Introdukshon
Dòkter di ENT ta rekomendá kurso olfátiko (tèst relashoná ku holó) pa hasi sierto tèst ku bo. E foyeto aki ta konsistí di mas informashon tokante e kurso olfátiko i kon pa ehekutá esaki. Kurso olfátiko ta importante si un persona pèrdè holó. Investigashon ta mustra ku kurso olfátiko por tin efekto prinsipalmente riba pashèntnan ku ta pèrdè holó pa motibu di infekshon respiratorio,herida na kabes òf pa motibunan deskonosí.
Serebro i “training” kurso
Serebro ta un órgano hopi kompliká. Parti di e olfato i trastorno ta wòrdu okashoná pa motibu di daño selebral. Daño selebral no ta algu ku ta dura pa semper. Serebro tin kapasidat di adaptá i rekuperá despues di risibí daño. Esaki por sosodé naturalmente, pero esaki tambe por wòrdu stimulá ku ehersisio.
Kurso Olfátiko
Pa motibu di e abilidat di serebro pa rekuperá, nos ta rekomendá kurso olfátiko serka pashèntnan ku nos ta spera un resultado positivo. Un investigashon intensivo ta wòrdu hasí pa determiná si bo ta benefisiá òf nò di e kurso olfátiko. No tin niun garantia tokante e resultado final di e kurso. Ta importante pa mantené kurso olfátiko pa por lo ménos 24 siman (6 luna). Pa presentá kurso olfátiko, bo mester di aroma ku ta kontení e siguiente holónan: rosa, lamunchi (citronella), eukalipto i klabu.
Kompra di e produktonan pa ehersisio olfátiko
Bo por kumpra e fragansianan aki di e siguinte forma:
– E aromanan ta wòrdu bendé na diferente botika
– Buska “zeta di fragansia” riba internèt
- rosa, sitrun (citronella), lamunchi,eukalipto i klabu
Via di Hulanda tin e siguiente posibilidatnan:
Dor di e siguiente páginanan riba internèt tin kurso olfátiko ku ta wòrdu bendé:
- www.smelltest.eu/product/geur-kwartet-geurpennen-voor-trainingvan-reukvermogen/
- www.knowinkel.nl/reuktraining.html
Pa e kurso bo mester di e siguiente zeta òf marker.
- rosa
- lamunchi
- eukalipto
- klabu
Hasi e “ehersisio” Olfátiko lo siguiente:
- Usa 1 di e “markers” òf un bòter di zeta
- Wak bon promé bo disidí kua aroma bo ta bai usa
- Pone esaki 3 dùim bou di bo nanishi. Ta importante pa e “markers” i e zeta no mishi ku bo nanishi
- Relahá i hala rosea trankil i profundo dor di bo nanishi. Si bo hala rosea muchu lihé, e aroma lo no drenta den bo nanishi di e forma korekto.
- Ripití esaki 4 biaha; bo a inhalá e aroma UN total di 5 biaha.
- Tuma 1 minüt di sosiegu promé bo sigui ku e siguiente aroma
- Ripití e stapnan ariba pa tur aroma.
Bo mes por kis bo aroma.
Ripitishon di ehersisio
Ripití e 7 stapnan aki preferiblemente 2 biaha pa dia, por ehèmpel mainta i anochi. Ta importante pa bo mantené e ehersisio por lo ménos 24 siman. Purba di ehekutá e ehersisionan regularmente. Si bo falta un dia, kontinuá mas lihé posibel. Purba di tene e dianan ku bo falta na un mínimo.
Kontrolá bo progreso
Pa yuda bo ku e ehersisionan, ta bon pa bo ta na altura di bo proseso. E konseho ta pa tin un resúmen kòrtiku di bo proseso tur siman. Kuantu aroma bo ta holé individualmente > nada,untiki òf bon. E aroma ta loke bo a spera, òf bo ta hole algu otro? i si ta nesesario, bo por duna bo opinion tambe. Ta hopi bon si abo i bo dòkter di ENT por usa e informashon aki pa deliberá e ehersisionan olfátiko aki ku bo.
Despues di 24 siman, tin un konsultashon ku ENT dòkter pa asina deliberá bo proseso.
Training ku ta sigui
Si bo kontinuá ku e ehersiso olfátiko, lo bo hasi mesun kos ku aromanan nobo. E aromanan aki ta: menta, hasmin, teim i mandarein. Akinan tambe ta importante pa bo mantené e ehersisio pa por lo ménos 24 siman. Despues di e 24 simannan aki bo mester tuma kontakto atrobe ku bo dòkter di ENT.