Introdukshon
Un sintimentu straño (sensashon global òf nervioso) den bo garaganta ta relativamente komun.Ta un sintimentu straño manera algu a keda pegá den bo garganta. Usualmente e sintimentu aki ta tuma lugá nèt kaminda bo korokoro ta situá. Mayoria biaha no sa kiko ta e motibu prinsipal dikon bo ta haña e sintimentu aki. Hopi hende ta bira preokupá ora ku nan hañ a e sintimentu aki pero den mayoria kaso e sintimentu aki ta kompletamente inosente.
Kousa
E sintimentu straño (global) aki tin un par di motibu dikon e ta sosodé. Den mayoria kaso e kousa ta pa motibu di iritashon di resaku (23-68%) òf ásido di stoma (reflux). Otro kousanan konosí ta subida di tenshon di múskulo den e spir ariba di e esófago. E sintimentu, tambe por ta resultado di amandel ku a keda pegá na lenga. Esakinan ta lokalisá na parti patras di e lenga i ta situá einan pa defendé bo “garganta”. Tambe esaki por wòrdu okashoná dor di subida di tenshon di e múskulo di e korokoro kual ta den e garganta. Ora bo usa bo stèm inkorektamente, parti di e múskulonan aki ta keda ku hopi preshon, kual ta okashoná e “sintimentu straño” aki.
Personanan ku haña e sintimentu “straño” aki hopi biaha ta raspa nan garganta, pero esaki por empeorá e síntomanan, paso esaki ta subi e tenshon di múskulo ku tin den bo garganta. Tambe, e bakteria króniko kual ta den e garganta por kousa iritashon na e “slijmvlies”. Esaki por wòrdu okashoná, por ehèmpel, dor di nasal òf problema ku kavidat nasal, iritashon substansial òf airu seku. Sigaria, alkohòl, kòfi òf iritashon substansial manera dròp, menta i chukulati por mantené e reklamonan. Strès i problema emoshonal tambe por kontribuí na e sintimentu straño (global) aki. Den bida diario nos tur konosé e sintimentu aki ku ta trese emoshonnan fuerte, un masa den garganta.
Kousa “global”
- Zür di stoma
- Subida di tenshon di múskulo den e parti di kabes i garganta
- Uso robes di stèm (hala rosea inkorektamente i postura)
- Higiena Inapropiá di stèm manera tosamentu i raspa garganta
- Tenshon sikológiko
Tratamentu
Tin biaha dòkter di ENT no ta mira niun apnormalidat i esaki ya ta duna sufisiente seguridat pa pone e sintimentu straño (global) aki desaparesé.
E kehonan a wòrdu okashoná pa motibu di zür di stoma?
Si ta zür di stoma, bo mester dil ku e siguiente kehonan menshoná:
- Sintimentu kimante, doloroso den bo stoma
- Preshon tin biaha ta trese sintimentu doloroso tras di bo tabla di pechu
- Tin biaha dolónan radiante na garganta, lomba i blat di lomba
- Bo intuishon
- E kehonan por paresé komo reklamonan di kurason
Sierto kumindanan i bebidanan por tin riesgo haltu pa zür di stoma:
- Kumindanan hasá
- Kumindanan vèt
- Fruta di sítrùs
- Produktonan ku ta kontené vèt i lechi
- Produktonan karbóniko, manera Cola òf Fanta
- Kòfi
- Alkohòl
- Pika òf kumindanan pika
Adishonal, strès tambe por hunga un ròl.E bebidanan aki òf kuminda por trese trankilidat:
- Te di “ginger”
- Yògert ( ku un persantahe mas abou posibel di vèt)
- Lechi (ku e “persentage” mas abou di vèt posibel, manera lechi di “almond”.
- Banana
Tambe tin medikashon ku bo por risibí pa zür di stoma. Den konsultashon ku bo dòkter, bo por risibí e preskripshonnan aki.
Uso robes di bos i higiena di bos/stèm
Higiena di stèm ta tratamentu pa bo tin un stèm saludabel. Esaki ta inkluí tur maneho intentá pa promové stèm saludabel i bon funshon di bo stèmbantnan. Uso inkorekto di bo stèm i abuso di bo stèm por hunga un ròl importante den desaroyo i persistensia di kehonan global. Aki ta un résumen kòrtiku di un broshura ekstensivo di higiena di stèm (si bo ke e broshura ekstensivo, bo por puntra pa esaki).
- No huma
- Hala rosea dor di bo nanishi ora di sosiego
- Evitá di papia den un espasio ku tin hopi bochincha
- Bebe hopi awa
- Evitá di skrap garganta i tosa mas tantu posibel; e stèmbantnan por topa otro hopi fuerte ora bo tosa, ora tosa i skrap: e garaganta i korokoro por iritá; e “slijmvlies” iritá membrane ta produsí sleim atrobe ku mester wòrdu tosá saká afó,; esaki ta pone ku ta bai tin mas iritashon; e orei bebe un slòk di awa i purba guli pa aliviá kaminda ta grawatá.
- No usa kos di boka dushi duru òf kayente.
- No grita