Nos botika ta spesífikamente dediká na nos pashèntnan ku ta hospitalisá i nos trahadónan. Na CMC un tim di botikarionan bon kalifiká i eksperensiá, huntu ku botikarionan klíniko ta brinda un servisio rápido, amabel i profeshonal. E tim aki ta dediká na brinda un kuido ekselente na e pashènt i lo sigi hasi esaki. Nos tin un stòk tremendo di remedi pa tur e nesesidatnan di nos hòspital.
E tim ta konsistí di botikarionan, téknikonan di maneho di remedi, téknikonan botikario, dispensador, assistant technical officers (ATO) i un staf atministrativo ku ta brinda un gran variashon di servisio, manera entre otro:
Entrego di resèpt di hòspital pa pashèntnan den hòspital i pashèntnan ambulatorio. Entrego aseptiko di kimoterapia.
Vigilansha di resèpt i konseho na botika klíniko.
Distribushon di remedi pa sala i departamentonan.
Gestion di formulario.
Informashon di remedi pa kontestá preguntanan i duna guia.
Garantía di kalidat di remedi i ambiente.
Drentando hòspital
Por fabor trese e remedinan ku bo ta tuma, inkluso remedi ku bo por haña sin resèpt òf remedi ku bo a haña serka un otro persona. Por fabor duna e enfermera ku ta kuidabo e remedinan aki ora bo drenta hòspital.
Spesialista Botika
Zohreh Safipour - Botikario
Zohreh Safipour, Pharm.D. ta un botikario hospitalario ku un treinen integral. E ta spesialisá riba tereno di Farmakologia Klínika; e ophetivo prinsipal ta mehorá e atenshon pa e pashènt pa medio di uso seif i efektivo di remedi.
E ta forma parti di vários tim di kuido multidisiplinario pa manehá uso di remedi na CMC. E ta un miembro di vários sosiedat profeshonal, inkluso e Dutch Association of Hospital Pharmacists (NZVA) i e Dutch Society for Clinical Pharmacology and Biopharmacy (NVKFB).
Deryck Levens - Botikario i Hefe di Servisio Botikario
Deryck Levens ta un botikario allround i eksperiensiá ku interés spesial pa pashèntnan ku farmakoterapia kompleho.
E ta traha huntu ku otro spesialistanan (inkluso esnan di otro sentronan médiko) pa garantisá uso sigur i efektivo di remedi pa pashèntnan di Curaçao Medical Center.
Komo Service Line Chief e ta komprometé na segurá i mehorá kalidat di seguridat di e departamento.
E ta miembro di e American Society of Health System Pharmacists i e Dutch Society of Hospital Pharmacists.