Corona vírùs (COVID-19) Update

Na Curaçao Medical Center (CMC) seguridat di nos tim, dòkter-, pashènt- i bishitantenan ta nos prioridat.

Sala di emergensia

Den situashon ku bida ta na peliger nos ta sugerí pa tuma kontakto mesora ku 910.

Nos sekshon di emergensia ta disponibel 24 ora pa dia, 7 dia pa siman. Un situashon di emergensia ta na momento ku un persona ta den un situashon ku su bida ta na peliger.Pa tur otro keho ku no ta di emergensia, nos ta pidi bo pa tuma kontakto ku bo dòkter di kas òf e dòkter na warda.

Bo ta haña mas informashon tokante dòkter na warda riba www.chv-site.org

Servisio di ambulans

Pa por drenta den kontakto ku servisio di ambulans bo por bèl 912 grátis.

Pa mas informashon tokante servisio di ambulans nos ta referí bo na www.fundashonkuidodiambulans.org

Kon mi ta yega Sala di emergensia?

Den kaso di situashon ku bida ta na peliger bo por yega na sala di emergensia via:

  1. Atrium riba e piso abou (aksesibel via di garashi di parker).
  2. Na e entrada ku pòrtir na e banda drechi di Colon.
  3. Anochi/madruga por yega sala di emergensia na entranda nr. 4 (banda di entrada di ambulans).

Entrada prinsipal 2 (West) di Curaçao Medical Center ta 24 ora habrí pa ayudo ku kurason i mama ku tin ku haña yu.

Kiko bo mester tin den kaso di asistensia di emergensia

• Sédula òf pasaporte
• Prueba di inskripshon di SVB òf bo seguro di kuido
• Karta di referensia di bo dòkter di kas (si bo tin esaki)
• Medikashon- òf lista di remedi (si bo tin esaki, tambe eventual medikashon kasero)

Kiko mester hasi ora yega na asistensia di emergensia

Ora bo yega na asistensia di emergensia bo mester mèldu na resepshonista.

Un enfermero di emergensia ta evaluá e situashon i ta konsehá unda lo por yuda bo mihó. Esaki por sosodé na e departamento di asistensia di emergensia òf na un di e departamentunan di ayudo agudo.

Den kaso ku referí bo na asistensia di emergensia, òf si bo a bini ku ambulans, lo yuda bo mesora na asistensia di emergensia.

Nos asistensia di emergensia ta konsistí di 7 kamber di tratamentu, banda di esakinan 2 kamber grandi pa kasonan di trouma i reanimashon. Tin un parti nobo na asistensia di emergensia, e sekshon di hospitalisashon agudo. Ku e sekshon akí ta redusí e tempu di espera na asistensia di emergensia, pasobra e sekshon ta spesial pa hende ku nos sa ku mester keda hospitalisá.

Den Curaçao Medical Center tur sekshon agudo ta banda di otro. E asistensia di emergensia ta situá banda di e kamber pa geps, radiologia, sekshon pa hospitalisashon agudo i e pòst di dòkternan di kas. Di e forma akí por yuda un pashènt di un forma rápido.

Tambe wak