Curaçao Medical Center ta trata tur kondishon urológiko; di un infekshon komun di trakto urinario pa kansernan kompleho di e blas, nir i trakto geniturinario. Ku un tim di urólogo bon kalifiká, nos ta sirbi tantu hende hòmber komo hende muhé ku ta bin CMC pa kuido urológiko. I pa kondishonnan ku ta rekerí mas spesialidat, nos tim por kolaborá ku otro tim na CMC, manera por ehèmpel onkologia i ginekologia.
Na CMC nos tim di urólogonan ta brinda tratamentunan kirúrgiko i no-kirúrgiko pa problemanan urológiko na un sitio kaminda tambe tin varios opshon avansá pa tèst i diagnostiká e pashènt. Di imahen i tèst te tratamentunan médiko i sirugianan minimo invasivo; nos ta ofresé tur lokual un pashènt por tin mester i kada plan di tratamentu ta trahá na midí i ta reflehá e nesesidatnan spesífiko di kada pashènt. Tambe nos ta dediká na edukashon di nos pashèntnan; nos ta traha di aserka ku kada individuo ku nos ta trata pa yuda nan tuma e mihó desishonnan tokante nan salú urológiko.
Tratamentu i Kondishonnan
- Kanser na blas
- Prolapso di Blas
- Inkontinensia Urinario
- Infekshonnan di trakto urinario
- Kanser di Nir
- Piedra di Nir
- Blas Sobreaktivo
Spesialista Urologia
Yme Weijers - Urólogo
Yme Weijers a spesialisá komo un urólogo integral na Nijmegen, Hulanda, ku un enfoke spesífiko pa kanser di blas i di nir. Weijers i e departamento di Urologia ta hasi investigashon i tratamentu di BH/LUTS i malesa di piedra. E ta papia Papiamentu, Hulandes i Ingles. Na 2016 e la kuminsa traha komo urólogo na Sint Elisabeth Hospitaal i despues a sigui pa Curaçao Medical Center na 2019.
Daniel Rojas Castillo - Urólogo
Daniel Rojas, MD ta un urólogo ku mas di 15 aña di eksperensia ku un interes general den urologia onkológiko. Na 2004 e la gradua komo un urólogo na Universidad del Rosario na Bogotá i a risibí su diploma Masters riba tereno di Urologia Onkológiko na Universidat di Barcelona na 2020.
Dr. Nataly González - Urólogo
Dr. Nataly González ta un urólogo na Curaçao Medical Center (CMC). El a kompletá su estudio di Urologia na Fundación Universitaria Sanitas na Bogotá, Colombia, na 2019 i a optené su diploma Médiko na Universidad Militar Nueva Granada na Bogotá na 2010. Dr. González ta spesialisá den urologia rekonstruktivo i funshonal.
El a drenta CMC na 2025 i ta enfoká riba trastornonan di urina den hende hòmber i hende muhé, trastornonan uretra, kondishonnan di e trakto urinario abou (blas i uretra) i otro kondishonan urológiko funshonal.
Dr. González ta komprometé na kuido di pashènt basá riba evidensia, enfatisando komunikashon i kolaborashon klaro ku su pashèntnan pa desaroyá solushonnan efektivo i personalisá pa nan salú urológiko.
Dr. Laura Avilleira Garcia - Urólogo
Dr. Laura Avilleira García ta un urologo na e Curaçao Medical Center, kaminda e ta forma parti di e tim for di 2025. E ta duna kuido urológiko amplio i tin eksperensia ku emergensianan urológiko, sirugia minimalmente invasivo, endorologia, problemanan di prostat, problemanan di blaas i urologia pediátriko.
Dr. Avilleira García a studia medisina na Universidad Autónoma di Madrid i a kompletá su spesialisashon komo urologo na Hòspital General de Segovia na Spaña. Durante su spesialisashon, el a haña eksperensia den spesialidatnan manera sirugia pediátriko, transplante di nir, andrologia, urologia femenino i proseduranan urológiko avansá.
El a sigui desaroyá su ekspertisio dor di optené eksperensia klíniko na vários hòspital na Spaña, inkluyendo e Hospital Universitario 12 de Octubre, e Klínika ROC i e Hospital Universitario di Fuenlabrada. Su eksperensia kirúrgiko ta inkluí proseduranan urológiko laparoskópiko i asistí pa robot, ureteroskopia, ureteroskopia fleksibel, kitamentu di piedra na nir i sirugia di prostat i sirugia di blaas.
Ademas, el a kompletá mas training den sirugia urológiko laparoskópiko, sirugia asistí pa robot, sirugia endorológiko, tratamentunan di próstat ku laser i otro téknikanan urológiko avansá. El a presentá investigashon na kongresonan nashonal tokante urologia i a kontribuí na publikashonnan riba kondishonnan urológiko i téknikanan kirúrgiko.
Dr. Avilleira García ta boga pa kuido di kalidat haltu i sentrá riba e pashènt. E ta balorá komunikashon, trabou den tim i empatia i ta konvensí ku un relashon positivo entre dòkter i pashènt ta esensial pa logra e mihó resultadonan.