Curaçao Medical Center tin un departamento di Radiologia ultra modèrno ku kontinuamente ta traha duru pa por ofresé pashèntnan e teknologíanan mas avansá i opshonnan pa tratamentu inovativo. CMC ta kombina liderasgo médiko di un praktika akadémiko di supspesialismo ku aparatura ultra modèrno den un ambiente ambulatorio konfortabel i kuminiente ku ta aksesibel pa brinda e kalidat di mas haltu di eksperiensia i resultado.
Nos departamento di radiologia ta un di e sentronan radiológiko mas grandi den region. Tur aña radiólogonan di CMC ta ehekutá i interpretá mas di xxx prueba. Tur nos sistemanan ta di link pa e sistema di informashon radiólogo (RIS) i e Picture Archiving and Communication System (PACS), ku ta lagabo saka imahen den un lokalidat pa despues mira tur kaminda den hòspital. E staf tambe ta inkluí físikonan ku ta responsabel pa training i monitoreo di trahadónan, pashènt i aparatura pa garantisá ku imahennan ta keda saká na un manera sigur i di e kalidat di mas haltu.
Tur staf di kuido di e departamento di radiologia ke duna abo i bo famia e servisio meresí!
Programa i Servisionan di e Departamento di Radiologia
- Imahen di Apdómen
- Imahen di Pechu (Mammapoli)
- Imahen Radiologia Kardiovaskular
- Radiologia Intervenshonal
- Físiko Médiko
- Imahen Muskuloskeletal
- Neuroradiologia
- Radiologia Pedatria
- Imahen Torákika
Programa i Servisionan Mamografia
- Servisio i Tratamentu
Skrinen mamografia – skrinen rutinario di mamografia ta imahen di e pechunan, dos na kada banda. E mamografianan aki ta tuma lugá anualmente. Un mamografia ta tuma lugá serka pashèntnan ku ta asintomátiko (sin problema) na Mammapoli, e klínika di mamografia den e departamento di radiologia.
Diagnósis mamografia ta enbolbí imahennan, un radiólogo i potensialmente otro servisionan. E evaluashon aki por keda rekomendá pa motibu di kambionan den e pechu ku bo mes a diskubrí, bo dòkter di kas of durante imahen. Diagnósis ta tuma lugá den departamento di radiologia na Curaçao Medical Center.
- Echos di Salú di Pechu
Bo tabata sa?
Aparte di kanser di kueru, kanser na pechu ta e tipo di kanser mas komun serka hende muhé.
Un mamografia ta hasi diferensia den prevenshon di kanser na pechu?
Varios prueba i evaluashon di skrinen mamografia klaramente ta indiká ku detekshon trempan di kanser na pechu ta mehorá e opshonnan pa tratamentu, e chèns pa un tratamentu éksitoso i pa sobrebibí. (Fuente: American Cancer Society, Breast Cancer Facts and Figures, 2005-2006)
- Mamografia Digital
Un mamografia digital ta tuma un imahen elektróniko di e pechu i ta warda esaki direktamente den e kompiuter, pa asina por mehorá i oumentá òf manipulá e data ku a keda grabá pa mas evaluashon. Mamografia analog ta hasi uso di film pa kapturá i mustra e imahen. E sensibilidat di mamografia analog ta un tiki limitá, partikularmente serka hende muhé ku pechu denso (ku ta kore riesgo mas haltu pa kanser na pechu).
- Kla pa traha un sita pa bo mamografia?
Yama nos na Curaçao Medical Center na number di telefòn +5999 745-0000, number di ekstenshon 2905, 2151 òf 2152.
Spesialista Radiologia
Izyocat Hooker - Radiólogo
Dr. Izyocat Hooker ta spesialisá den diagnósis di leshon i malesanan, hasiendo uso di proseduranan di radiologia (tèst) manera entre otro radiografia, tomografia komputarisá, MRI, medisina nuklear i PET scan.
E ta spesialisá riba tereno di intervenshon no-vaskular: biòpsi, drenahe relashoná ku CT scan, punctie sitológiko, PTC, tratamentu di galkanal, PCN, Bot biòpsi i infiltrashon médiko.
Jo-Ann Tai -Radiólogo
Dr. Jo-Ann Tai a nanse na Surnam, pero a krese na Hulanda i na Kòrsou. Kòrsou semper tabata su kas. Den e periodo di espera di 6 luna promé ku e la kuminsa su stazje na Medische Universiteit na Rotterdam, dr. Tai a kore un stazje kòrtiku na departamento di radiologia na Sehos. E tabata sa kaba ku e kier a spesialisá den radiologia. Despues di a risibí su diploma médiko e la bai traha na SEHOS komo un AGNIOS na e departamento di medisina interno i sirugia pa gana eksperiensa klinika, promé ku e la kuminsa su spesialisashon den radiologia.
Durante mi taining komo radiológo tur hende tabta sa ku mi kier a bai Kòrsou bèk. Semper mi ta aspirá pa duna e mihó kalidat di kuido dentro di e kondishonnan aktual. Radiólogo general ku interes spesial den radiologia onkológiko, radiologia di apdómen i radiologia di pechu. Akreditá for di 2009 na Hulanda. Miembro di e tim multidisiplinario di onkologia i kanser di pechu di Sehos/CMC. Radiólogo pa skrin pa kanser di pechu na Fundashon Prevenshon (akreditá for di 2010 na LRCB, Nijmegen na Hulanda).
Miembro di Nederlandse Vereniging voor Radiologie, miembro di Radiological Society of North America (RSNA), miembro di European Society of Gastrointestinal and Abdominal Radiology (ESGAR) i miembro di European Society of Breast Imaging (EUSOBI).
Peter Haarbrink - Radiólogo Intervenshonista
Dr. Peter Haarbrink ta un radiólogo intervenshonista for di aña 2000. Di 2000 pa 2-21 e la traha na e hòspital CWZ na Nijmegen, Hulanda. Durante añanan e la bira un eksperto riba tereno di intervenshon vaskular, manera por ehèmpel tratamentu di kloudikashon, rekuperashon di ekstremidat, embolisashon den entorno onkológiko, elektivo, post-partum i traumátiko i tambe di proseduranan no-vaskular manera por ehèmpel tratamentu di apsès, problemanan di halblas, patologia di milt, nir, tractus digestivus ets. Tambe e la kuminsá e tratamentu di infarto di kurason pa medio di trombektomia intraaterial na e hòspital CWZ na Nijmegen, Hulanda. E la organisá vários workshop kaminda e la presentá kasonan kompleho di leshonnan di Tasc C i D di e pia (AFS/APopl./Crural) na radiólogonan intervenshonista i siruhanonan vaskular. Dr. Haarbrink tambe ta spesialisá riba diagnósis i tratamentu muskoskeletal. Banda di esei e ta fundadó i kopropietario di un sentro diagnóstiko privá (DiaSana) na Hulanda ku tin 3 MRI’s, 1 CT i 2 bucky.