Esaki ta un malesa hopi serio kaminda bakteria ta hinka nan tóksido venenoso den bo sanger. Ta un inflamashon den hinter bo kurpa. Intoksikashon di sanger por desaroyá na kas òf por ta reakshon di sirugia òf tratamentu di un otro malesa.
Personanan ku tin resistensia hopi abou ta kore mas riesgo pa wòrdu venená. Esaki, por ehèmpel, por ta muchanan hopi yòn, hende grandi, personanan ku tin trastorno imun òf herida grandi. Pashèntnan ku ta den kuido intensivo tin un riesgo haltu di wòrdu kontaminá paso nan ta malu kaba i paso nan tin sea IV òf kateter.
Kiko ta e síntomanan?
Intoksikashon di sanger mayoria biaha ta kuminsá ku infekshon lokal, kaminda e síntomanan ku presentá ta dependé di e grandura di e infekshon. Tosa, sleim i rosea kòrtiku tur ta forma parti di pulmonia. Doló ora bo uriná i uriná ménos, tambe por ta, infekshon na bo blas di urina.
Si sosodé ku bo tin intoksikashon di sanger, esaki ta okashoná síntomanan manera keintura, temblamentu, kurpa ta sin smak, biramentu di kabes, sakamentu i diarea i tambe hende grandi ta haña problema ku konfushon.
Den kasonan mas serio, esaki ta wordu yamá shòk séptiko, Bo preshon di sanger por baha direpente. Esaki ta pone ku bo sanger ta baha ku efektonan peligroso riba tur bo órgannan. Si esaki sosodé, e ta wòrdu referí komo fayo di multiple organo. Mayoria órgano ta stòp di funshoná optimal. Pues esaki tin efekto riba bo urina, eliminashon di produktonan sobrá, halamentu di rosea, klòmpi di sanger, apsorbashon di nutrishon i hopi mas.
