E departamento di kardiologia ta hopi bia e área kaminda pa promé bia pashèntnan ta haña akseso na kuido di kurason spesialisá i kaminda nan ta haña tratamentu pa nan kondishonnan riba término largu. Nos ta ofresé e último inovashonnan riba tereno di kuido kardiologo i terapia klínika pa pashèntnan di tur edat. Nos ta ofresé tèstnan ultra modèrno i proseduranan ku ta yuda pa yega na un diagnósis i krea un plan di tratamentu. Nos ta mira pashènt ku problema di kurason komun, manera por ehèmpel angina, problemanan ku ardu i malesa di kurason valvular. Tambe nos ta trata pashènt ku tin algun problema di kurason no-komun, inkluso esnan ku a tende serka otro médiko ku no tin tratamentu pa nan kondishon.
Nos kardiólogonan ta hasi uso di varios opshon pa tratamentu pa duna kada pashènt e mihó kuido posibel. Esai ta inkluí rekomendashonnan pa modifikashon di lifestyle, remedi i prosedura. Nos kardiólogonan tambe ta traha den estrecho koperashon ku nos tim di siruhanonan kardiovaskular, si dado kaso un operashon ta e miho opshon pa tratamentu.
E mishon prinsipal di e departamento di kardiologia ta pa brinda kuido kardiovaskular di kalidat haltu na tur pashènt dor di:
Ofresé e último inovashonnan riba tereno di kuido kardiólogo i terapianan klinika na pashèntnan di tur edat;
Brinda tèst i proseduranan ultra modèrno pa asistí den un bon diagnósis i planiamentu di tratamentu;
Skucha e prekupashonnan di nos pashèntnan i purba krea e miho plan di evaluashon i tratamentu pa kada individuo.
Tratamentu i Kondishonnan
- Ataka di Kurason
- Myocardial Infarction
- Adult Congenital heart disease
- Aortic disease
- Hypercholesterolemia and risk factor modification
- Family history of coronary disease
- Síntomanan di malesa di Kurason:
- Doló den pechu, difikultat pa hala rosea
- Batimentu di Kurason
- Pia hinchá
Programa i Servisionan Kardiólogo:
- Kardiologia Invasivo i Intervenshonista
Nos ta ofresé testnan ultra modèrno pa yega na un diagnósis i tratamentunan no-kirúrgiko. Pa pashèntnan ku ta sufri di coronaire hartziekte (CAD) ku ta rekerí un evaluashon invasivo, nos médikonan hopi bia ta hasi un evaluashon pa komprondé mihó kua parti ta rekerí mas tratamentu. Aparte di Percutane coronaire interventie (PCI) rutinario, nos médikonan ta konfortabel ku uso di aparatonan pa apoyo ventrikular ora esaki ta nesesario i tin algun médiko ku tambe ta spesialisá den habri ardu ku ta kronikamente será (CTO).
- Implantable Cardioverter-defibrillator (ICD)
Un Implantable cardioverter-defibrillator (ICD) ta un aparato chikitu k uta traha riba batería ku ta keda implementá den bo pechu pa monitoriá bo ritmo di kurason i detektá batimentu di kurason iregular. Un ICD por duna shòk elektróniko via un òf mas waya ku ta konektá ku bo kurason pa drecha un ritmo di kurason apnormal.
Kisas bo mester di un ICD si bo kurason ta bati hopi abou (vetricular tachycardia) òf si bo kurason ta bati hopi duru i ku pa e motibu aki bo kurason no ta pasa sufisiente sanger pa sobrá di bo kurpa (ventricular fibrillation). Ventrikulo ta e kambernan parti abou di bo kurason.
Un ICD ta detektá i para batimentu di kurason apnormal. E aparato ta monitoriá e kurason kontinuamente i ta pasa shòknan elektróniko pa normalisá e ritmo di kurason ora esaki ta nesesario. Un ICD no ta meskos ku un pacemaker. Un pacemaker tambe ta un aparato ku ta keda implementá pa yuda kontrolá ritmo di kurason apnormal.
- Cardiovascular Imaging (CI)
Nos tin e teknología di mas avansá na Curaçao Medical Center pa kapturá imagennan di kurason. E diferente téknikanan ta duna e médiko e oportunidat pa yega na un diagnósis i pa determiná kiko e mihó tratamentu ta pa kada pashènt. Tambe CI ta ofresé mihó seguridat di e pashènt durante tratamentu. Nos spesialistanan ta determiná e mihó manera pa studia e struktura i funshon di e kurason pa formulá un diagnósis pa varios tipo di malesa di kurason. Tambe nan ta eksperto riba tereno di tratamentu riba término largu di diferente tipo di kondishon di kurason.
Saka i interpretá potrèt di kurason ta krítiko den e proseso pa manehá kualke kondishon di kurason éksitosamente.
- Pacemaker
Un pacemaker ta un aparato chikitu ku ta keda implementá bou di e kueru di bo pechu pa yuda kontrolá bo kurason. Si bo kurason ta bati iregularmente, partikularmente poko poko, un pacemaker lo yuda bo kurason bati mas regularmente. Implantashon di un pacemaker den bo pechu ta rekerí un prosedura kirúrgiko.
- Cardiac Electrophysiology & Pacing
Nos ta ofresé un variashon di aserkamentu spesialisá pa problemanan ku ritmo di kurason. E proseduranan por wòrdu usa pa un diagnostiká un problema di kurason òf pa un tratamentu pa esaki. Tratamentu pa aritmia ta dependé di e tipo i severidat di e aritmia. Den sierto kaso di aritmia, tratamentu no ta nesesario.
Programa i Servisionan di departamento Kardio Pulmonal
E departamento di kardio pulmonal tin varios prosedura pa evaluá funshonamentu di kurason i pulmon. Tambe e departamento aki ta ofresé diferente servisio pa pashènt ku ta kedando na Curaçao Medical Center ku ta sufri di problema pa hala rosea. E departamento tin dos kamber disponibel kaminda pashèntnan ta kana riba un treadmill pa evaluá e kurason. Tambe tin aparatura di echo nobo pa kapturá moveshon i pa saka potrèt di e kurashon i aparatura pa tèst funshonamentu di e pulmonnan i evaluá problemanan ku halamentu di rosea manera entre otro asthma òf emfisema. Otro prosedura ku ta tuma lugá na e departamento aki ta entre otro ABG, EKG, EEG, Echocardiography i diferente tèst pa midi strès kardiovaskular.
Na kabes di e departamento tin pulmonologianan ku ta brinda kuido di kalidat haltu na pashèntnan ku tin problema ku halamentu di rosea òf pa yuda nan manehá nan malesa di pulmon króniko. E staf tambe ta yuda identifiká ekipo òf otro nesesidat pa e pashènt ora e sali for di hòspital, manera por ehèmpel oksígeno, remedi pa rosea òf aparatura.
Nos pashèntnan ta benefisá di nos tim eksperiensiá ku ta traha un programa di ehersisio, edukashon i guia na midí pa yuda redusí e riesgo di malesa òf pa restrasá e progreshon di e malesa.
Benefisionan di nos servisio i tratamentunan Kardio Pulmonal:
- Mehorá funshonamentu di físika, kurason, vaskular i pulmon;
- Mehorá forsa i stámina;
- Bai bèk trabou òf otro aktividatnan mas lihé;
- Komprondé bo malesa di kurason, vaskular i pulmon;
- Modifiká komportashon ku no ta saludabel manera entre otro humamentu, obesitas i inaktividat físiko;
- Engrandesé e konfiansa den bo mes i mehorá bo kalidat di bida despues di un evento kardiako;
- Redusí e chèns di un atake di kurason òf un atake selebral;
- Redusí hospitalisashon.
Spesialista Kardiologia
Jan-Eize Lindeboom - Kardiólogo
Mi a kuminsa mi karera komo Dr di kas. Despues mi a bai specialisa mi mes komo Dr di kurason. For di 2001 te ku 2017 mi a traha na Rijnstate Arnhem hulanda komo miembro di staf y kada anja mi tabata bini Korsou pa traha pa un periodo di 1 luna.
Na 2018 Dr. Scheper a pidi mi pa bin traha pa un tempu indefini. Te ku 2010 mi a keda hasi e trabou di Dr di kas banda di e trabou komo specialista di kurason. Benefisio di esaki ta ku mi ta atende y trata e patient for di un bista muchu mas amplio. Teniendo kuenta ku polisa di trabou mi ta hasi mi esfuerso pa mi patient nan tin e mihor kalidat di bida. Mas despues den mi karera mi a sigui spesialisa mi mes pa ku ritmo iregular di kurason pa entre otro implanta diferente sorto di marka paso (pacemaker).
Na hospital Erasmus na Rotterdam mi a siqui spesialisa mi mes pa trahando den grupo na CMC nos por ehekuta operashon nan ku normalmente ta wordu hasi den exterior.
Juan Molina Monsalve - Kardiólogo
Dr. Molina ta un spesialista di Kardiologia ku un interes spesial den fayo di kurason i estudionan no-invasivo kardiovaskular. E ta desaroyá den kuido di malesanan kardiovaskular agudo i króniko.
Den area klíniko e por atendé ku situashonnan di patologia kardiovaskular agudo for di momento di emergensia te ora e pashènt sali for di hòspital atrobe. Dr. Molina ta monitoriá e progreso di e pashènt durante nan hospitalisashon ku un vishon di update di kardiologia.
Den area di poliklínika Dr. Molina ta kuida pashèntnan ku tin e sospecho di tin un malesa kardiovaskular pa establesé un diagnósis korekto i despues sigi ku un plan di tratamentu. E ta disponibel pa traha ku tur kardiólogo di Kòrsou pa optimalisá kuido kardiovaskular di e populashon ku un kardiologia preventivo i kurativo di e mihó kalidat.
Olivier Witte - Kardiólogo
Olivier Witte, M.D. a bira un kardiólogo na 2016. E la sigi su training na Isala Klinieken na Zwolle i despues a hasi su fellowship den area di aparatura kardiako.
Pa su PhD e la konsentrá riba ekstrakshon; un tópiko ku ta relashoná ku su fellowship. Durante e periodo aki e la bira un Certified EHRA-Cardiac Device Specialist. Dr. Witte ta un eksperto ku hopi spesialismo riba teremno di pacemaker, ICD i teknologia CRT. Tambe e tin eksperiensia den un klínika ku a keda akreditá pa JCI, lokual ta nifiká ku e ta traha efisientemente i na un manera sigur.
Jose Navarro Mendez - Kardiólogo
Dr. José Manuel Navarro originalmente ta di Venezuela, i a hasi su estudio di kardiologia i kardiologia intervenshonal na Spaña. Den su funshon di kardiólogo intervenshonal e ta hasi tratamentunan invasivo den e Cathlab serka pashèntnan ku tin un opstrukshon di e adernan di kurason (adernan koronario), e ta atendé pashèntnan ku un infarto agudo i tambe pashèntnan ku un angina stabil, inkluso evaluashon funshonal koronario i tomografia. Tambe e ta realisá tratamentu invasivo di e ader aortika ku kolokashon di un protesis valvular serka pashèntnan ku un opstrukshon den e ader aortika. Dr. Navarro tambe tin eksperiensia riba tereno di implantashon di pacemaker di 1 òf 2 derivashon serka pashèntnan ku problema di kondukshon eléktriko di kurason. Tur e proseduranan aki ta permití CMC pa keda na frontera komo un sentro di referensia den Karibe pa pashèntan ku ta sufri di patologia kardiáko.
Tamara Martha - Kardiólogo
Drs. Tamara Martha ta un kardiólogo médiko spesialisá den echokardiografia i a hasi su estudio na Catharina Ziekenhuis na Eindhoven, Hulanda. Alabes e tin gran interes den trata pashènt nan ku ta sufri di fayo di kurason. Despues di su estudio e la traha na Hulanda. Na Febrüari 2021 e la kuminsá traha na CMC kaminda e ta traha den poliklínika i ta atendé pashèntnan hospitalisá. Alabes e ta atendé ku pashèntnan den sala di emergensia i esnan den departamentu di Kuido Intensivo pa Kurason (CCU) ku tin vários problema ku kurason. Drs. Tamara Martha ta papia Hulandes i Ingles.
