Pacemaker

E kardiólogo por posishoná un pacemaker si bo kurason ta bati poko poko òf si bo kurason no ta pòmp sanger korektamente mas.

Introdukshon

Posishonamentu di e pacemaker
E kardiólogo por posishoná un pacemaker si bo kurason ta bati poko poko òf si bo kurason no ta pòmp sanger korektamente mas.

Un pacemaker ta yuda bo kurason funshoná mas mihó posibel dor di regularmente dun’é koriente eléktriko. Bo no ta sinti esaki. Un pacemaker por tin 1, 2 òf tres kabel/elektrode. Esaki ta dependé di e rason pa kua bo ta haña un pacemaker. Bo kardiólogo lo palabrá esaki ku bo adelantá.

Un pacemaker ta un aparato elektróniko chikitu. E pacemaker ta konsistí di un bateria i elektrónika ku ta den un kashi di titanio. E kurpa ta tolerá e metal aki bon. E kabelnan ta garantisá ku e koriente ta yega na e kurason. Via e final di e kabel e pacemaker ta duna un impulso di koriente na e kurason. E elektrónika di e pacemaker por keda kompará ku un kòmpiuter hopi chikitu. E bateria ta sòru ku e pacemaker por hasi su trabou pa vários aña.

Kon e eksaminashon ta traha?

Akinan bo ta haña tur informashon importante tokante bo eksaminashon

Preparashon

Kiko bo mester trese?
Por fabor trese lo siguiente:

  • Algu pa lesa
  • E remedinan ku bo ta usa na kas (pa 24 ora)

Vestuario

Bo por bisti bo propio paña konfortabel durante tratamentu. Ta importante ku bo:
Por bisti i kita e pañanan fásilmente, manera por ehèmpel karson di pijama òf deporte i un tishùrt manga kòrtiku; mashin di laba paña pa paña limpi;
No bisti un brazièr; no bisti paña na parti ariba di bo kurpa ku ta kontené heru; no bisti prenda òf piercing.

Bo mester kanselá bo sita?

Yama poli mas lihé ku ta posibel, pero no mas lat ku un dia di trabou promé ku e fecha di atmishon. Si bo ta ferkout, tin un tos òf keintura den e dianan promé ku e operashon, por fabor tuma kontakto ku poli por lo ménos 24 ora adelantá.

Transportashon pa kas

Nos ta rekomendá pa bo mes no kore despues di e operashon. Puntra un persona pa hiba bo kas.

Bakteria resistente (BRMO)

Bo tin un bakteria resistente (por ehèmpel MRSA òf ESBL)? Esaki por subi e riesgo pa bo mes i otro pashènt ku tin un tratamentu médiko.

Pa e motibu ei ta sumamente importante pa informá poli òf e departamento ku a akordá bo eksaminashon òf tratamentu si un di e siguiente puntonan ta konta pa bo:

  • Bo a keda atmití òf tratá durante e último dos lunanan den un institushon di kuido den eksterior;
  • Bo a keda atmití na un hòspital òf kas di kuido na Hulanda durante e último dos lunanan, kaminda un bakteria resistente tabata presente;
  • Bo a biba den un institushon pa personanan ku ta buska refugio den e último dos lunanan;
  • Pa medio di bo profeshon bo tabatin kontakto ku porko, yu di baka òf galiña bibu (por ehèmpel tenedónan di porko, baka òf galiña, veterinarionan òf empleadonan di un matadero);
  • Bo ta biba na un sitio kaminda tin porko, yu di baka òf galiña;
  • Bo tabata infektá den pasado ku un bakteria resistente òf bo tabatin kontakto ku un persona ku tin un bakteria resistente.

Si ta nesesario, nos lo investigá si bo ta karga un bakteria resistente òf si bo tin e vírùs di COVID-19. Si esaki ta e kaso nos lo tuma e medidanan nesesario na hòspital pa prevení ku e bakteria òf vírùs ta plama.

template
template

E tratamentu

Na unda bo ta mèldu?
Bo ta mèldu na e bali di registrashon di e hòspital na piso 0 pa kontrolá si tur bo informashon personal ta korekto i pa dirigí bo na e departamento di kardiólogo pa bo tratamentu.

Promé ku tratamentu
Bo ta yega na e departamento di kardiólogia kaminda e enfermero lo prepará bo pa e tratamentu:

  • Bo ta haña un banchi na bo pòls ku bo nòmber i fecha di nasementu
  • Ta midi bo preshon i temperatura
  • Bo ta haña un infus den bo brasa. Pa medio di e infuas aki bo ta haña antibiótika.

Durante tratamentu

  • E enfermero ta buska bo i hiba bo pa e Cat Lab (laboratorio pa kateterisashon di kurason);
  • Promé ku e dòkter ta posishoná e pacemaker, bo ta haña anestesia lokal;
  • E kardiólogo ta hinka e kabel di e pacemaker hasiendo uso di rayo X. E kardiólogo ta manda e kabel di e pacemaker na bo kurason pa medio di un ader bou di bo klavikula. Bo por eksperensiá batimentu di kurason ora e dòkter ta hinka e kabel. Esaki ta normal.
  • E kardiólogo por hinka e kabel di e pacemaker den e boezem na banda drechi, e ventríkulo na banda drechi òf e ventríkulo na banda robes di e kurason.
  • E tékniko di e pacemaker ta kontrolá si e kabelnan ta bon posishoná. Despues e kardiólogo ta hinka e pacemaker.
  • Esaki ta posishoná bou di e kueru, na banda drechi òf robes di e múskulo pektoral. E espasio aki yama saku.
  • Despues di esaki e kardiólogo ta kose i sera òf leim e kueru.

Posishonamentu di un pacemaker por dura entre 1 pa 4 ora. Esaki ta dependé tambe di e kantidat di kabel ku mester keda posishoná.

Despues di tratamentu

  • Despues di posishonamentu di e pacemaker bo por bai bèk e departamento di kurason.
  • Si tur kos bai bon, bo por bai kas e mesun dia.
  • Promé ku bo bai kas, ta saka un potrèt di bo pechu (X-thorax) i e enfermero ta saka un pelíkula di bo kurason (E.C.G.). Tambe bo por haña un kashi di monitoreá kurason mobil.
  • E enfermero ta kontrolá e herida i ta bisa bo kon pa kuid’e na kas.

Kiko ta e riesgonan?

Tin vários komplikashon ku por surgi ora posishoná un pacemaker:

  • Perforashon;
  • Taponamientu. Ora di un taponamientu di kurason, líkido ta akumulá den e perikardio ku ta rondoná e kurason. Líkido por bai tur kaminda, pues e preshon den e perikardio ta subi. Komo resultado di esaki e kurason no por sigui apsorbé e sanger manera mester ta i pòmp e den e kurpa;
  • Aritmia di kurason;
  • Pulmon ku a kolèps;
  • Mal posishonamentu di e kabel(nan) di e pacemaker;
  • Sangramentu;
  • Stimulashon di e diafragma;
  • Inflamashon di e herida/saku;
  • Kueru inflamá por keda pegá na e kabel(nan) di e pacemaker;
  • Mal sanashon di e herida;
  • Moveshon òf separashon di e kabel di e pacemaker.
template
template

Kiko bo mester hasi na kas?

Kosé
Por sera e herida ku leim òf dor di kose esaki. Si e kardiólogo a sera e herida ku kosé, e tékniko di pacemaker ta kita esaki durante e chekeo despues di 10 pa 14 dia.

Kiko bo mester tene kuenta kuné ora bo tin un pacemaker?

  • Aplikashonnan di kas ku ta funshoná manera mester ta, usualmente no ta afektá e funshonamentu di e pacemaker;
  • Usualmente mashin di kòntròl na aeropuerto i den tienda no ta duna problema;
  • Nos ta rekomendá pa no tene bo selular na nivel di bo pacemaker. Sòru pa semper bo tene bo pacemaker na mas di 15 cm for di e pacemaker. No tene bo selular den bo saku di pechu banda di e pacemaker;
  • Semper avisá bo terapista ku bo tin un pacemaker. Si ta nesesario, konsultá ku bo kardiólogo òf e tim di pacemaker.

Lo siguiente por afektá bo pacemaker

  • Sierto prosedura médiko durante kua ta hasi uso di aparatonan eléktriko, manera por ehèmpel fisioterapia, eksaminashon di MRI, aparato eléktriko pa suprimí doló, kimamentu eléktriko di por ehèmpel frèt, radiashon radio-terapéutiko i sirugia;
  • Si bo ta serka di instalashonnan ku transmishon fuerte manera por ehèmpel un emisora di radio;
  • Aplikashon- i mashinnan eléktriko ku no ta tapá ku por saka chispa. Palabrá esaki ku e tim di pacemaker si esaki ta nesesario.

Kiko bo ta hasi den kaso di problema na kas?

Si bo tin problema relatá na e operashon durante e promé 10 dianan despues di e prosedura, bo por tuma kontakto ku e hòspital. Despues di 10 dia bo ta yama bo dòkter.

  • Durante oranan di ofisina, yama e departamento di kardiologia na +5999 7450023
  • Den kaso ku bo bira malu òf eksperensiá hinchamentu kaminda e pacemaker ta posishoná, tuma kontakto ku e departamento di monitoreo di kurason despues di oranan di ofisina na +5999 7450023.

Preguntanan tokante posishonamentu di e pacemaker?

Bo tin pregunta tokante e operashon? Por fabor yama e sekretariado di e Kamber di kateterisashon di kurason na +5999 7450023.
Si bo tin kualke pregunta tokante e pacemaker, bo por tuma kontakto ku e tim di pacemaker riba djaluna pa djabièrnè na +5999 7450023.

Desfibriladó kardioversor implantá (ICD)

Prevení paro di kurason
Meskos ku un pacemaker, un ICD a un aparato chikitu ku ta garantisá ku bo kurason ta sigui pòmp sanger na e ritmo normal. Komo un funshon adishonal e ICD ta duna un shòk di koriente interno pa prevení ku bo kurason ta stòp di bati. Pa e motibu ei e ICD ta keda posishoná si bo ta sufri di aritmia di kurason króniko.

Operashon ICD

E kardiólogo ta implantá e ICD bou di e kueru kaminda bo klavikula ta situá. For di e ICD tin kabelnan ku ta pasa via e adernan pa e kurason. E kabelnan aki konstantemente ta kontrolá si e ritmo di bo kurason ta bon. Si e ICD ta detektá un ritmo muchu lihé, e aparato ta duna un shòk den 15 sekònde. Si ta nesesario e aparato ta ripití esaki ku periodo di pousa di 10 pa 15 sekònde. Usualmente e ritmo di kurason ta normalisá despues di un òf dos shòk.

Funshon di pacemaker

Si e ICD tambe tin un funshon di pacemaker e aparato por trata di stòp sierto aritmia di kurason ku un seri di stimulashon rápido. Bo no ta sinti esaki. Si bo kurason no ta reakshoná òf si e aritmia bira pió, e ICD ta keda duna un shòk. E ICD ku funshon di pacemaker tambe ta kuminsá traha ora e ritmo di kurason ta muchu poko poko (bradycardia). E ora ei e aparato ta funshoná manera un pacemaker normal. Bo no ta sinti esaki. Ora ta trata di un anomalia kaminda e ritmo di kurason ta poko poko, e ICD ta trata di restourá e ritmo di kurason ku un seri di stimulashon eléktriko kòrtiku i rápido.

Monitoreo na kas

Ku monitoreo na kas e informashon di e ICD ta keda mandá for di kas. E tékniko di ICD por usa un kódigo pa log-in pa wak e informashon ku ta keda transmití di bo ICD. E tékniko por chèk entre otro si tabatin aritmia i kon bo ICD a reakshoná riba esaki. Informashon tékniko tambe ta visibel, manera por ehèmpel e nivel di e bateria di bo ICD i e funshonamentu di e elektrode. Lo tuma kontakto ku bo solamente si tin nesesidat pa informashon adishonal.

Konosementu spesífiko

Na Curaçao Medical Center nos spesialistanan i enfermeronan tin hopi eksperensia. Si bo dòkter a preskribí un aparato pa graba, esaki ta pasombra bo tin síntomanan manera aritmia di kurason, mariá òf ku bo ta bai flou. Ta e intenshon ku durante e periodo ku bo ta bisti e aparato pa graba, bo hasi bo aktividatnan diario. Bo ta hasi uso di un dagbuk pa nota e kehonan ku bo ta eksperensiá.

template
template

E prosedura

Den konsulta ku bo, bo dòkter lo a preskribí un eksaminashon ku un aparato di grabashon implantá. Esaki ta un aparato ku ta keda posishoná bou di bo kueru, na banda robes di bo pechu. E operashon aki ta tuma lugá bou di anestesia lokal.

E prosedura ta tuma lugá den e Cat Lab. Ta un prosedura ku ta dura 15 pa 20 minüt. Despues di e prosedura bo ta haña instrukshon di e tékniko òf asistente. Despues bo por bai kas.

Tin diferente tipo di aparato di grabashon ku ta keda produsí pa diferente kompania. E aparatonan tin diferente tamaño i posibilidat. E kardiólogo sa kua tipo ta mihó pa bo.

Number di kontakto 7450023
Djaluna pa djabièrnè di 8.30 am pa 4.30 pm.

icon_feedback

Bo tin feedback pa nos?

Hasi uso di nos proseso di Kòmplimènt i Keho i laga nos sa.
Den kaso di un emergensia, yama 910