Bo Fail di Pashènt

Bo tin e derechi di solisitá fail di pashènt relashoná ku e kuido ku bo a risibí na Curaçao Medical Center òf e antiguo St. Elizabeth Hospital. Por lo general nos ta kumpli ku e solisitut di un pashènt pa proveé informashon na un otro partido, kual por inkluí, entre otro, un dòkter, hospital òf un sentro médiko. Tambe e por inkluí un abogado, un korte i un kompania di seguro, ku un outorisashon por eskrito di abo òf bo representante outorisá.