E departamento di KNO ta diagnostiká i trata malesanan di orea, nanishi, garganta i area di kabes i nèk. E departamentu ta bon ekipá ku fasilidatnan pa ofresé un servisio di kalidat haltu i safe pa tantu adulto komo mucha.
Tratamentu i Kondishonnan
Programa i Servisionan di KNO KNO
- Otolaringologia General
- Kabes i Nèk
- Otologia i Neurotologia
- Rinologia
- Operashon pa Slaapapneu
- Holó i Smak
- Patologia di Lenga
- Stèm, Papiá i Gulimentu
Spesialista KNO
Nadjah Wagner-Buitenweg - Spesialista di Orea, Nanishi i Graganta (KNO)
Drs. Wagner-Buitenweg ta un médiko di Keel, Neus en Oor (KNO) allround ku hopi eksperiensia ku a regresá su pais natal despues di su hospitalisashon na Hulanda.
Su spesialismo ta otologia; e tin eksperiensia ku implantashon koklear, BAHA, otro problema ku oido i sirugia i ku vestibular schwannoma. E eksperiensiá den tratamentu i maneho di malesa i alergia di sinus i e asina yamá Functional Endoscopic Sinus Surgery (FESS). E ta enbolbí den e tim multidisiplinario ku ta trata defektonan opstruktivo di soño. E la sigui varios kurso postgrado di medisina di buseo i tabata un eksaminador médiko pa sambuyadó.
Den kolaborashon ku e neurosirugano, resientemente e la kuminsá ku sirugia pituitario na CMC. E ta miembro di varios asosiashon profeshonal, manera entre otro e asosiashon di KNO i Federatie Medische Specialisten, tur dos ta situá na Hulanda.
Dr. Dawn de Neef-Reuille - Spesialista di Orea, Nanishi i Graganta (KNO)
Dr. de Neef-Reuille ta un spesialista eksperensiá den Garganta, Nanishi i Orea (KNO) na Curaçao Medical Center (CMC), kaminda e ta forma parti di e tim for di 2024. El a studia medisina na Baylor College of Medicine na Houston, Texas i a kompletá su spesialisashon den Garganta, Nanishi i Orea i sirugia di kabes i garganta na Ohio State University na Columbus, Ohio. E ta sertifiká pa e hunta di direktiva merikano di otolaringologia di sirugia di kabes i garganta i ta un miembro di e akademia merikano di otolaringologia di sirugia di kabes i garganta
Promé ku el a drenta CMC, Dr. de Neef-Reuille a traha komo spesialista di Garganta, Nanishi i Orea den un práktika privá na North Carolina pa 21 aña. E ta trata tantu mucha komo adulto i tin un interes amplio den tur aspekto di kuido di garganta, nanishi i orea. Su áreanan di ekspertisio ta inkluí tumornan benigno di e “parotisklier” i otro ‘’speekselklieren’’ i tambe sirugia di sinus endoskópiko funshonal, inkluyendo sirugia di sinus guiá pa imágen. Tambe el a kompletá training adishonal den sirugia pituitario endoskopiko, loke ta permitié di sostené e tim neurokirúrgiko na CMC. Dr. de Neef-Reuille ta komprometé na duna kuido integral di garganta, nanishi i orea na pashèntnan di tur edat.
Dr. Philipp Endres - Spesialista di Orea, Nanishi i Graganta (KNO)
Dr. Philipp Endres ta un spesialista di Orea, Nanishi i Graganta (KNO) na Curaçao Medical Center (CMC), ku un enfoke riba kuido general di KNO. El a kompletá su estudionan médiko na Universidat di Heidelberg na Alemania, kaminda el a spesialisá tambe den Otorinolaringologia na Hòspital Universitario di Heidelberg.
Dr. Endres tin eksperensia amplio trahando den un klínika spesialisá pa aparatonan di oido implantabel. El a kuminsá na CMC na 2025 komo un spesialista temporal i for di yüni 2026 e ta un spesialista permanente na CMC. E ta dediká na duna kuido di kalidat haltu ku ta enfoká riba pashèntnan ku diferente kondishonnan di oreo, nanishi i garganta (KNO).