Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Fasilidat

Pa hasi bo bishita i e estadia di nos pashèntnan mas plasentero posibel, nos ta ofresé e siguiente fasilidatnan.

Horeca

Den Atrium bo por haña algu saludabel pa kome i refresko na e kafetaria. Esaki ta den e edifisio ‘Amube’. Pafó den serkania di Curaçao Medical Center tin diferente otro negoshi ku ta ofresé konsumo.

Hardin

Curaçao Medical Center tin hardin. Esakinan ta na e piso abou meimei di e kuater alanan i a buta nan pa yuda e proseso di rekuperashon di e pashènt. Durante ora di bishita pashèntnan por bishitá e asina yama ‘ healing gardens’ akí ku nan bishitantenan, si e personal di kuido pèrmití esaki.

Espasio silensioso

Kompará ku St. Elisabeth Hospitaal, Curaçao Medical Center ta ofresé un espasio silensioso e asina yama ‘Stille ruimte’ na lugá di un parokia. Aki por reflekshoná, meditá òf resa. Nos ta para habrí pa tur religion i kreensia.

Wifi / Internèt

Curaçao Medical Center ta ofresé konekshon di wifi grátis tantu pa pashènt komo bishitante.

Uso di selular

Por hasi uso di selular den Curaçao Medical Center. Tòg nos ke pidi bo amablemente pa bo buta bo selular riba silensio òf pa trel pa asina garantisá trankilidat di nos pashèntnan. Tambe nos ta pidi bo pa na momentu ku bo ta papia na selular bo hasi esaki ku un stèm abou i buska un lugá kaminda bo ta molestiá ménos persona posibel.

Por sosodé ku ta pidi bo pa no usa selular en konekshon ku aparato ku tin den e kamber.

Ronald McDonald

For di 2009 Ronald McDonald Family Room a bira indespensabel pa mucha i nan mayornan den hòspital. E importansia i sosten di e organisashon akí ta inmeso i naturalmente e ta presente den Curaçao Medical Center. E Family Room ta na e piso ariba di ‘Amube’ den Atrium, pegá ku e departamento di mucha.

Pa mas informashon tokante Ronald McDonald Family Room www.rmhc-curacao.org

Botika

Tin un botika den Curaçao Medical Center. Esaki ta keda den e edifisio A na e promé piso i e no ta disponibel pa resèpt públiko.

Ròlstul

Curaçao Medical Center ta brinda e posibilidat pa hasi uso di ròlstul na yegada. Por haña esakinan na e garashi di parker i na e dos entradanan prinsipal di Atrium. Bo por usa e ròlstulnan akí pa e montante di ANG. 1.00 kual bo ta haña bèk ora bo entregá e ròlstul.

Tambe wak