Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Pa drenta hospital: Kon esaki ta bai?

E prosedimentu pa drenta i keda komo pashènt den Curaçao Medical Center ta nobo, no tin bali mas pa registrá ku bo ta drenta hospital i tur informashon di pashènt ta tuma lugá di forma digital.

Screening promé ku operashon

Si despues di bo sita ku e spesialista bo mester bolbe pa un operashon, ta manda bo e departamento di Screening promé ku operashon. Promé ku bo drenta komo pashènt na Curaçao Medical Center pa un operashon, bo mester yena un formulario di pregunta. Riba e formulario akí bo ta kontestá tur pregunta tokante bo mes. Esaki bo por hasi ku yudansa di e persona den un kiosko apart spesial ku e meta akí. Algun ehèmpel di loke bo tin di kontestá ta: informashon tokante bo mes, datonan di e personanan di kontakto i e remedinan ku bo ta tumando.

Anestesia

Despues di a yena e lista di pregunta di Screening promé ku operashon, ta sigui un kòmbersashon ku e anestesiólogo (e persona ku ta manda leu). Dependiendo di e datonan ku bo a yena i e remedinan ku bo ta tumando, e anestesiólogo ta determiná ki forma di anestesia ta mihó pa bo.

Lista di espera

Despues di e screening promé ku operashon i e kòmbersashon ku e anestesiólogo, bo nòmber ta bini riba e lista di espera den e sistema digital. E departamento korespondiente ta prosesá e lista di espera a base di referensia di e spesialista i nan lo tuma kontakto ku bo via telefòn i informá bo ki dia ta warda bo na CMC pa bo drenta. Nan ta bisa bo e fecha, e ora i e lugá kaminda bo mester mèldu i kua ruta bo mester sigui. Ke men ku bo no tin nodi di pasa mas na e departamento di registrashon.

Dia ku ta drenta

E dia ku bo ta drenta, bo mes por bai direktamente, via e ruta indiká ku nan a duna bo na telefòn, na e departamento konserniente. Den kaso ku tòg ainda bo tin pregunta, bo por pasa libremente na resepshon sentral na planta abou. Nan ta yuda bo ku masha plaser ku mas informashon tokante e ruta korekto. Bo por pidi tambe pa un enfermero di e departamento bin buska bo den Atrium.

Tambe wak