Ora un kondishon di pulmon afektá bo abilidat pa hala rosea i funshoná normal, sa ku bo por bai Curaçao Medical Center su departamento di pulmonologia pa un diagnósis eksperto, tratamento, edukashon i servisionan di rehabilitashon.
Nos tin un tim di spesialistanan di pulmonologia – médikonan ku konosementu avansá i abilidat pa diagnostiká i trata kondishonnan di pulmon – huntu ku terapístanan respiratorio, enfermeronan i otronan ku ekspertisio riba tereno di kuido di pulmon ku tei pa yudabo.
Tambe nos ta traha den estrecho koperashon ku EMC Rotterdam pa kasonan kompleho di hipertension pulmonaria. E departamento di pulmonologia na CMC ta brinda kuido na midí i den sierto kaso ta sugerí un transferensia pa Rotterdam.
Tratamentu i Kondishonnan
- Astma
- Malesa di pulmon opstruktivo króniko, inkluso emfisema i brònkítis króniko
- Cystic Fibrosis
- Malesa di pulmon okupashonal manera asbestosis
- Kanser di pulmon
- Infekshon di Pulmon
- Fibrosis di Pulmon
- Sarcoidosis
- Síntomanan manera rosea kòrtiku i tosamentu
Programa i Servisionan di Pulmonologia
- Diagnóstika:
- Tèst pa midi funshonamentu di Pulmon
- Tèst di Astma
- Ehersisio Kardiopulmonal
- Bronkoskopia
- Tratamentu:
- Mobilisashon i rehabilitashon pulmonal pa oumentá kapasidat respiratorio, higiena pulmonal.
- Nutrishon/konseho di dieta
- Medikashon
- Sirugia Torákika
Spesialista Pulmonologia
Tamara Blonk - Pulmonólogo
Durante su spesialisashon riba tereno di pulmonologia dr. Blonk a kore stazje na e Royal Brompton Hospital na London. E tin ekspertisio den malesanan infektuoso pulmonal manera Tuberculose, bronquiektasias i e síndroma di slaapapneu/OSAS. E la traha na varios hòspital na Hulanda, entre otro na Jeroen Bosch Hospital na Den Bosch, Amstelland hospital na Amstelveen i na Noord West Ziekenhuis Groep na Alkmaar/Den Helder. Na 2018 dr. Blonk a disidí di regresá e pais di unda su welo ta originá. Huntu ku su kasá, yu hòmber i pushi nan a muda pa Kòrsou pa siña mas tokante e kultura i pa ta mas serka di su famia.
Su responsabilidatnan adishonal na CMC ta inkluí tratamentu di Tuberculosis (TB). Huntu ku GGD e ta yuda prevení infekshonnan. Dr. Blonk ta haña importante pa brinda e mihó kalidat di kuido na komunidat di Kòrsou. Pa hasi esaki e ta duna lès di enfermería i ta traha den estrecho koperashon ku Hulanda. Regularmente e ta sigi kurso pa refreská i pa keda na altura di desaroyonan nobo. E meta di dr. Blonk ta pa sigi informá i konsientisá pashèntnan di e diferente síndrome i tratamentunan.
Petrus van Tilburg- Pulmonólogo
Dr. Petrus van Tilburg ta un pulmonólogo na Curaçao Medical Center, kaminda e ta forma parti di e tim for di yanüari 2025. E ta poseé ekspertisio amplio den pulmonologia, ku un enfoke partikular riba onkologia di toraks i intervenshonnan avansá di pulmon, manera EBUS i EUS.
Dr. van Tilburg a terminá su studio médiko i spesialisashon médiko komo pulmonologo na Erasmus MC na Rotterdam, Hulanda. Durante su training i trabou, el a haña eksperensia amplio den e diagnostiko i tratamentu di vários kondishon di pulmon. Adishonalmente, el a spesialisá den kuido di pashèntnan ku kanser di pulmon i otro formanan di kanser na pechu.
Su ekspertisio ta inkluí onkologia di toraks i intervenshonnan pulmonar, inkluyendo EBUS (endobronchiale echografie) i EUS (endoscopische echografie), ku por wòrdu usá pa analisá strukturanan den i rònt di e pulmonnan i pechu i yuda den diagnostiká kondishonnan.
Dr. van Tilburg ta komprometé na duna kuido personal i di kalidat haltu i ta usa su ekspertisio médiko pa sostené e salú respiratorio di su pashèntnan.
Dr. Peter Kunst - Pulmonólogo
Dr. Peter Kunst ta un pulmonólogo na Curaçao Medical Center, kaminda e ta forma parti di e tim for di 2026. E tin eksperensia amplio den pulmonologia, ku enfoke partikular riba onkologia i intervenshon di “bronchoscopie”.
Dr. Kunst a termina su spesialisashon komo pulmonólogo na Medisch Centrum (AMC) na Amsterdam, Hulanda. Durante su training i su karera, el a haña konosementu i eksperensia amplio riba vários tereno di pulmonologia. Esaki ta permitié trata pashèntnan ku un rango amplio di kondishonnan di pulmon i e kanal respiratorio.
Su áreanan partikular di enfoke ta e diagnostiko i tratamentu di pashèntnan di kanser i intervenshond di “bronchoscopie”, usando téknikanan avansá pa analisá i trata kondishonnan di e kanalnan respiratorio i pulmonnan.
Dr. Kunst ta komprometé na duna kuido personal i di kalidat haltu i ta usa su konosementu i eksperensia pa sostené e salú di pulmon di su pashèntnan na e mihó di su abilidat.