Pashènt i Bishitante
Un estadía na hòspital òf pa bo tin un ser kerí keda na hòspital, por ta hopi pa prosesá. E sekshon aki di nos wèpsait ta kontené informashon ku nos ta spera ta util pa bo promé, durante i despues di e estadía.
Kon pa traha un sita
Pa bo promé sita, bo mester tuma kontakto via telefon ku e klinika relevante di konsulta eksterno. Aki bo por haña un bista general di e departamentonan den e klinika di konsulta eksterno.
Kòrda ku semper bo mester di un ‘verwijsbrief’ pa bo prome bishita na e klinika. Bo no por traha un sita sin un verwijsbrief.
Kiko nos mester dibo pa traha un sita?
Por fabor tene e siguiente informashon na man pa traha bo sita:
- Nòmber i adrès.
- Fecha di nasementu.
- Number di telefòn.
- Spesialismo i/òf spesialista ku ken bo ke traha un sita.
- Number di SVB òf number di registrashon di bo seguro di salú.
- Number di pashènt (si bo tin unu).
Pa traha un sita, bo mester di un ‘verwijsbrief’ di bo dòkter di kas.
*Por fabor, tene na kuenta ku e konsulta aki ta SOLAMENTE pa pidi sita òf pa renová resèpt. Si bo tin otro pregunta no relashoná na esaki, yama CMC na +5999-745-0000.
Pa bo haña un karchi di pashènt, bo mester di un verwijsbrief di bo dòkter di kas.
Pa bo promé sita, bo mester tuma kontakto via telefòn ku e klinika relevante di konsulta eksterno. Aki bo por haña un bista general di e departamentonan den e klinika di konsulta eksterno.
Kòrda ku semper bo mester di un ‘verwijsbrief’ pa bo prome bishita na e klinika. Bo no por traha un sita sin un verwijsbrief.
Ku outo
Na rotònde na Pater Eeuwensweg (biniendo for di Bándariba), kita na e promé salida i drenta e garashi di parker level -1. Si bo bini di otro direkshon (Bándabou), kita na e di tres salida riba e rotònde.
Bo por baha bishitante na e entrada prinsipal 1 di Curaçao Medical Center. Bo no por parker akinan, esaki ta djis pa baha bishitante/pashènt.
Ku transporte públiko
Na Roodeweg tin un bòrchi di bùs dilanti di e edifisio bieu di Colon. Di aki bo por kana yega e entrada prinsipal 1 i 2 di hòspital.
Na Pater Eeuwensweg tambe tin un bòrchi di bùs dilanti e edifisio di SVB, en frente di St. Elisabeth Hospitaal. Di aki tambe bo por kana yega e entrada prinsipal di CMC.
Den kaso di kuido di emergensia i durante oranan di anochi
Den kaso di un situashon di bida i morto, bo por yega na departamentu di emergensia via:
1. Atrium na promé piso.
2. E entrada di seguridat na banda drechi di e edifisio di Colon.
3. Anochi bo por yega na entrada di sala di Emergensia via entrada 4 (banda di e entrada di ambulans).
Entrada prinsipal 2 (Wèst) di Curaçao Medical Center ta habrí 24 ora pa partera i kuido di kurason.
Garashi di parker
Na Curaçao Medical Center bo por hasi uso fasilmente di e garashi bou di e edificio. Tin dos (2) piso ku mas di 500 espasio pa parker pa outo i 22 espasio pa parker pa motosiklista.
Sigui e liña blou banda di e espasionan di parker pretu den e garashi. E liña aki ta hibabo na e trapi i left pa bo yega e Atrium.
Den e Atrium bo por buska bo number di ruta riba mapa i yega fasilmente na e departamentu ku bo mester ta.
Den aña 2020 bo por parker gratis na Curaçao Medical Center. Despues mester paga un montante chikitu pa parker den e garashi.
Bishitante
Orario pa famia na Curaçao Medical Center ta di 11 AM – 8 PM. Tur persona mester sigui e siguiente reglanan:
- Ta pèrmití solamente dos persona pareu serka e pashènt. (Hefe di enfermería por hasi eksepshon, dependé di kondishon di e pashènt).
- Personanan no por keda despues di ora di bishita sin pèrmit di e enfermo/a.
- Orario pa famia ta varia pa áreanan di kuido krítiko. Puntra e enfermero/a pa oranan spesial.
Porfabor nota ku e enfermero/a por limitá e kantidat di persona òf e ora di bishita pa tene kuenta ku e seguridat i kondishon di e pashènt. Famianan ku ta den hòspital i mester keda riba piso di pashènt despues di 8 PM, por hasi esei únikamente ku aprobashon di e enfermero/a.
Por fabor download e guia pa pashènt i famia pa mas informashon.
Akseso na ret wireless
Nos ret wireless, CMC guest, ta aksesibel pa un i tur ku un aparato ku tin e opshon wireless. Skohe e opshon wireless CMC guest i konekta ku nos ret.
Kuminda
Curaçao Medical Center tin un restorant na Level 0 kaminda pa pashènt i bishitantenan por kumpra kuminda i kos di bebe.
Ora di operashon:
8:00am – 7:00pm
Asuntunan bankario
Na Level 0, banda di e bali di registrashon tin un ATM.
Seguridat
Tin agente di seguridat den hinter e hòspital pa yuda abo, bishitante i staf si esaki mester. E tim di seguridat ta otorgá pas na bishitante, ta rekohé i debolbé artikulonan di balor di pashènt, ta kontrolá tráfiko riba e tereno di hòspital i ta duna informashon di pashènt despues di oranan di ofisina.
E formulario aki ta pa hasi un petishon pa un kopia di bo propio historial médiko. Por fabor lesa e informashon siguiente promé ku yena e formulario:
- Yena e formulario aki kompletu;
- Na final di e formulario, mester agregá un kopia di bo sédula, pasport òf reibeweis.
- E prosesamentu ta dura 10 dia di trabou.
- Si bo ta hasi un petishon na nòmber di un otro persona, mester agregá bo identifikashon i di e pashènt;
- Por fabor sigurá ku tur informashon yená ta kuadra pa evitá retraso den e prosesamentu di bo petishon.
- Si bo skohe pa risibí e kopia di bo historial médiko digital via mail, bo ta risibí un mail segurá i enkriptá di nos. Despues di a deskargá e kopia di bo historial médiko, esaki lo wòrdu warda den e map “files” riba bo telefòn.
Pa kualkier pregunta òf asistensia pa yena e formulario aki, por fabor tuma kontakto ku nos na + 5999 745 0000.