Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Notisia

Corona vírùs (COVID-19)

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat. Ku notisia di e vírùs di corona (COVID-19) i e kasonan konfirmá den Karibe, nos ta komprondé ku pashènt i bishitantenan kisas ta alarmá. CMC ta sigui e desaroyonan di aserka i tambe ta sigui tur rekomendashon di nos departamentu di salubridat lokal.

Lesa mas informashon den e Press Release aki.

Nobo: Karnèt di Pashènt

Curaçao Medical Center ta un hòspital digital. Kada pashènt ta haña un fail digital den kua ta warda tur dato di un forma sentral. E fail di e pashènt ta konektá ku e karnèt di e pashènt. Na bo promé bishita bo ta traha un karnèt di pashènt na e bali di resepshon na e piso abou. Nos ta pidi tur hende pa yega 30 minüt prome ku bo sita, pa asina tin tempu sufisiente pa traha e karnet.

Bo mester tin lo siguiente na bo promé sita:

  • Ponsplaatje bieu di SEHOS (si bo tin esaki)
  • Sèdula òf pasport
  • Prueba di inskripshon di SVB òf bo seguro di kuido
  • Nòmber di bo botika

Kua departamentu ta keda na Sehos?

No ta tur departamentu ta muda bai Curaçao Medical Center mesora. E siguiente departamentunan lo keda temporalmente na St. Elisabeth Hospitaal:

  • Laboratorio di kateterisashon
  • Departamentu di radiologia
  • Departamentu di intervenshon radiológiko
  • Departamentu di archivo mediko

Pa tratamentu na un di e departamentunan akí bo tin ku mèldu na St. Elisabeth Hospitaal i no na Curaçao Medical Center.

Pa tur otro tratamentu, inkluso pa kaso di emergensia, bo por bai Curaçao Medical Center. Wak riba nos plano (link na plano) pa e diferente rutanan korespondiente na departamentunan.

Curaçao Medical Center ta traha ku ruta

Den e hòspital nobo nos ta traha ku ruta pa asina hasi e proseso pa bo por yega na un departamento mas fásil. Si dado kaso bo bishitá hòspital pa bishitá un pashènt, PA un tratamantu òf pa atmishon e ora ei bo mester sigui un ruta pa por yega na bo departamento.

Den Atrium tin diferente plano ku ta índika kua ruta mester sigi pa yega e departamentu konserni. Tambe den e promé lunanan lo tin guíanan presente pa yuda bo yega na bo departamentu via di e ruta korekto.

Riba e plano tin e rutanan korespondiente den Curaçao Medical Center kaminda a indiká e 4 alanan ku e lèternan A, B, C i D. Wak riba nos plano pa e diferente rutanan korespondiente na departamentunan.

Un ejempel: Departamentu di enfermeria C1 ta indiká ku bo mester ta na e di tres ala, riba e promé piso.