- Kiko bo por spera di anestesia kirúrgiko.
Bo ta sera konosí ku bo anestesista promé ku bo operashon. E anestesista ta bai kontrolá bo historia médiko i evaluá e nesesidatnan spesífiko pa bo prosedura pa determiná ki tipo di anestesia ta mas mihó pa bo prosedura. Bo anestesista tambe lo sòru pa bo ta kla pa e operashon.
Ora bo ta preparando pa bo operashon, ta sumamente importante pa bo laga bo anestesista i sirugano sa lo siguiente:
- Si bo a yega di sufri komplikashon di anestesia
- Si bo ta sufri di síntoma di ferkout òf grip
- Si bo ta husando remedi pa trata doló
- Si bo tin alérgiko pa medikashon di anestesia òf pa latex
- Si bo tin un historia di pròp di sanger
Unabes bo anestesista i siruhano a duna lus bèrdè pa bo operashon, bo ta keda transportá pa e sala di operashon. Den sierto kaso e pashènt ta haña e remedi di anestesia promé ku e keda transportá pa sala di operashon.
Durante i despues di Operashon
Durante Operashon
Bo anestesista òf un miembro di e tim di kuido anestétiko lo keda ku bo durante hinter e operashon. E anestesista ta kontrolá bo kurason, preshon, rosea i nivel di konementu durante e operashon i ta hasi adaptashon den bo remedi di anestesia si esaki ta nesesario.
Dependé e prosedura, e pashènt por haña e opshon pa skohe e nivel di anestesia ku nan ta preferá. Esaki ta un desishon di e anestesista i e siruhano. Tin diferente nivel di anestesia pa algun prosedura, pero kasi semper tin e opshon pa bai bou di anestesia kompleto. Promé ku bo operashon e anestesista i siruhano lo palabrá e opshonnan ku bo.
Despues di Operashon
Manera e pashènt lanta di su anestesia, un miembro di sala di operashon lo alertá e famia ku ta den sala di espera. Un miembro di famia, i den kaso di pashèntnan di pedatria tur dos e mayornan i/òf voogd, por bishitá e pashènt den kamber di rekuperashon.
Si bo mester hasi un operashon poliklínika bo por bai kas asina e anestesia a sali for di bo sistema i e anestesista a indiká ku bo por bai. Den kaso di un otro operashon, enfermeranan ta hibabo un kamber den hòspital. Si tin sierto prekupashon pa e manera ku bo kurpa ta reakshoná riba sea e operashon òf e anestesia, bo ta keda den e kamber di rekuperashon kaminda un anestesista ta monitoriá bo situashon te ora bo ta kla pa un enfermera hibabo un kamber di hòspital. Den sierto kaso, por ehèmpel ora di un operashon na e wesu di lomba, e pashènt ta keda monitoriá pa un médiko.
Doló despues di Operashon
E meta di manehá e dolo despues di operashon ta pa yuda e pashènt manehá e dolo ku e ta sinti despues di un operashon. Asina e dolo no ta distraí e pashènt di su aktividatnan diario i e por funshoná i partisipa na terapia físika. Operashonnan ortopédiko ta resultá den doló. Pa eliminá doló kompletamente despues di un operashon e pashènt lo mestere di ta bou di anestesia total, pero esaki ta retrasá e rekuperashon riba término largo.
Despues di operashon ta manehá bo doló na varios manera. Un médiko ta monitoriá bo situashon durante e prome fase di bo rekuperashon den kamber di rekuperashon i despues den bo kamber di hòspital. E ta yuda manehá bo remedi segun bo nivel di doló spesífiko.
Asina e doló baha den e dianan despues di bo operashon, bo ta kuminsá haña remedi oral ku ta yuda ku e doló. Depende e prosedura, bo siruhano por preskribí remedi kontra doló pa uso despues ku bo sali for di hòspital. Si bo ta prekupá tokante bo rekuperashon, por fabor tuma kontakto ku ofisina di bo siruhano.
Tratamentu i Servisionan
Spesialista Pain Clinic
Mattanje Arion - Vreden - Anestesista
Matanje Vreden ta un anestesiologo ku a risibí training na AMC na Amsterdam. Den su último añanan el a enfoká riba riba anestesia di pediatria. Meskos ku su koleganan , e tambe ta sirbi tur pashènt bini hòspital a wòrdu operá na CMC. Aparte di hasi anestesia general na sierto partinan di kurpa. E tin interes paden pashènt pa e ta seif un programa di mehoramentu . Esei ta e motibu dikon e ta den e proyekto di akreditashon di JCI. E ta tambe traha programa edukashonal pa simulá edukashon. Semper bai e ta envolví den bista holistika i ta sòru pa lo mehor pa e pashèntnan.
Monique Calmes - Anestesista
Monique Calmes a studia medisina na Universidat di Leiden na Hulanda i a spesialisá den anestesiología na Universidat Sentro Médiko na Utrecht ku un enfoke riba medisina di doló. Promé ku su spesialisashon e la kompletá dos aña respektivamente komo médiko na departamento di emergensia na ‘t Lange Land Hospital na Zoetermeer na Hulanda i na kuido kirúrgiko intensivo di Vrije Universiteit Medical Center. Calmes ta sertifiká den medisina hiperbáriko (pa emergensia di sambuyá) i ta presidente di e komitiva di reanimashon. Di 2007 pa 2019 e la traha komo un anestesiólogo na Sint Elisabeth Hospitaal i despues a sigui pa Curaçao Medical Center.
Calmes tin un pashon pa edukashon i ta un instruktor di ACLS, PALS, ACLS-proveedó eksperensiá i ATLS. Tambe e ta direktor di kurso di ATLS. E tabata direktor di kurso di Caribbean Emergency Airway Course i un miembro di fakultat di e Caribbean Emergency Care Course. Aktualmente e ta ko-direktor di e Basic Critical Care Course.
Aktualmente Calmes tambe tin e ròl di miembro di direktiva di LVMPILC (Asosashon nashonal pa spesialistanan médiko ku ta laborá na CMC).
Juan Camilo Lopez de Mesa Betancur- Anestesista
Dr. Juan Camilo Lopes de Mesa Betancour ta un anestesiólogo i intensivista ku treinen riba tereno di kuido neuro-intensivo. E tin 10 aña ta traha na Kòrsou i ta focus konstantemente riba prioridat òf seguridat i responsabilidat di e pashèntnan ku malesanan krítiko i e pashèntnan den sala di operashon.
Gustavo Jaramillo Sanchez - Anestesista
Dr. Jaramillo ta responsabel pa seguridat di e pashèntnan; promé, drante i despues di sirugia. Bida di un pashènt ta asina vulnerabel ora e ta riba mesa di operashon. Durante hinter e operashon dr. Jaramillo ta vigilá e pashènt, no djis pa aliviá e doló, pero tambe pa regulá señalnan vital i atendé kualke kondishon inesperá. Dr. Jaramillo ta hasi su máksimo pa protehá bida di kada pashènt.
E ekspertisio profeshonal di e sendído fuerte di responsabilidat di un anestesista ta duna e pashènt seguridat i speransa. “Nos ta hasi uso di nos wowo, orea, serebro i kurason pa sinti e respirashon, batimentu di kurason, pulso i fluho di sanger di e pashènt. Ku otro palabra: nos a angel wardadó di tur pashènt ku mester bai sala di operashon.” Anestesistanan ta kuida pashèntnan ku ta resien nasí te ku 100 aña. Nos ta duna nos pashèntnan anestesia pa tur sirugia (di serebro, apdómen òf pechu, wesu, sirugia plástiko, na wowo, urológiko, trouma).
Kada mama ku ta duna lus hasiendo uso di cesárea, tin un anestesista i meskos ta konta pa hopi mama ku ta duna lus vaginal. 18 Aña pasá ami ku mi otro koleganan anestesista a disidí pa kuminsa e servisio di Management of Chronic Pain. Awor nos ta 4 anestesista ku ta purba yuda hopi pashènt na Kòrsou i otro islanan pa kontrolá nan doló i/òf purba biba ku esaki mas mihó posibel. Dr. Jaramillo ta un miembro aktivo di American Society of Anesthesia, di American Society of Regional Anesthesia, European Society of Anesthesia i European Society of Regional Anesthesia.
John Theunissen - Anestesista
Dr. John P G Theunissen ta un anestesiólogo integral ku hopi eksperensia ku pashèntnan krítiko, traumatologia, sirugia torákika, neurosirugia, pediatria, urologia, opstetrika i sirugia general i ortopedia, oftalmologia i otorinolaringologia. Na 1983 e la gradua na Universidat di Groningen na Hulanda i despues e la traha na e departamento di emergensia na Sint Elisabeth Hospitaal na Kòrsou pa 2 aña i mei. Despues e la hasi un estudio riba tereno di anestesiologia na Universidat di Gent na Bèlgika i a terminá esaki na 1992. Na e Universidat di Gent e la traha komo miembro di staf spesialisá riba tereno di kuido intensivo. Na 1993 e la regresá na SEHOS i despues a pasa over pa Curaçao Medical Center. E ta papia Hulandes, Ingles i Papiamentu ku fluidez.
Dr. Theunissen tin sufisiente eksperensia ku diferente sorto di anestesia. For di 1998 e tabata hefe di e departamento di anestesia na SEHOS i e hefe di e departamento di kuido intensivo na SEHOS for di 1993 te 2015 i di 2015 pa 2019 e la fungi komo hefe di sala di operashon na SEHOS. Aktualmente i for di 2020 e ta hefe di anestesiologia, di sala di operashon i di departamento di kuido intensivo na CMC.
Luis Loaiza Atehortua - Anestesista
Komo un anestesista allround mi tin eksperiensa den maneho di anestesia di diferente spesialismo (trouma/ortopédiko, torakika, sirugia general, pediátriko, opstetria, neurosirugia, oftomologia i urologia). Mi tin sufisiente eksperiensia den diferente téknika di anestesia.
Na Sehos mi a traha na departamento di ICU pa kasi 20 aña den maneho krítiko di pashènt di ICU, apoyando e ventilashon i invashon mekániko di tur pashènt. Tambe mi tin hopi eksperiensia den maneho króniko klinika i tratamentu di doló serka pashèntnan ku ta sufri di doló kroniko. Mi ta e hefe di e departamento di doló na CMC i tambe mi ta parti di e komishon di transfushon di sanger na CMC.
Dr. Valentina Franco Uribe – Anestesista
Valentina Franco uribe M.D. ta un siruhia médiko spesialisá den anestesiologia. E ta traha den kuido perioperatorio, maneho di intraoperativo i kontrol di doló postoperatorio den pashèntnan kirúrgiko. Tin un formashon amplio de POCUS (point of care ultrasound), anestesia regional, maneho di sanger di pashènt, monitoriá neurologiko spesialmente pa siruhia di neurologia. El a hasi un investigashon den personanan ku un entrada minimopa subi resultado i baha morbididat den pashèntnan. Su áreanan di interes ta anestesia geriatrik, regional, maneho di transfushon, remedi perioperativo i kuido palliativo. El a publiká den korantnan médiko, e tabata un instruktor den simulashon i a presentá na diferente simposio. E ta un miembro di diferente sosiedat profeshonal i ta papia Ingles fluiente, spañó i tin un nivel intermedio di Papiamentu.