Atake di kurason

Introdukshon

Un infarto miokardiko ta daño na e múskulo di kurason pa motibu di insufisiente oksígeno. Esaki ta keda okashoná dor di un ardu smal òf será.

Un kuagulashon di sanger por sera un ader koronario. Komo resultado parti di e múskulo di bo kurason no ta haña sanger i insufisiente oksígeno. Dor di esaki bo kurason por funshoná ménos bon. E severidat di bo infarto miokardiko ta dependé di e sitio i grandura di e lugá aki.

Eksaminashon

E kardiólogo ta laga hasi tèst di sanger i bo ta saka un pelíkula di sanger (E.C.G.). Tin bia investigashon mas profundo ta nesesario.

Tèst di sanger

Ku tèst di sanger nos ta tuma sanger ku un angua hòl pa yena un òf mas tubu di sanger. Un analista ta analisá e sanger aki den e laboratorio. Tèst di sanger, tèst di urina i tèst di shushi ta nesesario si e médiko general òf spesialista ke sa mas di bo salú. E dòkter tambe ta hasi investigashon pa determiná e kurso di e malesa i e efekto di e tratamentu.

Video di kurason (elektrokardiograma, E.C.G.)

Ku un E.C.G. nos ta midi e aktividat eléktriko di e múskulo di bo kurason.
E aparato di E.C.G. ta hasi esaki visibel den un gráfiko riba un pantaya òf riba papel. Ta un eksaminashon lihé i seif ku no ta hasi doló.

Ekografia di kurason (ekokardiografia)

Ku un ekografia e tékniko ta eksaminá bo kurason hasiendo uso di olanan di ultrazonidu.
Esaki ta olanan di zonidu na un frekuensia haltu ku bo no por tende òf sinti. Nan no ta dañino pa bo kurpa tampoko. E olanan di zonidu ta keda reflehá bèk via e kurason (eko). Komo un resultado por mira bo kurason riba un pantaya durante e eksaminashon.
E tékniko regularmente ta traha grabashon di bo kurason. Esaki ta duna bo kardiólogo informashon tokante e movishon i funshonamentu di e múskulo i adernan di bo kurason. Esaki ta permití e kardiólogo pa evaluá e funshon di pòmp di bo kurason i pa determiná si tin anomalia den e adernan di kurason.

Kateterisashon di kurason

Durante un kateterisashon di kurason, e kardiólogo ta eksaminá e adernan koronario di e kurason. Pa medio di un tubu den e ardu, e kardiólogo ta hinka un kateter. Via e kateter spesial aki, e dòkter ta inyektá kantidatnan chikitu di líkido di kontraste den e adernan koronario. Riba e pantaya di rayo X, e kardiólogo por mira kon e adernan koronario ta kana, na unda nan ta será i kon severo esaki ta. E kardiólogo por usa un kateterisashon di kurason komo un eksaminashon pero tambe komo tratamentu, manera por ehèmpel e tratamentu di dotter. Durante kateterisashon di kurason ta tuma lugá vários eksaminashon, manera por ehèmpel un eksaminashon di e adernan koronario pa medio di olanan di zonidu (IVUS) òf midi e preshon (di sanger) den e adernan koronario (Fractional Flow Reserve, FFR).

Por tin vários motibu pa kua bo ta haña un kateterisashon di kurason, manera por ehèmpel:

  • Bo tin doló den bo pechu (angina pectoris);
  • Tin problema ku e valf di bo kurason;
  • Bo a haña un atake di kurason;
  • Bo ta sufri di aritimia di kurason.

E kardiólogo lo ke sa eksaktamente den ki estado bo adernan koronario òf bo adernan grandi ta. Akinan bo por lesa mas di e eksaminashon aki.

template
template

Eksaminashon di baiskel (ergometria)

Durante un eksaminashon di baiskel, un tékniko ta traha un E.C.G. miéntras abo ta kore baiskel.
Durante ehersisio e kurason mester traha mas duru i mester di mas energia i oksígeno. Komo resultado di esaki, un eventual anomalia di kurason ta bira mas visibel ku un E.C.G. durante un eksaminashon di baiskel. Ku e eksaminashon aki, e kardiólogo por evaluá kon e fluho di sanger pa e múskulo di bo kurason ta durante ehersisio.

Tratamentu

Ora bo yega hòspital, e kardiólogo ta trata di disolvé e koha di sanger den bo ader ku remedi. Si esaki no ta traha bo ta haña un angioplastia. Posiblemente bo por bira un kandidato pa un bypass i operashon di desviashon.

Tratamentu di angioplastia (PCI)

Ku un tratamentu di angioplastia, e dòkter por kita un koha den e adernan koronario di e kurason. Dor di seramentu di e adernan koronario, bo kurason ta haña insufisiente oksígeno. E dòkter ta hancha e ader dor di insertá un blas i supla esaki den e ader koronario. Despues di esaki sanger por sirkulá atrobe. Por ta asina ku e dòkter ta skohe pa posishoná un stènt durante e tratamentu di dotter.
Semper nos ta trata di mehorá e kalidat di kuido i tratamentu.

Klínika i departamento pa pashèntnan ambulatorio

Kardiologia
Un kardiólogo ta spesialisá den rekonosé i trata kondishonnan di e kurason i adernan grandi.

template
icon_feedback

Bo tin feedback pa nos?

Hasi uso di nos proseso di Kòmplimènt i Keho i laga nos sa.
Den kaso di un emergensia, yama 910