Willemstad, September 26th, 2023 –Curaçao Medical Center (CMC) ta orguyoso pa anunsiá su Siman di konsientisashon di reanimashon. Esaki ta un inisiativa pa enfatisá e importansia krítiko di Resusitashon Kardio-Pulmonar (CPR) i uso di Aparato Elektriko di Defibrilashon (AED) pa salba bida. E programa di konsientisashon pa empleadonan lo tuma lugá di 27 di sèptèmber pa 29 di Sèptèmber 2023, na unda CMC lo kompartí informashon vital pa medio di diferente programa interno pa koleganan. Alabes lo komparti informashon ku komunidat Kòrsou pa medio di entrevistanan den medionan di komunikashon i pòstnan riba Facebook di Curaçao Medical Center.
Emergensia relashoná ku kurason por sosodé na kualkier momentu i na kualkier sitio sin aviso previo. 70 porshento di kasonan di atake di kurason ta sosodé na kas. CMC sa ku e intervenshon di e promé personanan presente, hopi biaha famia, por ta e diferensia entre bida i morto. E Siman di konsientisashon di reanimashon tin komo meta pa ekipá tantu profeshonalnan di kuido di salú komo esnan den tur otro departamentu di CMC ku e konosementu i abilidat pa respondé ku konfiansa den un situashon di emergensia.
Importansia di konsientisashon di CPR i AED:
Konsientisashon riba e tema di CPR i AED ta un esfuerso pa komunidat kompletu ku tin e potensial pa salbá bida di un hende. Dor di sa kon hasi CPR i uso di AED, un persona komun por bira un héroe. Kada minüt ku no tin intervenshon durante un atake di kurason ta redusí e chèns di por sobrebibí. P’esei ta importante pa tuma akshon inmediato. E inisiativa aki ta suprayá e importansia di respondé lihé i na un manera efektivo, ku por ta e linia vital pa un mayor, partner, yu, òf amigu.
Hasi un Diferensia den bida di hende:
Konsientisashon di CPR i AED no ta eksklusivo pa profeshonalnan di kuido; e ta pa tur hende. Nos ta invitá komunidat di Kòrsou pa tira un bista riba página di Facebook di Curaçao Medical Center e siman aki pa siña mas tokante e esfuerso aki i yuda krea un komunidat mas sigur i mas resiliente. Sea mihó prepará pa tuma akshon na momentu ku sekònde ta konta pa bo ser kerí.
www.cmc.cw
