- Si tin un tiki pèrdida di sanger, drumi abou i primi e herida pa 10 minüt ku un pida gas òf paña. Despues di 10 minüt e sangramentu mester a para. Deskanso usualmente ta kondusí na un bon sanashon i rekuperashon.
- E áreanan tratá por ta doloroso ora e anestesia kita. Ta konsehabel pa tuma un òf dos paracetamol na tempu (por ehèmpel promé ku bo bai drumi). No tuma aspirina, paso esaki por hasi sanger delegá
- Despues di un prosedura na kara òf kabes, ta konsehabel pa fria e áreanan aki regularmente durante e promé dos dianan. Usa un komprès friu pa pevení hinchamentu i deskolorisashon mas tantu posibel. No buta esaki direktamente riba e kueru i herida, pero protehá esaki dor di buta un pida gas òf paña bou di e komprès friu.
- Ora ta trata di prosedura na man òf pia, ta konsehabel pa posishoná esaki mas haltu. Esaki ta promové sanashon i ta prevení hinchamentu.
- Ta konsehabel pa no bùk, hisa òf karga kos pisá muchu durante e promé do dianan despues di e prosedura pa prevení hinchamentu.
- Ta konsehabel pa no hasi uso di alkohòl pa 24 ora promé ku e tratamentu. Esaki tambe por hasi sanger delegá.
- Bo por baña, pero ta mihó bo no baña largu, landa òf bishitá sauna pa 2 te 4 siman.
- Laga e pleister na lugá te ora bo bishitá poli pa kòntròl i pa kita e puntanan.
- Bo por sinti pèrdida di sensashon rondó di e área tratá, òf esaki por sinti lam. E sikatris tambe por sinti steif. E sensashonnan aki lo disparsé durante e proseso di sanashon di mas o ménos 4 pa 6 luna. Ta importante ku ta yega na e resultado final despues di 6 (kara) pa 12 (sobrá di bo kurpa) luna.
- Bo lo tin dos kòntròl: despues di un òf dos siman pa kita e puntanan i kontrolá e sikatris. E di dos kòntròl ta tuma lugá si esaki ta nesesario despues di dos òf tres luna pa wak kon ta bai ku e rekuperashon.
- Inflamashon òf infekshon ta keda identifiká rondó di e herida. E kueru lo bira kòrá i kayente, e ta hincha drástikamente, bo ta eksperensiá mas doló i posiblemente por haña keintura òf rel. Si bo tin e síntomanan aki, bo mester tuma kontakto ku e siruhano plástiko na warda. Bo por hasi esaki pa medio di e number di telefòn general di CMC: +5999-745-0000.
Source of information : Nederlandse Vereniging voor Plastische Chirurgie https://www.nvpc.nl/
