- Despues di un operashon na man, usualmente ta apliká un ferbant pa preshon pa prevení ku e man ta hincha i ta bai sangra. Deskanso tambe ta kondusí na un mihó rekuperashon.
- E áreanan ku ta tratá por keda un tiki doloroso ora e anestesia kita. Ta konsehabel pa tuma un òf dos paracetamol na tempu (por ehèmpel promé ku bo bai drumi), pero no aspirina. Esaki ta hasi sanger delegá.
- Posishoná bo man òf pia mas haltu ta promové rekuperashon i ta prevení hinchamentu despues di e operashon. Durante e operashon na man òf pia, ta hasi uso di un mitèla. Ta importante pa regularmente saka bo man for di e mitèla i move bo skouder i èlebog.
- Ta konsehabel pa no hasi uso di alkohòl 24 ora promé ku tratamentu; esaki tambe por hasi sanger delegá.
- Usualmente por kita e ferbant di preshon despues di dos dia, si bo dòkter no a akordá un otro maneho di tratamentu pa bo. Bo mes por kita e ferbant. Despues di esaki e herida por muha i bo por baña. Baña largu, landa i bishitá sauna no ta rekomendá pa e promé dos pa 4 simannan.
- Si a posishoná un splint durante e operashon, lo kita esaki despues di 5 pa 7 dia na poli.
- Si bo move bo dedenan, man i pòls sin forsa esaki mas tantu i mas leu ku bo por sin ku bo kita e puntanan, ta kontribuí na un rekuperashon mas rápido. Sinembargo, por dura 4 pa 8 siman promé ku bo por hasi uso di bo dede, man òf pòls normalmente.
- E sensashon rondó di e área tratá por redusí i sinti lam. E sikatris tambe por sinti steif. E sensashonnan aki lo disparsé durante e proseso di sanashon di mas o ménos 4 pa 6 luna. Ta importante ku ta yega na e resultado final despues di 6 pa 12 luna.
- Bo lo tin vários chekeo; despues di un òf do siman pa kita e puntanan i pa kontrolá e sikatris. E otro chekeonan ta importante pa kontrolá e rekuperashon. Fisioterapia tambe ta keda preskribí si esaki ta nesesario.
- Inflamashon òf infekshon ta keda identifiká rondó di e herida. E kueru lo bira kòrá i kayente, e ta hincha drástikamente, bo ta eksperensiá mas doló i posiblemente por haña keintura òf rel. Si bo tin e síntomanan aki, bo mester tuma kontakto ku e siruhano plástiko na warda. Bo por hasi esaki pa medio di e number di telefòn general di CMC: +5999-745-0000.
Source of information : Nederlandse Vereniging voor Plastische Chirurgie https://www.nvpc.nl/
