Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Poliklínika

Kon kos ta kana na poli?

Si bo bini Poli, ta pasobra un dòkter di kas a manda bo pa un di nos spesialistanan saminá bo mas aleu.

Ora bo yega pa bo sita, bo mester mèldu promé na resepshon den Atrium. Aki ta mustra bo kua ruta sigui pa yega na e sekshon korespondiente.

Ta masha importante pa bo tin serka bo e siguiente dokumentonan pa bo sita na Poli:

  • Bo plachi di pòns bieu di Sehos (den kaso ku ainda komo pashènt bo no tin un pas) òf un pas (den kaso ku bo ta inskribí kaba komo pashènt);
  • Prueba di identidat bálido (Sédula òf pasaporte);
  • Prueba di SVB òf di seguro privá;
  • Karta di referensia di dòkter di kas/spesialista òf formulario di solisitut pa, por ehèmpel: Un MRI (resonansia magnétiko).

Durante e konsulta, e spesialista ta determiná, dependiendo di bo situashon, si bo por bai kas, si bo ta sigui bou di tratamentu serka e spesialista òf si bo mester keda hòspital.

Sekshonnan di Poli / Spesialistanan

Na Curaçao Medical Center a dividí Poli den seis departamento, di moda ku nos por sirbi nos pashèntnan di e manera mas efikas posibel.

E 6 departamentonan di Poli ta:

  • Route 46 → Poliklínika 1: Sirugia, (MDL), Ortopedia
  • Route 48 → Poliklínika 2: Dermatologia, Sirugia Plástiko(KNO) Urologia, Sirugia di Kakumbein i Logopedia
  • Route 50 → Poliklínika 3: Anestesia, Medisina Interno, Onkologia
  • Route 51 → Poliklínika 4: Mente i Serebro, Toraks, Sikiatria (segun konsulta)
  • Route 61 → Poliklínika 5: Ginekologia
  • Route 62 → Poliklínika 6: Pediatria, Rehabilitashon

Tambe wak