bo sita.

E promé lunanan lo por pa parker grátis na Curaçao Medical Center.

Tambe wak