E departamento di dermatologia di CMC ta duna kuido amplio na personanan ku ta buskando un solushon pa kondishonnan i malesanan di kueru, slijmvlies, kabei i uña. E dermatólogo di CMC ta diagnostiká i trata diferente kondishon, inkluso varios ku no ta komun òf ku ta kompleho. E dermatólogo ta traha den estrecho koperashon ku abo i bo tim di kuido pa komprondé i atendé bo nesesidatnan dermatológiko i dunabo e kotestanan korekto for di prinsipio.
E spesialista di kueru di CMC ta un eksperto riba tereno di genétika, imunologia, melanoma, malesanan oral, patologia, pediatria, farmakologia, salubridat públiko i sirugia. E spesialista tambe ta realisá otro prosedura kirúrgiko dermatológiko.
Tratamentu i Kondishonnan
- Rebultashon
- Malesa di Blar
- Malesa di Tehido Konektivo
- Dermatitis di kontakto
- Limfoma
- Dermatitis
- Pèrdida Genétiko di kabei
- Melanoma
- Carcinoma
- Psoriasis
- Kanser di Kueru
- Frèt
- Spatardu
Programa i Servisionan Dermatológiko
- Tratamentu di ardu
Muller Flebectomie
Muller Flebectomie ta un téknika di operashon simpel i no invasivo ku ta eliminá spatardu pa medio di un kòrtá chikitu di 2 pa 3 mm. E pashènt por trata e ardunan chikitu ku ta isolá bou di anestesia lokal.
- Dermatoskopia
Dermatoskopia ta un téknika in vivo no invasivo pa eksaminá leshonnan di kueru pigmentá. E téknika aki ta wòrdu apliká pa medio di un aparato ku yama un dermatoskopia, ku ta visualisá karakterístikanan bou di e kueru ku normalmente bo no por mira. E dermatoskopia por saka imahen digital (potrèt òf video) pa uso den futuro.
- Skrinen di Kanser di Kueru
Durante un skrinen di kanser di kueru bo dermatólogo lo inspekshoná bo kueru en buska di leshonnan sospechoso. Esaki no ta rekerí tèst di sanger. Si un biòpsi òf otro prosedura no ta nesesario, e skrinen ta sin doló.
- Epicutane plaktest
Un plaktest ta un instrumento fantástiko pa identifiká i ekskluí alergenonan di kontakto. E tèst ta hasi uso di ekstraktonan di supstansianan di kua ta konosí ku nan ta kousa kontakto di dermatitis serka sierto persona. En bes di un angua, ta hasi uso di un pleister ku e supstansia i plak esaki riba e kueru. E plaktest a demonstrá di por duna un diagnóstiko mas mihó di un alergia spesífiko i asina alabes por preskribí e miho tratamentu.
- Tratamentu di Kanser di Kueru
Kanser di kueru ta e tipo di kanser mas komun. Kansernan di kueru non-melanoma, manera entre otro basaalcelcarcinoom i plaveiselcelcarcinoom probablemente lo no plama i por rekerí un tiki mas ku un operashon chikitu òf tratamentu. Melanoma, ku ta representá alrededor di 2 porshento di tur tipo di kanser di kuero, por plama den e sistema limfatika òf den bo sanger pa otro órgano. E patólogo i onkólogo di CMC ta eksperto riba tereno di kuidp di kanser di kueru. Bo onkólogo por rekomendá sirugia, terpia dirigí òf sirugia plástiko pa restourá funshonamentu i apariensia, si esaki ta nesesario.
- Sclerocomppressietherapie
Sclerocomppressietherapie ta trata spatader efektivamente. Hopi bia e preferensha ta bai pa e tratamentu aki pa atendé ku spatader chikitu.
Sclerocomppressietherapie ta enbolbí inyekshon di un supstansha direktamente den e ardu. E supstansha di sclerocomppressietherapie ta sòru ku e ardu ta krea un sikatris, i asina e sanger mester buska su ruta via ardunan mas saludabel. E ardu ku a kòlèps ta keda apsorbá den tehido lokal i eventualmente ta disparsé.
Despues di sclerocomppressietherapie, ardunan ku a keda tratá ta disparsé dentro di algun siman. Pero tin bia ta dura un luna òf mas pa mira e resultado kompleto. Den sierto kaso e pashènt mester di varios tratamentu di sclerocomppressietherapie.
- Microneedling
Microneedling ta mehorá tekstura di kueru i ta redusí liña fini i sikatris dor di stimulá produkshon di kolágeno.
Angua fini ta penetrá e kueru i asina stimulá e karakter di kura natural di bo kurpa, lokual ta resultá den produkshon di kolágeno ku ta mas firme.
Pa e mihó resultado nos ta rekomendá varios tratamentu, kombiná ku tratamentu pa suavisa e kutis pa resultado riba término largu.
Spesialista Dermatólogo
Roxanne Gouverneur - Dermatólogo
Drs. R. Gouverneur ta spesialisá den dermatologia, tratando varios tipo di malesa di kueru, manera entre otro acne, eczema, alergia, malesa di transmishon seksual i kanser di kueru.
E la kuminsá ku su edukashon na Rijksuniversiteit Nijmegen, sigí pa un stazje na Rijksuniversteit Groningen. Promé ku e la spesialisá den dermatologia na VU Medical Centre na Amsterdam, e la kompletá un aña di stazje den medisina internal na lokual antes tabata Slotervaart Ziekenhuis.
E ta miembro di varios sosiedat profesional internashonal, manera ‘Nederlandse Vereniging voor dermatologie en venerologie’, ‘European Academy for Dermatology and Venerology’ i ‘Nederlandse vereniging voor Cosmetische Dermatologie’.
Gustaaf Kuiters - Dermatólogo
Dr. Guustaaf Kuiters a djòin e famia di CMC na 2021. Dr. Kuiters a traha na ISALA na Zwolle, Hulanda pa mas ku 25 aña i ta spesialisá riba e tereno di flebologi. E tabata parti di e komishon di spesialistanan i dermatologonan i diferente posishon den komishonnan. El a bishita Korsou na 1985 i a keda ku bon kontakto riba e isla for di e ten.