Den bo bida bo tin diferente nesesidatnan ginekológiko i Curaçao Medical Center tei pa yuda e hende muhé na tur edat.
Nos ta spesialisá den kuido di hende muhé durante nan embaraso i parto i den diagnósis i tratamentu di malesanan di e órganonan reproduktivo, Tin un variashon grandi kòntròl anual pa yuda ku fibroma, problema ku fertilidat, menopousa i kansernan ginekológiko. Den tur esaki bo por konta ku e tim di departamento di ginekologia pa brinda kuido personalisá.
Tratamentu i Servisionan
Tratamentu i Kondishonnan
- Problemanan Komun i Kompliká di embaraso i menopousa
- Pubertat retrasá
- Dysmenorrhea
- Menorrhagia
- Ginekologia pedatria/adolesente
- Polycistic ovary Syndrome (PCOS)
- Premenstrual Dysphoric Disorder (PMDD)
- Premenstrual Syndrome (PMS)
- Infekshonnan Vulvovaginal
Programa i Servisionan di Opstetria i Ginekologia
- Ginekologia Rutinario
- Kuminsa kuido preventivo i bishitá un ginekólogo regularmente pa hasi un kòntròl anualmente , pa un PAP tèst i pa kuido reproduktivo.
- Operashon Gynekológiko Minimalmente Invasivo
- Siruganonan spesialisá ta hasi uso di prosedura i téknika avansá, ku ta resultá den un rekuperashon mas lihé i menos doló.
- Planiamentu di Famia
- Risibí guia konfidenshal pa planiamentu di famia, antikonsepshon i otro servisio pa kuido reproduktivo.
Spesialista Opstetria i Ginekologia
Igor Gomez Bravio - Ginekológiko
Igor Gomes Bravio a risibí su diploma di Médiko General na Universidad de Ciencias Medica, na Costa Rica aña 2000. Na 2007 e la spesialisá riba tereno di Ginekologia i Opstetria i Ginekologia Onkologia na Universidad de Costa Rica. E ta un sup-spesialista riba tereno di onkologia ginekológiko i ta un eksperto di diagnósis, maneho i follow-up di tur kanser i pre-kanser ginekológiko. Leshon pre-kanseroso por desaroyá den e trakto genital inferior (boka di matris, vagina i vulva) i mayoria bia esakinan ta relatá ku un infekshon di HPV. Banda di tratamentu di kansernan ginekológiko, su focus tambe ta bai pa sirugia laparoskópiko avansá, diagnósis, tratamentu médiko i sirugia pa endometriosis infiltrando profundo.
Nurah Hammoud - Ginekólogo
Nurah Hammoud, M.D. Ph.D. a spesialisá den ginekologia ora e tabata traha na St. Antonius Ziekenhuis na Utrecht i na St. Elisabeth Ziekenhuis na Tilburg na 2017. Tambe e la traha komo ginekólogo na OLVG Amsterdam, Noord-West Ziekenhuisgroep Alkmaar i na St. Antonius Ziekenhuis Utrecht (2018-2020).Dr Hammoud originalmente ta di Kòrsou.
E ta espesialmente interesá den e gran variashon di patologia ginekólogo, pero tambe e ta un trainer riba tereno di trouma avansá serka pashèntnan di opstetria. E la haña training adishonal riba tereno di téknika minimalmente invasivo i ginekologia benigno. Dr. Hammoud tin interes spesial den organisashon i management i tabata den varios hunta durante su permanensia i komo ginekólogo. Tambe e tabata un instruktor pa e kurso di Managing Obstetric Emergency and Trauma (M.O.E.T.) na Stichting ALSG, na Hulanda (di 2019 bin ariba) i a publiká varios bia.
Hilda Holtsema - Ginekológiko
Hilda Holtsema ta un ginekólogo ku a studia na Universidat di Groningen i na Radbout Nijmegen Medical Center na Hulanda. Promé ku Curaçao Medical Center e la traha na Ziekenhuis Gelderse Vallei (di 2006 pa 2007), na Alysis Zorggroep (di 2002 pa 2003) i na St. Elisabeth Hospitaal (di 1998 pa 2000 i di 2011 pa 2019) na Kòrsou.
E ta spesialisá riba tereno di opstetria, ku ta inkluí supervishon di embaraso i parto (di haltu riesgo), skrinen/diagnósis prenatal i konseho di prekonsepshon.
Vanessa Marcha -Ginekólogo
Dr. Vanessa Marcha a kompletá su training di residensia riba tereno di opstetria i ginekologia na e universidat di Ghent na Bélgika. E ta djòin e staf di Curaçao Medical Center komo un ginekólogo jòn i entusiasmá ku eksperiensia internashonal. Aparte di kuido prenatal dr. Marcha tin un interes spesial den ginekologia adolesente, endokrinologia reproduktivo i infertilidat.
Komo yu di Kòrsou su afan ta pa eliminá deskripansianan den salubridat i asina mehorá salú di e hende muhé. Dr. Marcha ta fluido den kuater idioma: Papiamentu, Spaño, Ingles i Hulandes i e tin un amor spesial pa nos ekspreshonnan tradishonal kultural.
David Metz - Ginekólogo
David Metz ta un ginekólogo i opstetra dediká na e práktika general di e spesialisashon ku kuido spesial pa patologia endometrial i miometrial den ginekologia, meskos ku ekografia opstetral avansá i general den obstetra.
E ta hasi konsulta pa embarasonan normal i patológiko. Pa 10 aña e la traha komo un spesialista médiko den ginekologia i opstretria na hòspital Poniente na Spaña, durante kua e tabata dediká na kontrolá bienestar di e foetus i evaluá e promé trimèster den opstetria. Tambe e la partisipá den e edukashon akadémiko di studiantenan di ginekologia.
E la haña rekonosementu komo eksperto di diagnosis eko-gráfiko di patologia endometrial i uterino di e universidat di Navarra i tambe komo eksperto di ginekologia onkológiko di e universidat di Barcelona.
E ta miembro di e asosiashon Spaño Federation of Gynecology and Obstetrics (FEGO), Argentinean Federation of Gyneacology and Obstetrics (FASGO) i Dutch Association of Gynecology and Obstetrics (NVOG).