Introdukshon
NIPT (Non-Invasive Prenatal Test), ta un tèst invasivo prenatal. Ta un manera nobo di hasi un screening di un beibi ku no a nase ainda (evaluashon prenatal) ku un grado haltu pa detekta kromosomanan apnormal ku por resulta den Down syndrome (trisomy 21), Edward syndrome (trisomy 18), Patau syndrome (trisomy 13) i tambe e sekso di bo yu. E nifikason di “trisimony” ta ku un bebi tin un èkstra kromosoma den un parti òf tur parti di e sèl i kada un tin nan estimado number.
E tèst aki ta analisá fragmèntnan chikí di e DNA ku ta sirkulá den e sanger di e hende muhé embarasá. Durante e embaraso, e fluho di sanger di e hende muhé embarasá ta konsistí di un meskla di e DNA ku ta bini for di su mes sèlnan i sèl di e plasenta. E plasenta ta situá den e matris kual ta konektá ku e fetu i e sanger di e mama. E sèlnan aki ta di skir den e sírkulo di sanger di e mama durante embaraso.
Bo mester ta por lo ménos 11 siman na estado pa por hasi e NIPT. I tampoko no tin riesgo adishonal di mal parto despues ku a kaba di hasi NIPT.
Solamente ku Sita
Nos ta tra solamente ku sita, pues si bo ke hasi un NIPT, bo mes por traha un sita ku nos libremente.
Tèst
Kon e tèst ta funshoná?
NIPT ta wòrdu konsiderá komo Anti- invasivo paso e ta solamente rekerí pa saka sanger for di e hende muhé na estado i no t apone e fetus na peliger. Durante di NIPT, un tekniko di laboratorio lo saka sanger for di man ku angua ku un tubu. Ta manda esaki pa laboratorio, kaminda e tekniko lo chek e DNA den bo sanger pa wak si tin señal di algu apnormal.
Resultado
Un NIPT ta un tèst di screening, pues esaki ta nifiká ku e no ta bai duna un kontestá definitivo riba e kondishon genétiko di un feto. E tèst ta solamente duna un balotashon si e chèns pa riesgo ta mas haltu òf mas abou.
Ki ora bo ta haña bo resultado?
Si nos no a haña niun apnormalidat den e resultado di e NIPT tèst, bo lo risibí e resultado, pero si e tèst no ta satisfaktorio òf si tin un resultado diferente nos lo yama bo.
Tips Práktiko
Kiko bo mester trese huntu ku bo ora bo bin hòspital?
Tur sita ku bo tin den hòspital, bo mester trese un identifikashon válido di bo ID, bo karchi di pashènt/karchi di CMC i bo karchi di seguro.
