Kon pa prevení transmishon lokal di Covid-19

Nos promesa pa kuido seif

Nos tei pa ora bo mester di nos. Sea pa kuido diario òf kuido ku por mehora bo bida, bo por konta ku nos pa tene abo i bo sernan kerí seif.

Mientras Coronavirus ta biba den nos komunidat ahinda i ta keda kontagioso, Curacao Medical Center ta keda hasi tur esfuerso pa nos fasilidat keda seif pa pashènt i koleganan. Bo tin bo preokupashon ku COVID-19 ? Bo ta bin hospital pa un sita ? Sintibo sigur ku nos lo mantene abo, bo famia nos koleganan seif.

Hospital i kuido di Emergensia durante COVID-19

Curaçao Medical Center ta sigui apliká nivelnan haltu di prekoushonnan di seguridat miéntras nos ta monitòr e situashon di COVID-19 na Kòrsou. Durante e pandemia di COVID-19 ta importante pa komprondé na ki momentu bo mester di asistensia médiko. Nos hospital i nos departamentu di emergensia ta habrí i disponibel pa proveé kuido esensial i di emergensia na un manera seif. Si akaso bo tin síntoma di COVID-19, tuma kontakto ku bo dòkter di kas ku lo avisá bo si bo mester tèst òf si mester yama un ambulans pa hiba bo departamentu di Emergensia na hospital. Si bo tin síntoma di COVID-19, bo dòkter di kas ku lo pèrkurá pa sigui e protokòl korekto kual lo yuda e departamentu di emergensia di CMC prepará pa bo yegada.

Por fabor, mantene nos medidanan di seguridat pa protehá nos pashèntnan i nos miembronan di personal.

Update reglanan nobo di bishita

Durante pandemia di COVID

Preguntanan relashona ku COVID-19

  • Kiko pa hasi si mi tin síntoma di COVID-19? Yama dòkter di kas. Si bo mester hasi tèst na hospital, dòkter di kas lo guia bu dor di e proseso. Si bo dòkter di famia no ta alkansabel bo por yama 9345 òf bishita website: www.bakuna.cw pa mas informashon.
  • Unda bo mester bai na momentu ku bo dòkter di kas manda bu hospital no den ambulans?
    Bo mester bai direktamente na departamentu di Emergensia. Si di kualke forma bo no ta sinti ku bo por yega hòspital bo so, tuma kontakto ku bo dòkter di kas.
  • Na ki momentu mi ta wòrdu atmití den un departamentu di COVID-19? Despues di a pasa dor di triage na e departamentu di Emergensia, e dòkter ta disidí si e pashènt mester wòrdu interná den un departamentu di COVID-19. Pashènt ku ta infektá ku e vírùs
    di Corona i tin problema pa hala rosea ta wòrdu atmití den departamentu di COVID-19.
  • Kiko ta tuma lugá den departamentu di Kuido Intensivo? Pashèntnan kritiko ku tin nesesidat di kuido intensive manera asistensia pa hala rosea ta wòrdu atmití den e Unidat di Kuido intensive.
  • Kiko ta pasa na momentu ku pashènt mester wòrdu intubá? Intubashon ta un proseso kaminda ta pone un tubu den e kanal di hala rosea di e persona dor di nanishi òf boka. Esaki por wòrdu hasi an momentu ku e persona ta bou di anestesia durante di sirugia I den mas situashonnan di emergensia na momentu ku un persona ta ekstremadamente malu I den nesesidat di yudansa respiratorio de bi ku e no por hala rosea di su mes. 6. Ki efekto un pashènt di COVID-19 atmití den CMC tin riba e kuido den hospital? CMC a sòru pa tin departamentunan apart pa pashèntnan di COVID-19. Na e momentunan aki tur sita I tratamentu elektivo ta posponé te un otro aviso ku eksepshon di e siguiente departamentunan: Klínika di herida, Radiologia, Radioterapia, Onkologia, Diálisis i Hiperbariko.
  • Mi tin síntoma di ferkout (friu, keintura I tosamentu), mi por bin hospital? NO,bo mester mester tuma kontakto ku bo dòkter di kas promé. Si dòkter no ta alkansabel bo mester yama GGD na 9345. Si ta un situashon urgente I bo no por haña un dòkter di GGD, yama 912 I e operador di Ambulans lo duna indikashon kiko mester hasi.

Preguntanan GENERAL

  • Kon mi por keda den kontakto ku mi famia ku ta atmití den CMC? Si ta e persona di promé kontakto di e pashènt, bo por tuma kontakto ku Keda Konektá (Stay connected center) i puntra pa e estado di salú di e pashènt na +5999745-0045. Tene kuenta ku kada pashènt por tin solamente un persona di kontakto. Nos ta pidi pa tur otro miembro di famia tuma informashon serka e persona di kontakto konserní di e pashènt.
  • Mi por yama CMC si mi tin un keho agudo? E mihó opshon ta pa tuma kontakto ku bo dòkter di kas òf esun ku ta enkargá ku bo GP. Si nan nota alkansabel bo por yama 745-0000i pidi e operador pa konektá bu ku departamentu di Emergensia. Di un situashon di bida òf morto yama ambulans 912.
  • Kiko mi por hasi na momentu ku mi tin miedu pa bai departamentu di Emergensia (Si mi no ta un pashènt covid-19)? Nos ta komprondé e miedu. Nos departamentu di Emergensia ta Isolá pashèntnan ku por tin COVID-19 òf kualke un otro infekshon for di esunnan ku tin otro problema. E personal di departamentu d Emergensia ta bisti un ekiponan i materialnan di protekshon i ta separá pashèntnan ku tin COVID-19 pa sigurá ku e infekshon no por wòrdu plama di persona pa persona.Tur kamber di pashènt ta wòrdu limpia u desinfektá kompletamente na momentu ku un pashènt bandoná e departamentu. Tuma si bo warda muchu largu pa atendé ku emergensia Di salú ta un rísiko mas grandi ku chèns pa kontraé COVID-19.
  • Kiko ta e prekoushonnan ku ta wòrdu tuma pa e ambiente ta sano i limpi pa mi? Bo salu i bienestar ta di hopi importansia pa nos. Na CMC nos spesialistanan di prevenshon I infekshon ta lider den duna instrukshon I guia pa yuda redusí e plamamentu di COVID-19 I otro malesanan infeksioso. Nos ta tuma prevenshon di infekshon hopi mas serio den tur nos klínikanan, kamber di pashèntnan i sala di operashon. Adishonal nos plania i tuma èkstra prekoushon pa sigurá ku nos ta hasiendo tur loke nos por pa minimalisá tur rísiko pa nos pashèntnan i tambe personal. Nos staf di médiko nan ta traha hopi di aserka ku Prevenshon i Infekshon pa garantisá nivel haltu di opservashon di nos siguridat pa pashènt.
  • Mi no tin síntoma di ferkout (friu, keintura I tosamentu) I mi tabatin kontakto ku un persona ku ta infektá ku Corona virus. Mi por bin hospital? NO, bo mester ta de karentena I tuma konta ku bo dòkter di kas òf ku GGD inmediatamente.
  • Mi tin un sita òf un operashon den CMC pronto. E ta bai dor? Te un próksimo aviso, tur operashon elektivo, tèst i/òf intervenshonnan a wòrdu kanselá. Tur operashon ku no ta wòrdu konsiderá agudo tambe a wòrdu kanselá ku eksepshon di e siguiente
    departamentunan: Klínika di herida, Radiologia, Radioterapia, Onkologia, Diálisis I Hiperbariko.
  • Mi tin un sita I mi kier kansel’é. Kon mi tin ku hasi esaki? Bo mester yama 745-0045 djaluna pa djabièrnè di 8or a.m. pa 4or p.m. i puntra pa e klínika konserní.
  • Mi ta na estado, mi mester preokupá? No, bo no mester preokupá. Sigui e instrukshonnan di higiena I distansia sosial. Òf tuma kontakto ku bo dòkter di kas.
  • Tur Parto ta sigui tuma lugá normal? Si, e departamentu di Opstetria (C2) ta habri pa tur pashènt ku mester duna lus. Pa mas informashon bo por tuma kontakto ku e departamentu na 745-0013.
  • Mi por bira un Boluntario? Nos a risibí hopi registrashon di boluntarionan durante e último proseso pa buska boluntario. Sigui nos página di Facebook pa mas informashon tokante Boluntarionan ku kier djòin e tim di CMC.

Nos a kuminsa ku sitanan na poliklinika i operashonnan rutinario. E kantidat di pashèntnan hospitalisá ku COVID na Korsou a nivelá. Pa e motibunan aki entrante di 1 di Mei, nos lo kuminsá una bes mas ku sitanan na poliklínika i operashonnan rutinario (tratamentunan ku no ta urgente i elektivo) ku ta rekerí estadia na hospital. Nos lo sigui monitòr nos operashonnan, kapasidat di kamanan den hospital i di nos personal den kuido. Apesar ku nos ta kuidando un kantidat grandi di pashèntnan den kuido, nos tin e kapasidat pa sirbi tur pashènt tanten ku nos ta keda mantené un situashon safe pa servisionan kirúrgiko.

Pa Pashènt ku Covid-19

Durante di e tempu sin presedente aki, nos dedikashon na kuido haltu a kousa algun tardansa den nos komunikashon direkto na famia di pashènt. Pa e motibu aki nos a krea e tim “Keda konektá” pa ofresé e oportunidat pa famia keda konektá ku pashèntnan hospitalisá. Tuma kontakto ku +5999-745-0045.
Tuma nota di algun manera pa saka lo máksimo di bo yamada pa e tim pa asina risibí tur informashon ku ta mas importante pa bo:

  • Abo i bo famia mester identifiká UN persona òf punto di kontakto ku nos tim di Keda Konektá por yama. Ta mihó pa ta e persona ku legalmente ta outorisá komo representante di e pashènt pa por tuma desishonnan
    pa e pashènt si akaso e pashènt no ta den e estado pa hasi esaki.
  • E persona asigná aki por tene hinter famia informá
  • Tene un lista di pregunta pa sigurá ku bo no a lubidá di hasi niun durante e yamada.

Lokual ku tambe ta importante ta pa bo tende dirèkt di bo ser kerí. Ademas di risibí un update di personal den kuido, nos por schedule un “video call” usando un di aparatonan mobil si e pashènt no tin akseso na un di su
mes. E konekshon ku pashèntnan hospitalisá ku nan ser kerí ta hopi importante pa krea un espasio pa por kura.

Bisti un Maskará

  • Bisti un maskará ora bo sali den públiko.
  • Ora bo mester kita bo maskará pa kome, sòru pa bo no ta den un espasio será ku un grupo grandi di persona. Apliká distansiamentu sosial ora bo ta kome i no tin bo maskará bistí ta sumamente importante.

Distansiamentu Sosial

  • Tene un distansia di dos meter entre bo mes i un persona ku bo no konosé.
  • Evitá gruponan di mas di 10 persona.

Praktiká higiena di Man

Tene bo mannan limpi, semper ta importante. Pero durante un pandemia esaki ta esensial.

Ora bo mester laba bo man:

  • Promé ku bo mishi ku bo wowo, nanishi òf boka; esaki ta kon e vírùs ta drenta bo kurpa.
  • Si bo tabata den públiko i a mishi kaminda otro hende tambe por a mishi.
  • Promé, durante i despues di prepará kuminda.
  • Promé i despues di kuida un persona na kas ku ta malu.
  • Despues di uso di baño.
  • Despues di kambia pèmper òf limpia un yu ku a hasi uso di toilet.
  • Despues di supla bo nanishi, òf tosa, òf nister.
  • Despues di mishi ku un bestia òf shushi di bestia.
  • Despues di a atendé ku kuminda di bestia.
  • Despues di a atendé ku shushi.

Ora ta trata di e téknika korekto pa laba man, GGD ta bisa lo siguiente:

  • Muha bo man ku awa (kayente òf friu), i apliká habon.
  • Frega bo mannan huntu ku e habon. Tambe limpia parti patras di bo mannan, meimei di bo dedenan i bou di bo uñanan.
  • Skrùp bo mannan pa por lo menos 20 sekònde. Bo mester di un timer? Kanturiá e kantika di ‘Happy Birthday’ dos bia di komienso te final.
  • Spula bo mannan bon ku awa limpi.
  • Seka bo mannan hasiendo uso di un sèrbètè seku i usa un pida kitchen towel pa sera e kranchi. Benta e kitchen towel afó despues di uso.

Si no tin awa i habon, hasi uso di hand sanitizer ku un base di alkòhòl pa limpia bo mannan.

Covid-19 Notisia

CMC ta reforsá su departamentu di Emergensia pa motibu di COVID-19

Pa por keda sigurá kuido pa pashènt, entrante e siman aki Curaçao Medical Center (CMC) lo reforsá su departamentu di emergensia pa kompensá pa e miembronan di personal ku a keda infektá ku COVID-19.

read more

icon_feedback

Bo tin feedback pa nos?

Hasi uso di nos proseso di Kòmplimènt i Keho i laga nos sa.
Den kaso di un emergensia, yama 910