Sistema redundante di Curaçao Medical Center ta garantisá suministro di awa den kaso di mantenshon òf Kalamidat

Willemstad, 10 di yüli, 2021 – E diseño di Curaçao Medical Center (CMC) ta redundante (tin sistema di back-up) pa loke ta trata suministro di awa i ta garantisá kontinuidat di kuido si akaso awa kai afó. Esaki a wòrdu validá durante un interupshon di 4 ora planiá pa Aqualectra den konsulta ku CMC. E sistema di awa di CMC por garantisá suministro di awa na tur momentu na su departamentunan, asta na momentu ku suministro di awa di Aqualectra kai afó pa motibu di mantenshon òf kalamidat.

Di djamars anochi 6 di yüli pa mardugá di 7 di yüli, Aqualectra a hasi trabounan di mantenshon riba e ret ku ta suministrá awa pa CMC. Mester a kita awa temporalmente pa por hasi un konekshon adishonal riba e ret eksistente ku ta suministrá awa pa Megapir 2 i Marriott Courtyard Hotel. Komo un hòspital, CMC mester ta operashonal 24×7 i no ta permití interupshon den suministro di awa. E tim di CMC Vastgoed a hasi diferente tèst preparatorio promé ku a kòrta e awa pa sigurá ku ta prepará pa e momentu.

E transishon pa e Sistema si “back-up” ta seif i sigur i komo tal ta inkluí un protokòl higiéniko ku e tim di CMC Vastgoed a ehekutá pa garantisá e kalidat di awa. E awa di CMC ta pasa dor di un filter ultra moderno ku rayonan ultravioleta. Alabes ta disponé di un “hydrofor” ku ta sòru pa hisa e preshon di e awa ku ta distruibi  den tur departamentu.

ith Mr. Martina to continue increasing the quality of care and placing Curaçao on the map as a center for healthcare excellence.

Leave a Reply

Your email address will not be published.