Na Curaçao Medical Center nos tin departamentonan ku ta konsistí di un Intensive Care Unit (ICU) ku 9 kama, inkluso 3 kamber di isolashon i un Medium Care Unit (MCU) ku 9 kama, inkluso tres kamber di isolashon. Pashèntnan ku tin un malesa severo, ku a sufri un aksidente serio òf ku ta rekuperando di un operashon grandi, ta keda tratá den ICU. E funshonnan vital di e pashènt, manera respirashon, sirkulashon i konosementu mester keda monitoriá intensiviamente, sostené òf den sierto kaso asta remplasá. Kualke kambio den kondishon di e pashènt ta keda detektá mesora riba e monitòr. Asina kòntròl, opservashon i tratamentu por keda ahustá rápidamente. E Medium Care Unit ta sirbi komo un lokalidat intermedio kaminda pashèntnan ta keda risibí kuido spesialista despues di un operashon grandi òf malesa, promé ku nan wòrdu transferí pa un kamber di hòspital regular.
E tim di ICU na Curaçao Medical Center ta multidisiplinario i ta konsistí di enfermeranan spesialisá den kuido intensivo, médikonan i spesialistanan ku sa kon pa brinda kuido krítiko pa pashèntnan ku un variashon di kondishonnan médiko, kirúrgiko i troumátiko.
E departamento di ICU na Curaçao Medical Center ta un di e areanan funshonal mas krítiko di e hòspital. Nos ICU ta un area grandi steril ku un konsentrashon haltu di aparatura spesialisá, tékniko i pa monitoriá, ku ta nesesario pa pashèntnan ku ta den un kondishon krítiko.
E departamento di ICU por resultá difisil pa algun pashènt i bishitante ku por keda intimidá pa e aktividatnan, sonido, mashin, tubu i monitòr. E por ta un eksperiensia inkómodo pa bishitá un ser kerí ku ta den ICU; bo por sintibo impotente, frustrá i tristu. Staf di ICU ta komprondé bo sentimentunan i prekupashon. Nos ICU tin hopi mas tantu médiko i enfermera presente, kompará ku e kantidat di pashènt; esei ta pa segurá ku tur pashènt ta keda monitoriá di aserka.
Kondishonnan Intensive Care
Tratamentu i Servisionan
Tratamentu i Kondishonnan
- Aparatura na Departamento di ICU
- Por ta un tempu spantoso i insigur pa abo, famia i amigunan ora boso bishitá sernan kerí den ICU ku ta keda monitoriá i sostené pa un òf mas mashin. Den ICU bo lo mira hopi pashènt ku ta konektá na un monitòr di kurason, otronan lo ta konektá na un aparato di respirashon òf na mashin di diálisis i na infus. Ser prepará pa mira hopi tubu i aparato di monitòr. Kasi tur aparatura di ICU ta hasi uso di alarma pa laga e staf médiko sa di un kambio den e kondishon di e pashènt. No ta tur alarma ta nifiká un situashon di emergensia.
- Telefòn selular
- Bo telefòn selular mester ta pagá den ICU. Nan por interferí ku aparatura eléktroniko vital pa e pashènt.
- Bishitante
- Nos tin un maneho estríkto di bishita pa sigurá bienestar di nos pashèntnan. Nos tim di ICU lo komuniká e maneho, eksigenshanan i oranan di bishita direktamente ku e promé persona di kontakto di e pashènt. Por fabor nota ku bishita ta keda limitá na persona ku e pashènt ta konsiderá komo famia imediato. Si bo ta sintibo malu òf bo ta sufri di un kondishon di salú, por fabor rekonsiderá bo bishita na ICU òf papia ku e staf di ICU tokante bo situashon promé ku bo plania un bishita.
- Higiena
- Pashèntnan di departamento di Intensive Care ta hopi vulerabel pa infekshon. Pa e motibu ei ta importante pa bishitantenan laba nan man promé ku drenta ICU pa asina prevení transmishon di infekshon.
- Regalo
- Tin restrikshon pa pèrmití akseso na aparatura médiko vital i pashèntnan. Si bo no sa kiko bo por trese, pidi staf di ICU promé ku bo plania bo bishita.
Programa i Servisionan di Intensive Care
- Guia
- Atmishon na ICU pa motibu di un malesa krítiko òf un aksidente por tin un impakto enorme riba bo bida i bo famia, tantu físikamente komo emoshonalmente. Nos ICU na Curaçao Medical Center tin un guia dediká na brinda sosten i guia na pashèntnan i nan famia. E guianan tin hopi eksperiensa i konosementu amplio di proseduranan di ICU.
- Kuido di pastoral i spiritual
- Hopi persona ta eksperiensiá pensamentunan emoshonal i spiritual ora nan tin un ser kerí den kondishon krítiko na hòspital. Nos ta brinda guia pastoral pa pashèntnan i famia ku mester di guia i sosten spiritual professional i kompashon. Tambe nos ta ofresé un espasio di trankilidat na level 1 ku ta habri 24×7 pa momentunan di reflekshon i orashon.
Spesialista Instensive Care
Diego Munoz Rincon- Intensivista
Dr. Diego Alejandro Muñoz Rincon nasé na di Medellin, Colombia, ta un Intensivista dediká na Curaçao Medical Center (CMC). Su trayekto den medisina a kuminsá na Universidad Pontificia Bolivariana, unda ku el a optené su grado di Dòkter General na 1999. E periodo aki a implantá den dje un profundo sentido di kompashon i un kompromiso pa sirbi e nesesidatnan di salú di su komunidat.
E entusiasmo pa konosementu di Dr. Muñoz Rincon a gui’é pa spesialisá den medisina di urgensia na Universidad CES na Medellin for di 2005 pa 2008. Su entrenamentu a prepar’é pa situashonnan di haltu preshon, tresiendo huntu su abilidatnan pa brindá kuido kritiko durante un emergensia.
Na 2010, Dr. Muñoz Rincon a kuminsá un programa transformando di un aña den Trouma i Situashonnan di Herídonan masal na Rambam Health Care Campus na Israel. E eksperensia aki a ampliá su konosementu médiko i perspektiva global riba kuido di salú i maneho di desaster.
E interes den ekselensia di Dr. Muñoz Rincon a kontinuá ora ku el a spesialisá den Medisina di Kuido Intensivo na Universidad CES for di 2012 pa 2014. Despues, el a dediká su mes na Hospital Pablo Tobon Uribe komo Dòkter di Kuido Intensivo te na 2020, ofresiendo tambe su servisio na Klínika Las Americas.
Mas leu di su karera médiko, amor di Dr. Muñoz Rincon pa naturalesa a lage tuma e desishon di imigrá pa Kòrsou. Aki, el a bai kòrda ku kultura, playa, bida marítimo, i hende kálido. Den su tempu liber, Diego ta profundamente komprometé pa duna bèk na e isla ku awor ta su kas.
Dr. Muñoz Rincon ta partisipá aktivamente den proyektonan di restorashon di rif, konosiendo e importansia di preservá ekosistemanan frágil. Tambe, e ta dediká su tempu ku limpiamentu periódiko di oseano, mustrando su dedikashon na kuido di medio ambiente.
E versatilidat lingwístiko di Dr. Muñoz Rincon den Papiamentu, Hulandés, Ingles, i Spañó ta permití’é konektá ku un variedat diverso di hende i brindá servisio di salú na varios idioma.
Jeanne Koeijers - Internista Intensivista
Juan Camilo Lopez de Mesa - Intensivista
Dr. Juan Camillo Lopez de Mesa ta un anestesiologo i intensivista originalmente di Colombia, kaminda el a kuminsá su karera komo dòkter, i na 2002 el a haña su diploma di dòkter.
Su fervor pa anestesiologia a hib’é pa sigui un grado di spesialisashon den e rango aki na Universidat CES na Medellin, Colombia, ku a kulminá na 2009. Pa motibu di e deseo pa duna un kuido kompletu na e pashèntnan, dr. López de Mesa a afina su eksperensia un tiki mas dor di atkirí un spesialisashon den medisina di kuido kritiko na 2011, tambe a tuma un programa di beka enfokando riba kuido neuro-intensivo durante un aña na Universidad di Chile na Santiago de Chile na 2013. Su dedikashon pa avansá su abilidatnan a kondusié na un diploma di universidat den ultrasonografia krítiko avansá POCUS, empoderando e ku abilidatnan di diagnóstiko di punta. Ansioso pa profundisá su komprenshon di étika médiko, e ta aktualmente envolví den sigui un Master di Bioetica na Universidat Katóliko di Valencia na Spaña, destakando su kompromiso ku un enfoke holístiko den kuido di salu. Dr. E karera di Lopez de Mesa na Kòrsou a kuminsá na SEHOS, kaminda na prinsipio el a sirbi komo anestesiologo i dòkter di kuido intensivo den 2011, gradualmente transishonando na un ròl di tempu kompletu tantu den e departamentu di kuido intensivo komo di anestesis for di aña 2020. Su pashon pa manehá pashèntnan krítikamente malu, a floresé durante su entrenamentu médiko, impulsando su desishon pa embarká den e biahe pa bira un intensivista. Papiamentu, Ingles i Spañó ta e idiomanan ku dr. Lopez de Meza ta papia i asina forma un habilidat multilingual ku ta permiti’é komuniká i konektá efektivamente ku diferente pashènt i profeshonalnan médiko. Su dedikashon na e tereno aki, huntu ku su abilidatnan di diferente tipo i su kompromiso pa praktiká un medisina étiko, ta indiká ku Dr. Juan Camillo Lopez de Mesa komo un profeshonal di salu altamente kualifiká i kompasivo.