Ora e nesesidat tei pa un operashon, bo ke un eksperto riba tereno di sirugia den bo banda. Na Curaçao Medical Center nos tim di siruganonan general ta ofresé kuido personalisá i téknikanan avansá pa kumpli ku bo nesesidatnan spesífiko. E ekspertonan riba tereno di sirugia aki ta di train den varios prosedura di sirugia general i téknikanan ku ta mínimo invasivo. Nos tim di sirugia tambe ta inkluí enfermeranan ku di train spesífikamente pa sirugia i anestesistanan ku bo pone bo seguridat i rekuperashon eksitoso na promé lugá; si bo prosedura ta tuma luga riba base ambulatorio òf e ta rekerí atmishon na hòspital. For di momento ku bo ta yega te na e momento ku bo por hasi e kosnan ku bo gusta ku e personanan ku bo stima, nos ta bo partner den kuido.
Pashèntnan pa sirugia ta keda atmití na un sala di enfermería òf tratamentu di dia. Despues di aki e pashènt ta wòrdu transportá pa e sala di operashon i despues e sala di rekuperashon. Una bes rekuperá, e pashènt ta bai bèk e sala di enfermeria.
Programa i Servisionan di e Departamento di Sirugia
- Akseso Sirugia pa Diálisis
- Sirugia Bariatriko
- Sirugia di pechu
- Sirugia Rektal
- Gastrointestinal Kompleto
- Sirugia na Pankrias
- Sirugia Pediátriko
- Proktologia
- Torakika i Sirugia Mediastinal
- Sirugia di Trouma
- Sirugia na Esófago
- Sirugia na kabes i nèk
- Sirugía laparoskópika i habrí di e apdómen
- Sirugía laparoskópika di galkanal
- Operashon di Tripa
- Sirugia vaskular
- Klínika pa herida ku kuido integral pa herida ku un tim ful ekipá (ortopédiko/sirugano vaskular/pedatria/enfermera pa diabétis/ spesialista hiperbariko).
Spesialista Sirugia
Michel Berry - Siruhano
Michel Berry, M.D. ta un sirugano general allround ku ta spesialisá den onkologia kirúrgiko, ku ta inkluí kanser na pechu, kabes i nèk, torakika (pulmon, esófago), i sirugia rektal.
Dr. Berry tin un training ekstensivo den sirugia bariátriko di persona ku ta sufri di obésitas i maneho di malnutrishon di e pashèntnan aki. Dr. Berry tambe ta direktor di e programa edukashonal ATLS di Kòrsou, i durante e añanan e la train varios dòkter den kuido avansá di trouma.
E ta miembro di varios asosashon profeshonal, entre otro di American College of Surgeons, Dutch College of Surgeons i International Society of Bariatric and Metabolic Surgeons. Tambe e ta presidente/direktor di e programa ATLS na Kòrsou i presidente di e asosashon di profeshonalnan médiko laborando na hòspital na Kòrsou.
Silke Flahou - Siruhano
Silke Flahou ta un sirugano general ku a sigi un training di un aña èkstra riba tereno di sirugia di apdómen. E ta interesá den tratamentu elektivo i di emergensia di malesanan di tripa (kondishonnan onkólogo i no-onkólogo di stomá i di tripa), bariatriko, malesa di galblas, reparashon di lis i hèrnia i otro kondishonnan kirúrgiko general manera por ehèmpel pia diabétiko.
E tin un parti grandi di su karera su dilanti ahinda i e ta keda gana eksperiensia den varios otro disiplina kirúrgiko. Den pasado hopi bia e la partisipá den investigashonnan sientífiko. E la presentá na varios simposio internashonal i a keda publiká den diferente diario médiko. E ta miembro di e tim Oropea di siruhanonan ku ta traha pa Artsen Zonder Grenzen. E ta komprometé na duna prioridat na bienestar di su pashèntnan, pa medio di bon komunikashon i brindando e mihó kuido posibel.
Jeannouel van Leeuwen - Siruhano
Durante su promé aña na Leiden, dr. Jeannouel van Leeuwen a wòrdu di train den sirugia di pechu i sobrá di su edukashon e la sigi den e hospital mas grandi di Bélgika na Gasthuisberg Leuven. Dr. Jeannouel van Leeuwen ta un siruhano general eksperiensiá i un eksperto riba varios tereno kirúrgiko for di 1993. Den komienso di su karera e la hasi hopi sirugia vaskular i di pechu, pero den e último 10 añanan e la bira hopi dediká i apresiá pa sirugia di onkologia, espesialmente pa kanser na pechu, gastro-intestinal i kanser rektal.
Durante añanan e la gana hopi eksperiensia den tratamentu di trouma di tehido moli i di herida. Komo un miembro senior di staf di e departamento di sirugia general, e ta un edukador i dosente pa studiantenan ku ta bin di Hulanda i di Bélgika (Gent, Antwerpen i Brussel). E ta un miembro di e CMC Tumor Board. Aktualmente un di su tareanan ta pa laga un legado atras ora e baha ku penshun na 2025 di un departamento bon organisá ku siruhanonan bon di train ku spesialisashon spesífiko pa sirbi komunidat di Korsou i region di Karibe.
Drs. Misset, M (Menno)
Surgeon
David Nellensteijn - Siruhano
E la kompletá su training kirúrgiko na e University Medical Centre Groningen na 2011. Despues e la kuminsa traha na SEHOS. Eksitosamente e la defendé su tesis di PhD tokante trouma pediátriko apdomal na 2015 i pa varios aña e ta forma parti di e American College of Surgeons (FACS).
Dr. Nellestein su area di ekspertisio ta trouma (ortopédiko) i sirugia pediátriko, pero tambe e ta atendé kasonan di sirugia general manera por ehèmpel sirugia laparoskópiko di galblas i tur sirugia di apdómen. Tambe e ta un guia pa stagiair i un edukadó pa esnan ku ta train pa bira sirugano na tres hòspital akadémiko na Gent, Antwerp i Brussels, na Bélgika.
Dr. Nellestein tambe ta Service Line Chief di e fasilidatnan di kuido agudo na Curaçao Medical Center, inkluso e departamento di emergensia, e sala di atmishon agudo i e kamber di geps. Dos bes pa aña e ta djòin un grupo di otro médikonan di emergensia lokal komo instruktor di Advanced Trauma Life Support (ATLS) pa e kurso di Curaçao ATLS.
Juan Rodriguez Vitoria - Siruhano
Dr. Boye MD PhD
Dr. Boye MD PhD a kompleta su estudio den kirugia general i diferensiashon onkológiko i siruhia di pulom na Leids Universitair Medisch Centrum, Leiden & Haga Ziekenhuis na Den Haag. Banda di sirugia general, su terenonan di interes ta sirugia kolorektal laparoskópika, kirugia pulmonar minimalmente invasivo i tratamentu kirurgiko di metástasis hepátikas (igra). Despues hopi aña na Hulanda, Dr. Boye a regresá Korsou na 2021 i e ta kontentu di por regresá su pais natal i pa por traha pa Kòrsou. Dr. Boye ta papia papiamentu, Hulandes i Ingles.