Introdukshon
Esaki ta olanan di zonidu riba un frekuensia haltu ku bo no por skucha ni sinti. Tampoko nan ta dañino pa bo kurpa. E olanan di zonidu ta keda reflehá via e kurason (eko). Komo resultado di esaki, e tékniko por mira bo kurason riba un pantaya durante e eksaminashon.
E tékniko di laboratorio regularmente ta traha grabashonnan di bo kurason. Esaki ta duna bo kardiólogo informashon tokante e moveshonnan i funshonamentu di e múskulo di bo kurason i e klèpnan di bo kurason. Danki na esaki e kardiólogo por evaluá e batimentu di bo kurason i e por determiná si tin anomalia den e klèpnan di bo kurason.
Kon e eksaminashon ta traha?
Akinan bo ta haña tur informashon importante tokante e eksaminashon.
Preparashon
Kon bo ta prepará?
- ta importante ku bo no ta hasi uso di krema riba e dia di e eksaminashon
- pa bo selular durante e eksaminashon.
Bo no ta logra ta presente riba e dia di bo eksaminashon?
Yama hòspital na number di telefòn 745-0000 i puntra pa e departamento di funshonamentu di kurason mas pronto ku ta posibel, pero pa mas tardá un dia di trabou promé ku e fecha di eksaminashon. Hòspital por duna un otro pashènt bo sita. Na e manera aki boso ta traha huntu pa mantené e lista di espera mas kòrtiku ku ta posibel!
E eksaminashon
Kon e eksaminashon a tuma lugá?
Na unda bo mester mèldu?
Na e orario determiná, bo ta mèldu na e departamento di funshonamentu di kurason, piso 1, edifisio H3.
Durante e eksaminashom
Un ekokardiografo òf un kardiólogo ta hasi e eksaminashon.
- Ta importante ku bo no ta bisti paña na e parti ariba di bo kurpa.
- Bo ta bai drumi riba un kama di eksaminashon, mayoria bia riba bo zei robes.
- E ekokardiografo ta plak elektrodo na bo lomba òf pechu.
- Despues ta hasi e kamber mas sukú; asina e kardiólogo òf ekokardiografo por tira mihó bista riba e pantaya. E ekokardiografo ta primi un aparato chikitu kontra bo pechu. Riba e aparato aki tin gel. Asina por tira un bista riba bo kurason for di diferente ángulo.
- Durante e eksaminashon e kardiólogi òf ekokardiografo alabes ta kontrolá bo sirkulashon di sanger. Esaki ta loke nos ta yama un ‘Doppler onderzoek’. Durante e eksaminashon aki bo ta skucha zonidu tambe.
E eksaminashon ta dura mas o ménos 10 pa 30 minüt.
Resultado
Ki dia bo ta risibí e resultado?
No ta posibel pa haña e resultado mesora despues di e eksaminashon. Bo ta risibí e resultado di e dòkter ku a pidi e eksaminashon pa bo. Esaki por ta bo kardiólogo òf bo dòkter di kas.
Pregunta?
Bo tin pregunta?
Si bo tin pregunta despues di lesa e informashon aki, bo por tuma kontakto ku e departamento di kardiologia na poli na number di telefòn 745-0023.
Teps práktiko
Kiko bo mester trese?
Pa tur sita na hòspital bo mester trese un identifikashon bálido, bo karchi di pashènt i bo deskripshon general di bo remedinan aktual. Akinan bo ta haña mas informashon di kiko bo mester trese.