Klínika

Bo ta sera konosí ku bo anestesista promé ku bo operashon. E anestesista ta bai kontrolá bo historia médiko i evaluá e nesesidatnan spesífiko pa bo prosedura pa determiná ki tipo di anestesia ta mas mihó pa bo prosedura.

E botika di Curaçao Medical Center tei pa yuda nos pashèntnan pa hasi mihó uso di nan remedinan i asina kontribuí na mehorashon di nan salú.

Un dermatólogo ta traha hopi serka ku bo i bo tim di kuido pa komprondé i atendé ku bo nesesidatnan dermatológiko i pa dunabo e kontestanan korekto for di prinsipio.

Terapia di oksígeno hiperbáriko ta inbolbí respirashon di oksígeno puru den un kamber yená ku preshon. Terapia di oksígeno hiperbáriko ta un tratamentu hopi konosí pa malesa di dekompreshon, ku por surgi durante di sambuyamentu.

E departamento aki ku ta keda dirigí pa kònsultents ku ta spesialisá den medisiná pa tripa, ta investigá i trata malesanan gastro-intestinal i tambe melesanan di e pankreas i e sístema di e kanal di hal.

Pashèntnan ku tin malesanan serio, ku a sufri un aksidente grave òf ku ta rekuperando di un operashon grandi, ta wòrdu tratá den e departamento di Intensive Care (ICU).

E departamento aki ta Brinda kuido médiko na pashèntnan ku tin problema ku kurason òf sirkulashon.

Departamento di KNO ta duna kuido na pashèntnan ku un variashon di problema na orea, nanishi i garganta.

E departamento di nefrologia-diálisis ta trata pashèntnan ku problemanan di nir agudo i króniko. E pashèntnan ta haña kuido den e unit di hòspital.

E departamento aki ta atendé ku malesanan di e sistema nèrvioso, inkluso e serebro i tutu di wesu. Na kabes tin médikonan ku ta spesialisá riba e tereno aki (neurológiko) i nan staf.

E departamento di Oftomologia primeramente ta brinda kuido di wowo i ta trata tur tipo di kondishonnan di wowo i su strukuranan, tantu rutinario komo agudo.

E departamento aki ta brinda radioterapia i varios tratamentu di kimoterapia pa tumornan di kanser i malesanan di sanger.

E departamento di ginekologia ta investigá i trata problema di trakto urinario femenino i e órganonan reproduktivo, manera entre otro endometritis, infertilidat i inkontinensia.

E programa ortopédiko di Curaçao Medical Center ta brinda kuido pa un gran variashon di kondishonnan ortopédiko, manera por ehèmpel artritis, frakturashon di wesu i leshonnan.

Nos ta konsiderá famia un parti importante di e tim di kuido di CMC. Nos ta enkurashá nan enbolbimentu i ta yama mayornan bon biní pa ta ku nan yunan 24 ora pa dia. Un mayor por keda drumi banda di e yu anochi i rumannan ku ta di bon salú tambe por bishitá.

Nos tin un tim di spesialista di pulmonologia – médikonan ku konosementu avansá i abilidat pa diagnostiká i trata kondishon i malesanan di pulmon – ku huntu ku terapistanan respiratorio, enfermeranan i otronan ku ekspertisio den kuido di pulmon, tei pa yudabo.

Curaçao Medical Center tin un departamento di Radiologia ultra modèrno ku kontinuamente ta traha duru pa por ofresé pashèntnan e teknologíanan mas avansá i opshonnan pa tratamentu inovativo.

E departamento di rehabilitashon di Curaçao Medical Center ta dediká na mehorashon di e abilidat humano pa superá bareranan pa esnan ku un deshabilidat. Di frakturashonnan te ku leshonnan grave ku ta afektá e wesu di lomba i e serebro; nos spesialistanan ta duna e nivel di mas haltu di kuido basá riba evidensia.

Introdukshon Bo a bai poli ku bo siruhano ortopédiko i komo resultado di bo kehonan i e apnormalidat presentá riba e radiografia, huntu boso a disidí pa laga buta un hep artifisial pa redusí bo kehonan. Un operashon asina no ta algu chikitu i e rehabilitashon ta rekerí hopi forsa di boluntat i esfuerso di …

Ruta di kuido prótesis di Hep Read More »

Na Curaçao Medical Center, nos tim di siruganonan general ta ofresé kuido personalisá i téknikanan avansá pa kumpli ku bo nesesidatnan spesífiko.

Sirugia plástiko (tambe konosí komo sirugia rekonstruktivo) ta keda apliká pa drecha i rekonstruí tehido i kueru, pa restourá funshon òf apariensia nòrmal.

Tur opshon di radioterpia ku nos ta ofresé ta pèrmití nos tim di médiko pa brinda e mihó tratamentu i aserkamentu di terapia pa tur pashènt. Kada tratamentu ta personalisá pa e tumor spesífiko di e pashènt.

Na kabes di e departamento di urologia tin un kònsultent urólogo i siruganonan i nan tim. E tim aki ta investigá tur area ku ta konektá ku problemanan di nir i blas.