Introdukshon
Pechu pisá òf di kai por ta un karga pisá, tantu físiko komo sikológiko. Hende muhé ku ta hasi un redukshon di pechu, mayoria bia ta hasi esaki pa motibu di keho. E peso di e pechunan por okashoná doló na skouder, lomba i garganta i e strèpnan di e brazièr ta kòrta den e kueru di e skouder. E pechunan por ta sensitivo i te hasta doloroso. Pechu pisá hopi bia tambe ta den kaminda pa hasi deporte i hopi hende muhé tin problema pa haña paña adekuá. Den kaso di mancha di e kueru bou di e pechunan, un operashon di redukshon tambe por ofresé un solushon.
Posibilidat i espektativa
Durante e operashon di redukshon di pechu ta tene konsiderashon te sierto límite ku e sais deseá. For di su vishon i eksperensia e siruhano plástiko tambe lo tin un idea di e sais mas adekuá. Usualmente e konseho ta korespondé ku e deseo di e hende muhé ku ke hasi e operashon. No ta duna garantia ku e operashon ta resultá den e sais di pechu deseá. Despues di e operashon e pechunan ta mas chikitu i mas firme, pero tin sikatris permanente. Kon e sikatris ta keda ta diferente pa kada persona. Tin bia e pechunan no tin e mesun sais. E forma i sensibilidat di e punta di pechu tambe por ta diferente despues di e operashon. Despues di e operashon durante kua e tehido glándula bou di e punta di pechu ta eliminá, dunamentu di pechu lo no ta posibel tur ora. Redukshon di pechu òf un operashon pa fortifiká e pechu no ta koregí e kueru eksesivo ku ta kana for di e brasa pa e lomba. Investigashon di anomalia ta keda faktibel despues di un redukshon di pechu. Si bo tin sobrepeso (un BMI mas haltu ku 30), bo mester pèrdè peso promé. E resultado kirúrgiko lo ta mihó i e riesgo pa infekshon ta bira ménos.
Preparashon
Si bo tin sobrepeso ta bon pa bo pèrdè peso promé ku e operashon, pa asina bo haña mihó resultado. Si bo pèrdè peso despues di e operashon, bo pechunan lo kai atrobe.
Si bo ta tuma remedi pa hasi sanger delegá (por ehèmpel marcoumar, aspirin, sintrom(itis), ascal, clopidogrel), bo mester mèldu esaki durante e kombersashon. Uso di e remedinan aki mester keda deskontinuá un siman promé ku e operashon di redukshon di pechu. Bo ta risibí instrukshon tokante esaki di bo dòkter. Nikotina ta oumentá e riesgo pa problema ku kuramentu di e herida. Pa e motibu ei bo dòkter ta konsehá bo urgentemente pa stòp di huma algun siman promé ku e operashon. Si bo ta den tratamentu otro kaminda òf ta alérgiko pa sierto supstansia òf remedi, bo mester mèldu esaki tambe.
Bo mester feita bou di bo brasa un dia promé ku e prosedura. No apliká krema na parti ariba di bo kurpa riba e dia di e operashon. Riba e dia di e prosedura, e siruhano lo pinta un kuadro kirúrgiko riba e pechunan.
Prosedura
Un redukshon di pechu ta tuma un average di 1 pa 2 ora i ta tuma lugá bou di enestesia general. Tin vários téknika kurírguko pa redukshon di pechu. Promé ku e operashon bo siruhano plástiko lo informá bo di e téknika ku e ta bai hasi uso di dje. Den e téknika mas tantu usá, ta redusí e pechu na sais dor di eliminá kueru i tehido glándula na e parti abou di e pechu. Esaki ta krea e promé sikatris.
Pa bo haña un forma di pechu natural, ta apliká e kosé di figura for di e punta di pechu bai abou. Esaki ta bira e di dos sikatris. Despues ta kita e punta di pechu i tin bia ta redusí e areola na sais. Eventualmente ta krea un sikatris den forma di un anker i ta apliká pleister riba e sikatrisnan. Tin bia ta apliká dos drain (tubu fini) den e herida, ku ta konektá na dos bòter. E tubunan ta saka tur vògt for di e herida.
Despues di e operashon
Despues di e redukshon di pechu, ta buta ferbant i pleister na e heridanan. Kualke drain ku ta saka vògt for di e herida por keda pa vários dia. Si tin tiki produkshon di vògt di herida, ta kita esaki lihé. Bo tin un tiki doló durante e promé 24 ora despues di e operashon, despues di esei e pechunan por sinti steif i preshoná. Bo por baña e dia despues di e prosedura. Laga e pleisternan na lugá. For di e dia di e operashon bo mester kuminsá bisti brazièr di sosten òf spòrt. Bo mester bisti e brazièr aki pa dos siman durante 22 ora, despues 2 siman pa 12 ora. Despues di 4 siman bo por kuminsá bisti e brazièr ku bo ke. Despues ku bo bandoná hòspital bo ta haña un sita pa kontrolá na poli. Durante e bishita na poli aki ta kita e puntanan.
Despues di e operashon bo ta sinti un preshon pisá den e kueru. Por dura 9 te 12 luna promé ku e pechunan yega na nan forma final. Ta bon pa pidi yudansa durante e promé siman despues ku bo yega kas. Mas rùst bo duna bo herida, mas mihó e sikatris ta kura. Bo no tin mag di hasi ehersisio, landa, baña pa tempu largu òf hisa kos pisá durante seis siman. Despues di mas o ménos dos siman bo mes por hasi trabou diario leve na kas. Hunta bo pechunan ku krema i duna nan un masashi pa asina hasi e sikatris mas flèksibel. Pero bo por hasi esaki solamente despues ku a kita e puntanan i ora e herida a kura kompletamente. Miéntras e sikatris ta kòrá, ta konsehabel pa protehá nan ku sunblock. E rekuperashon kompleto ta dura aproksimadamente un aña.
Riesgo i posibel komplikashon
Sirugia di redukshon di pechu tin e mesun riesgo ku kualke otro operashon. Un herida por sangra òf bo por haña un infekshon (na e herida). E pechu por mustra otro tambe ora e ta hinchá. Tambe ta importante pa bo sa ku simetria total di e pechunan kasi no ta posibel durante un operashon di pechu.
Despues di e operashon, bo por eksperensiá ménos sentimentu den e punta di pechu òf esaki por ta mas sensibel. Meskos ta konta pa e parti abou di e pechu. Usualmente esaki ta bin bèk durante e proseso di sanashon. Ora ta trata di pechunan hopi grandi, tin un chèns tambe ku parti di e punta di e pechu ta haña insufisiente sanger despues di e operashon i komo konsekuensia di esaki e punta di pechu por muri.
Hopi bia no por prevení formamentu di sikatris eksesivo, espesialmente serka esnan ku tin un predisposishon pa esaki (keloid).
Kompensashon
Generalmente ta kompensá un operashon pa redukshon di pechu solamente si e pashènt tin por lo ménos un D-cùp, òf si e pechunan opviamente no tin e mesun sais. E BMI tambe mester ta 30 òf mas abou. E konsehero médiko òf e kompania di seguro médiko ta tuma e desishon aki. Ta posibel ku e konsehero ta yama bo pa su ora di konsulta.
Breast reduction surgery is generally only reimbursed when you have at least a D-cup, or when the breasts are decidedly uneven in size. The BMI will also have to be 30 or lower.
The decision on this is taken by the medical advisor of the health insurer. It is possible that this advisor will call you for his consultation hour.
Teksto di hustifikashon
E teksto aki ta destiná pa komplementá e kombersashon ku bo dòkter. E informashon general aki no por hustifiká kada situashon individual tur bia. Si bo tin kualke pregunta despues di lesa e informashon aki, e siruhano plástiko lo ta kontentu di papia ku bo durante ora di konsulta. Por ta útil pa skibi bo preguntanan adelantá.
