Sirugia plástiko (tambe konosí komo sirugia rekonstruktivo) ta keda apliká pa drecha i rekonstruí tehido i kueru, pa restourá funshon òf apariensia nòrmal. E término ‘sirugia kosmetika’ hopi bia ta wòrdu konfundí ku sirugia plástiko. Proseduranan di sirugia kosmetika, manera por ehèmpel kambio di forma di un nanishi, primeramente ta tuma lugá pa realisá un apariensia ku e pashènt ta deseá, kaminda ku sirugia plástiko ta wòrdu apliká pa korehí kondishonnan médiko eksistente. Nos ta kubri varios prosedura, di operashonnan simpel manera eliminashon di frèt pa medio di un aparato laser, te sirugianan pionero.
Spesialista Sirugia Plástiko
Gustavo Koeijers - Siruhano Plástiko
Vito Koeijers, M.D. ta un sirugano plástiko rekonstruktivo ku ta spesialisá den operashonnan di pechu en general i espesialmente rekonstrukshon di pechu. E ta kere den kuido médiko a base di balor pa asina duna su pashènt e miho kuido posibel ku ta kuadra ku nan deseonan i e posibilidatnan. Dr. Koeijers tin training ekstensivo riba tereno di maneho di problemanan di sirugia plástiko general i malesanan i ta keda den kontakto regular ku koleganan pa mehorá kuido i resultado pa su pashèntnan.
Dr. Koeijers a nanse i krese na Kòrsou i a biba pa hopi aña na Hulanda, promé ku e la regresá su pais natal. E ta miembro di varios sosiedat profeshonal, manera entre otro e ‘Nederlandse Vereniging voor Plastische Chirurgie’, ‘International Confederation for Plastic Reconstructive & Aesthetic Surgery’ i e ‘European Association of Plastic Surgeons’.
