E departamento di hematologia-onkologia médiko i onkologia di radiashon ta forma e departamento di Hematologia/Onkologia di Curaçao Medical Center. E departamento ta spesialisá riba tereno di di diagnóstiko i maneho di pashèntnan ku malesanan hematológiko i onkológiko. Un aserkamentu multidisiplinario ta karekterisá e departamento.
Curaçao Medical Center ta brinda servisionan ekstensivo riba tereno di onkologia, diseñá pa diagnostiká, evaluá i trata mayoría tipo di kanser. Nos staf multidisiplinario ta inkluí siruhano, hematólogonan, onkólogonan médiko, onkólogonan di radiashon, onkólogonan ginekologiko i un staf di radiología intervenshonal.
Tin hopi tipo di kanser, kada unu ku karakterístikanan di e malesa i aserkamentu pa tratamentu úniko. Pa e motibu ei protokòl spesífiko ta forma base di nos maneho di pashènt.
Curaçao Medical Center ta ofresé tratamentu pa tumornan sólido i malesanan hematológiko den un setting ku ta tantu kurativo komo palliativo. Tambe nos ta brinda kuido pa pashèntnan ku ta sufri di malesanan benigno di sanger, manera entre otro malesa di sikelsèl i defekto di kuahalashon.
Via ‘Kuido Palliativo Korsow’ Curaçao Medical Center ta brinda tratamentu i guia i konseho pa kuido palliativo kompleho. Ta trata aki di un kolaborashon di onkólogonan, enfermeronan i médikonan general.
Tratamentu i Kondishonnan
- Curaçao Medical Center ta ofresé tratamentu pa tumornan sólido i malesanan hematológiko den un setting ku ta tantu kurativo komo palliativo. Tambe nos ta brinda kuido pa pashèntnan ku ta sufri di malesanan benigno di sanger, manera entre otro malesa di sikelsèl i defekto di kuahalashon.
- Via ‘Kuido Palliativo Korsow’ Curaçao Medical Center ta brinda tratamentu i guia i konseho pa kuido palliativo kompleho. Ta trata aki di un kolaborashon di onkólogonan, enfermeronan i médikonan general.
Programa i Servisionan di Onkologia/Hematologia
- Hematologia: tratamentu di pashèntnan ku kanser i otro malesanan di sanger i órganonan ku ta forma sanger.
- Onkologia médiko: tratamentu di pashènt ku tumor sólido maligno.
- Onkologia Otolaryngologia: (KNO), ta ofresé tratamentu di kanser na orea, nanishi i garganta.
- Gastroentrologia: ta brinda kuido di kansernan gastro-intestinal.
- Neuro-onkologia: ta brinda kuido di kansernan na serebro, wesu di lomba i e sistema nèrvioso.
- Onkologia di igra i hepatobiliar: ta trata kanser di igra i galkanal.
- Onkologia genito-urinario ta konsentrá riba tratamentu di kanser ku ta desaroyá den e sístema reproduktivo di e hende hòmber i den e trakto urogenital di tantu e hende hòmber komo e hende muhé.
- Onkologia gynekológiko: ta ofresé intervenshon pa kanser na boka di matris, endometrio, ovario i otro parti di e sistema reproduktivo di e hende muhé.
Spesialista Onkólogo / Hematólogo
Drs. Graaf, M van der (Marcella)
Internista-Onkólogo
Den mi trabou diario mi ta traha komo un onkólogo médiko i komo internista. Komo internista mi ta trata pashèntnan riba departamento di emergensia òf pashènt ku a keda atmití na nos hòspital. Komo un onkólogo médiko mayoria bia mi ta trata pashèntnan ku tin kanser ku remedi.
Nos tin suerte ku tin hopi hende ku kanser ku por keda kurá, pero desafortunadamente nos no por kura tur hende. E echo ku un pashènt no por wòrdu kurá di su malesa no kemen ku e pashènt no mester di yudansa òf ku no tin manera pa aliviá e kehonan.
Durante mi training pa bira un onkólogo mi a spesialisá den kuido palliativo. Esaki ta kuido di pashèntnan ku tin un malesa mortal, ku ta konsentrá riba mehorashon di e kalidat di bida di e pashènt pa medio di prevenshon i alivio di doló. Esaki nos ta hasi dor di identifiká i evaluá problemanan físiko, spiritual i psikososial.
Na 2018 nos a kuminsa ku e servisio konsultativo ‘Kuido Palliativo Kòrsou’. Tur médiko na Kòrsou por konsultá e servisio aki pa konseho riba tereno di kuido palliativo. Nos ta duna konseho i eduká nos koleganan. Asina nos ta purba mehorá e kalidat di kuido palliativo na Kòrsou.
John Schnog - Internista-Hematólogo/Onkólogo médiko
Na 2009 Dr. J, Schnog a kuminsá komo internista-hematólogo/onkólogo médiko na Sint Elisabeth Hospitaal. Aktualmente e ta hefe di departamento di onkologia/hematologia na Curaçao Medical Center.
Aparte di tratamentu di pashènt ku kanser di sanger, tutu di wesu i lymfeklir, e departamento tambe ta brinda kuido na pashèntnan ku malesanan ku no ta maligno, manera entre otro malesa di sikelsèl, talasemia i defektonan di kuahalashon. Un aserkamentu multidisiplinario ta sentral den nos kuido di pashènt. Meskos ta konta pa un kolaborashon intensivo ku nos koleganan di sentronan akadémiko na Hulanda.
Chanielle Salsbach - Hematólogo/onkólogo
Chanielle Salsbach Internista-hematologista/ medico onkologista
Adishonal na su spesialisashon komo interenista hematologista, Chanielle Salsbach a kompletá un d dos spesialisashon, onkologia na Universidat Sentro Médiko Groningen.
Komo un onkologista –hematologista e ta envolví den diagnostiká, tratamentu i tene kontakto ku pashèntnan ku kanser, leukemia, kanser limfoma i tambe enfermedat di sanger benigno manera sikel sèl.
Drs. Salsbach a nase i a wòrdu kria na Korsou i a traha pa un aña asistente di dòkter di kas na SEHOS. Despues el a kaba su spesialisashon na 2021 i kuminsá traha na CMC. E ta papia Papiamentu, Hulandes, Ingles i Spañó.