Neurologia ta un disiplina amplio ku ta atendé tur kondishon ku ta afektá e serebro, e tutu di wesu, nèrvionan i tur otro parti di e sístema nèrvioso. Tin hopi defekto i malesa ku por impaktá e partinan aki di e kurpa i e efekto por ta amplio. Pa e motibu ei mayoria bia e kaso ta rekerí un tim hopi spesialisá pa diagnostiká i trata e defekto i/òf malesanan aki. Curaçao Medical Center ta ofresé kuido kompleto pa problemanan neurológiko i ta brinda tratamentu ekstenso pa mucha i adulto ku ta sufri di malesa neurológiko.
Na CMC nos tin un tim di médikonan ku ta spesialisá den tratamentu di kondishonnan neurológiko, i tambe un staf ku ta konsistí di enfermeranan sertifiká, téknikonan i otro personal médiko. Nos neurólogonan, neurosirugano i radiólogonan intervenshonal tambe semper ta na stand-by pa brinda kuido rápido pa pashèntnan ku ta eksperiensiá kondishonnan di emergensia manera por ehèmpel un atake serebral.
Tratamentu i Kondishonnan
- Doló di Lomba i Nèk
- Leshon na Serebro i tutu di wesu
- Tumor na Serebro i tutu di wesu
- Defekto di Soño
- Epilèpsi i atake
- Multiple Sclerosis
- Infekshonnan Neurológiko
- Malesanan Neurmuskular
- Defektonan di Movementu
- Parkinson’s i Defektonan di Movementu
- Atake Serebral i malesanan serebro vakular
- Defektonan Sikiátriko
Programa i Servisionan di Neurologia
- Kuido Médiko i Kirúrgiko
- Kuido kirúrgiko i no-kirúrgiko di wesu di lomba
- Tratamentu Neurovaskular
- Evaluashon i Tratamentu pa Epilèpsi i otro defektonan di atake
- Kuido Neuro Onkológiko
- Kuido di Infekshon
- Kuido Sikiátriko
Spesialista Neurólogo i Neurosiruhano
Dr. Stephanus Bakker - Neurológo
Dr. Stephanus Bakker a kaba su estudio medisinal na 1989 na Universidat di Amsterdam. Di 1990 pa 1992 e la traha komo un médiko den entrenamentu na St. Elisabeth Hospitaal (SEHOS) na Kòrsou i di 1992 pa 1994 e la traha na Erasmus MC, ku ta un sentro médiko universitario na Rotterdam. E la kompletá su spesialismo den neurologia na 2000 i a traha riba e tereno aki na Erasmus, Amphia Ziekenhuis Breda – Oosterhout i na Franciscus Gasthuis & Vlietland. Na Franciscus Gasthuis & Vlietland e la fungi komo hefe médiko di 2007 te ora e la muda pa Kòrsou. E la haña su PhD na 2001 na universidat di Erasmus na Rotterdam i ta un miembro di e komishon di neurólogonan na Hulanda for di 2012. E fokùs di Dr. Bakker ta pa malesanan i doló di kabes neurovaskular. Riba tur dos tereno tatin progreso signifikante pa loke ta trata tratamentu den e último añanan. Dr. Bakker ta spera di por kompartí su ekspertisio na un manera humilde ku Curaçao Medical Center.
Dr. Cariana Prada - Neurológo
Cariana Prada M.D. a graduá for di Universidat di Carabobo (na Venezuela), kaminda e la studia Medisina Interno. Despues e la spesialisá riba tereno di neurologia adulto na Ciudad Hospitalaria Dr. Enrique Tejera (Valencia Venezuela), kaminda e la risibí treinen riba tereno di diagnóstiko, tratamentu i maneho di malesanan di e selebre i sistema nèrvioso. Durante su añanan di praktiká medisina e la risibí su diploma Masters di imunologia neurológiko i medisina pa drumi. Su tereno di interes ta Multiple Sclerosis i otro malesanan demielinisante di e sistema nèrvioso. E gusta traha den tim i e integrashon di neurologia ku otro spesialidat. E ta papia Spañó, Papiamentu i Ingles ku fluidez.
Dr. Mark Baptista - Neurológo
Dr. Mark Baptista is a neurologist at Curaçao Medical Center, where he has been part of the team since 2023. He is experienced in general neurology, neuromuscular diseases, and clinical neurophysiology, and provides comprehensive care for patients with a variety of neurological conditions.”
Dr. Baptista began his medical journey at VU Amsterdam, where he completed his medical training. He then built his expertise as a neurologist through extensive training in Suriname at AZP, Diakonessenhuis, Sint Vincentius, and PCS, and in the Netherlands at AMC Amsterdam, Spaarne Hoofddorp, MST Enschede, and UMC Utrecht.
He believes deeply in the power of listening. He says, “It’s very important to listen to the patient, they have something important to say.” This philosophy guides his practice in medicine, ensuring that every patient feels heard and valued.
Dr. Anilu Daza Restrepo - Neurológo
Dr. Anilu Daza Restrepo ta un neurólogo na Curaçao Medical Center kaminda e ta forma parti di e tim for di 2022. E ta spesialisá den neurofisiologia klíniko, tratamentu di problema ku drumimentu i epilepsia, ku un enfoke riba tantu mucha komo adulto.
El a eksperensiá si prome studio di investigashon na e Sentro di Investigashon di Universidat (SIU). Despues, el a sigui su training na Spaña na e Universidat Outónomo di Madrid i Hòspital Internashonal Ruber, kaminda el a spesialisá den trastornonan di drumimentu i investigashon di soño.
Dr. Daza Restrepo a kompletá su spesialisashon neurológiko na Mérida, Venezuela, na 2015. El a spesialisá den kondishonnan desmielinisante (kondishonnan kaminda e kapa protektivo rònt di e nervionan (mielina) ta daña), sigui pa trainingnan avansá den epilepsia, mònitòr di video di EEG i sirugia di epilepsia na Venezuela i Argentina.
Ademas di su trabou klíniko, e ta envolví den programanan di enseñansa den neurofisiologia klíniko i epilepsia na Argentina. E ta partisipá tambe den proyektonan di investigashon enfoká riba neurologia i epilepsia, ku un interes spesial den Krísis funshonal (atakenan ku no ta kousá pa aktividat elektriko abnormal den e serebro).
E ta un miembro acktivo di YES Program (Young Epilepsy Section) i ta kolaborá ku Stichting Epilepsie Curaçao Foundation dunando edukashon na pashèntnan i nan famia. Adishonalmente, e ta presenta regularmente na konferensianan internashonal.
Dr. Daza Restrepo ta konvensí ku un bon diagnósis ta basá no solamente riba tèstnan, pero tambe riba evaluashon klíniko, traha huntu komo tim i empatia pa kada pashènt. E ta komprometé na duna kuido atento i kuidadoso.
Dr. Jorien van Hoey Smith van de Wetering - Neurológo
Dr. Jorien “Nikkie” van Hoey Smith-van de Wetering ta un neurólogo ku un dedikashon enorme pa kuido sentrá riba pashènt. For di ougùstùs 2024, e ta afiliá na Curaçao Medical Center (CMC), kaminda e ta sigui praktiká na un manera holístiko pa kuido neurológiko.
El a kompletá su estudio di spesialista médiko den neurologia na Leiden University Medical Center (LUMC) na Hulanda di 2006 pa 2012.
Durante añanan, Dr. van Hoey Smith-van de Wetering a konstruí un karera amplio den neurologia. El a kuminsá komo un ANIOS (Arts assistent niet in opleiding) den neurologia na Leiden University Medical Center (LUMC), siguí pa su ròl komo neurologo na SEIN (Stichting Epilepsie Instellingen Nederland), un sentro di ekspertisio renombrá pa epilepsia i trastornonan di kana na soño. Despues el a praktiká na Ikazia Ziekenhuis na Rotterdam. Ademas di su trabou klíniko, e tin hopi aña di eksperensia realisando evaluashonnan di eksperto médiko den kuadro di prosedimentunan legal i kasonan di seguro.
Su interesnan klíniko ta inkluí e tratamentu di epilepsia i e uso di botulinum tòksiko (Botox) den manehá vários kondishon neurológiko. Dr. van Hoey Smith-van de Wetering ta konosí pa su enfoke holístiko na kuido di salú, rekonosiendo e impakto profundo di estilo di bida riba tantu malesa komo rekuperashon.
“Berdadero sanashon ta kuminsá ora nos trata e persona, no solamente e malesa. Tresiendo huntu, estilo di bida, mente i medisina den harmonia”
Dr. Silva Gonzalez Martinez - Neurológo
Dr. Silva Gonzalez Martinez – Neurológo
Dr. Orfran Moreno - Neurológo
Dr. Orfran Moreno – Neurológo
Dr. Ellianne Dos Santos Rubio -Neurosiruhano
Dr. Ellianne J. Dos Santos Rubio a atkerí su diploma di Neurosirugia na Erasmus Medical Center na Rotterdam na Hulanda. Pa su spesialisashon di mikroneurosirugia e la bai Unifesp/ICNE na São Paulo, Brasil kaminda e la haña guia di prof. F. Chaddad i prof. E. De Oliveira. Tambe e la hasi un spesialisashon di e kolumna vertebral na UNCH, Leiden kaminda e la wòrdu guiá pa prof. W. Peul. Dr. Dos Santos Rubios a kuminsá traha na Sint Elisabeth Hospitaal na 2017 i a transishoná pa CMC na 2019. E ta papia Papiamentu, Hulandes, Ingles, Portugues i Spañó.
E. Dos Santos Rubio, M.D., ta un neurosiruhano general ku ta spesialisá den tratamentu di tumor di selebre, trauma di selebre i e kolumna vertebral, malesanan kompleho di e kolumna vertebral,malesanan di derivashon (pediatra) i deskompreshon di nèrvio perifériko. E la establesé un kolaborashon ku dos sentro akadémiko di neurosiruhano na Hulanda (Erasmus Medical Center i Universitair Neurochirurgisch Centrum Holland) i asina sòru pa kuido neurokirúrgiko kompleho na Latino Amérika i Karibe. Su enfoke prinsipal ta pa brinda un kalidat ekselente di atenshon i kuido neurokirúrgiko na su pashèntnan. E ta establesé un liña kontinuo di investigashon neurokirúrgiko huntu ku sentronan internashonal prominente, kaminda ta duna kuido neurokirúrgiko den Karibe un ròl mas prominente. E ta kofundador di Umente (un fundashon non-profit) ku ta empoderá abitantenan ku konosementu neurológiko i neurokirúrgiko i ta enfoká riba e prevenshon di malesanan. E ta miembro di vários sosiedatnan profeshonal, manera por ehèmpel e North American Spine Society, Eurospine, European Association of Neurosurgery, Dutch society of Neurosurgery (NVVN) i aktualmente ainda e ta miembro di staf médiko di Erasmus Medical Center.
Dr. Kennedy Ogenio - Neurosiruhano
Dr. Kennedy Ogenio – Neurosiruhano