Children’s Medical Center ta enfatisá e importansia di un aserkamentu integrá di kuido kaminda ta atende ku e nesesidatnan sikológiko, sosial i desaroyo di e mucha banda di tratamentu médiko.
Miembronan di e tim ta inkluí pediatra, spesialistanan pediátriko, siruganonan pediátriko, enfermeranan neonatal i pediátriko, un guia edukashonal pa mucha, patólogo di lenga, farmaseútiko i respiratorio pedriátiko i fisioterapista. Nos terapista ta asistí den guia di e mucha durante pintamentu i wega edukashonal pa stimulá e desaroyo i proseso di rekuperashon di e mucha.
E ambiente den Children’s Medical Center ta diseñá ku mucha i nan famia na mente i nos ta hasi tur lokual ta den nos poder pa akomodá e mayornan.
Dependé e nesesidat, nos tin kambernan privá i semi-privá.
Spesialistanan sertifiká di mucha ta sòru pa aktividatnan pa satisfasé e nesesidat sikológiko i sosial di muchanan ku ta hospitalisá. Weganan médiko ku supervishon ta prepará e muchanan pa tèst, prosedura i sirugia i alabes ta redusí nan strès. Spesialistanan di mucha por drenta sala di operashon ku e mucha pa kita e miedu ku e ta sinti. A petishon, por duna mayornan un rekorido di e Children’s Medical Center promé ku hospitalisashon.
Na Curaçao Medical Center ta krea un ambiente konfortabel pa e mucha i tambe ta yuda e yu ku su hùiswèrk; e sentro médiko pa mucha tin hopi rekurso balioso pa mayornan, pashèntnan i famia.
Presensia di mayor na nos Unidat di Kuido Intensivo (NICU) i departamentu di High Care (HC).
E departamentonan di NICU i HC ta kere kompletamente den e ideologia di famia ku ta sumamente importante. Mayornan tambe ta forma parti di e proseso di rekuperashon, p’esei e departamentonan aki tuma e desishon pa ekstendé e orario di bishita. E orario nobo ta bira di 9am – 2pm i 3pm-7pm.
Instrukshonnan durante orario di bishitá:
- Orarionan diario di bishitá: 9am – 2pm i 3pm – 7pm
- Den kaso ku un bebi ta hopi malu, ta posibel pa hasi ahuste den e orario, si deliberá esaki ku hefe di e departamento.
- Wela i opa por hasi bishita un bes pa siman huntu ku un di e mayornan. Por hasi eksepshon si e mayornan ta menor di edat, malu,mama soltero òf si ta un bebi ku atmishon di término largu òf si e bebi tin un mal prognóstiko.
- Ta permití mucha solamente despues di deliberashon ku e departamento. Esaki ta prevení infekshon.
- Purba di limitá e fluho di bishita mas tantu posibel durante di dia.
- Ta permití un máksimo di dos (2) bishitante na mes momentu.
Tene na kuenta ku e instrukshonnan aki pa prevení infekshon:
- No bini ku uña largu, uña artifisial, rushi na uña òf asesorio/joya.
- No bini ku blusa manga largu (mester ta manga kòrtiku i/òf e blusa mester ta hisá te na bo èlebog). Mayornan ku ke tin kontakto físiko “skin to skin” ku e beibi, mester bisti un blusa ku por habri dilanti.
- Mayornan ku síntoma di grip (COVID) no ta pèrmití pa bishitá.
- Mester desinfektá telefòn/kámara si bo mester di esaki pa saka portrèt.
- Ta prohibí pa hasi uso di telefòn. Por usa esaki solamente pa saka portrèt.
- Mester laba i desinfektá man den e área di isolashon promé ku drenta paden, konforme regla.
- Sigui tur instrukshon di higiena, promé ku bai serka e yu. No ta na nodi pa bisti lantera òf hanskun.
- Si bo ta bishitá un persona malu den hòspital òf otro kaminda ku no ta departamentu di maternidat, mester pasa promé na e departamento di NICU/HC.
Preparando bo Yu pa Sirugia
Un mucha por eksperiensiá un prosedura kirúrgiko i hospitalisashon komo algu spantoso. Nos ta spera ku bo ta haña e informashon aki útil den preparashon di bo yu pa sirugia.
Tratamentu i Kondishonnan
- Kardiologia (no invasivo)
- Kuido krítiko
- Medisina di emergensia
- Endokrinologia
- Gastroentrologia
- Hematologia
- Malesanan infektuoso
- Neonatologia
- Nefrologia
- Neurologia
- Neurosirugia
- Onkologia
- Oftomologia
- Ortopedia
- Patologia
- Sirugia plástiko
- Pulmonologia
- Radiologia
- Rehabilitashon
- Sirugia
Programa i Servisionan Pediátriko
- Kardiologia (no invasivo)
- Kuido Kritiko
- Medisina di Emergensia
- Endokrinologia
- Gastroentrologia
- Hematologia
- Malesanan Infektuoso
- Neonatologia
- Nefrologia
- Neurologia
- Neurosirugia
- Onkologia
- Oftomologia
- Ortopedia
- Patologia
- Sirugia Plástiko
- Pulmonologia
- Radiologia
- Rehabilitashon
- Sirugia
Kas di Ronald McDonald
E Kas di Ronald McDonald ta krea un kas leu for di kas pa famia di un mucha ku ta haña tratamentu na CMC.
Ta sumamente difisil pa tin un yu ku ta severamente malu. Famia di e muchanan aki regularmente ta keda konfrontá ku situashonnan di strès. Esaki no ta algu ku nan mester prosesá nan so. Ophetivo di Ronald McDonald House Charities Curaçao ta pa sostené famia di muchanan hopi malu, heridá òf hospitalisá, kaminda esaki ta posibel.
E chikitinnan ta dependiente i vulnerabel.
Na CMC nos ta kolaborá ku CliniClowns pasobra nos ta kere ku mucha mester keda mucha i tin e oportunidat pa hunga, apesar di nan sirkunstanshanan den hòspital. E alegria di CliniClowns i nan manera di interkambiá ku nos pashèntnan chikitu tin un efekto positivo riba nan desaroyo i rekuperashon. Pa medio di wega muchanan tambe ta haña e oportunidat pa prosesá nan emoshonnan. CliniClowns ta duna e mucha e distrakshon i dibertishon ku e mester durante su hospitalisashon.
Spesialista Pediatria
Patricia Philippi - Van Arkel - Pediatra
Ya pa mas di 20 aña Patricia Philippi ta traha riba departamento di mucha na Kòrsou; e promé dos aña komo pediatra den formashon i desde 2003 komo pediatra.
Patricia Philippi ta un pediatra allround ku eksperiensia den diferente spesialismo. E ta forma parti di e tim di pediatra ku ta brinda kuido na tur pashènt klíniko i poliklíniko i ku diariamente ta konsultá tokante e pashèntnan hospitalisá. Komo sentro di edukashon pa varios klínika na Hulanda i Belgika, e tim ta para kla pa brinda un klima di edukashon pa e médikonan i e spesialisashonan pa e enfermeronan.
For di dia ku CMC a habri su portanan na novèmber 2019, pediatra Philippi ta Service Line Chef di pedatria i e ta kombiná kuido di pashènt ku maneho di e departamento.
Lindy Janssen - Pediatra
Komo pediatra general, mi ta mira mucha di tur edat, di resien nasí te adolesente, ku varios problema. E diversidat aki ta hasi mi trabou esun di mas bunita na mundu!
Tambe mi ta spesífikamente enbolbí ku mucha ku ta sufri di diabétis i mi ta forma parti di e tim multidisiplinario pa mucha ku diabétis. Huntu ku un kolega pediatra, un enfermera pa diabétis pediátriko, un dietista i un sikólogo di mucha, nos ta purba guia e muchanan ku diabétis na Kòrsou mas mihó ku ta posibel.
Komo kordinadó di e departamento general di mucha, mi ta dediká na mantené e kalidat i seguridat di nos departamento. Semanalmente nos ta organisá seshonnan di edukashon i training pa dòkter i enfermeronan i nos tin konsulta regular ku entre otro apotekario, ginekólogo i dòkter di konsulto pa keda mehorá e kuido.
Shirley Lo-A-Njoe - Pediatra
For di aña 2006 Dr. Lo-A-Njoe ta trahando spesífikamente komo kardiólogo pediátriko. E la traha na St. Elisabeth Hospital for di 1985, promé komo studiante, despues durante su residensia den pedatria (95-97), komo Chef de Clinique/pedatria (2000-2003), kardiólogo pediatriko i pediatra (2006) i for di 2016 solamente komo kardiólogo pediátriko.
For di dia ku CMC a habri su portanan na novèmber 2019, e ta trahando komo kardiólogo pediátriko. Su trabou ta konsentrá riba malesanan innato di kurason for di e feto den barika di e mama te e adulto. E trabou aki ta keda realisá huntu ku pediatranan, ginekólogo i kardiólogonan di adulto na e islanan ku antes tabata forma Antias Nerlandesas.
Aparte di e trabou regular, dr. Lo-A-Njoe tin un interes spesial den kuido agudo. Pa e motibu ei dr. Lo-A-Njoe ta instruktor di Pediatric Advanced Life Support (PALS) pa e ‘American Heart Association’. Huntu ku koleganan e ta organisá konferenshanan internashonal tokante malesanan innato di kurason i konferenshanan tokante kuido sentralisá den famia pa RMHC na Kòrsou.
Huntu ku e universidat di Amsterdam i e poliklínika di Rendu Osler Weber dr Lo-A-Njoe ta partisipando den un investigashon (PhD) riba e tema Malesanan innato di kurason den Karibe.
Meindert Manshande - Pediatra
Dr. M.E. Manshande, MD, ta un pediatra general ku un interes amplio di pediatra i neonatologia, ku un focus spesial riba hematologia pediátriko i onkologia pediátriko. E la risibí su diplomanan na e universidatnan di Amsterdam i di Bruselas na Bèlgika. Durante su estudio e la kore stazje na Cape Town (Sur Afrika) i na Kòrsou. Na 2012 e la inisiá su karera komo hefe di residente di pediatra na St. Elisabeth Hospital na Kòrsou, kaminda e la fungi komo Hefe di e departamento pediátriko entre 2013 pa 2019. Aktualmente e ta focus riba trabounan klíniko, investigashon, inisiashon di konsultanan eksterno multidisiplinario i kordinadó pa kontakto ku otro paisnan. Dr. Manshande ta traha ku protokòl pa skrinen neonatal i malesa di sikkelcel i otro hemoglobinopatias i ta ko-outor di vários publikashon riba terenonan variando di e epidemianan di Chikungunya i Zika pa genétika klínika na Kòrsou.
Naijla Duque Monroy- Pediatriko-Neonatólogo
Dr. Duque Monroy ta hefe di e departamento di kuido intensivo neonatal i ta aktivamente enbolbí ku koleganan pediatriko durante konsultorionan ambulatorio. E la sigui su training na NICU.
Dr. Monroy tin un seritifikado komo dosente i trainer pa terapísta respiratorio i ta konsentrá riba maneho di respirashon serka esnan resien nasí. E sertifikado ta di Fundacion Universitaria Andina na Colombia. E tabata supervisor i trainer na Bogotá pa studiantenan médiko i residentenan di pedatria i ta un miembro di Active Epic Latino for di 2014.
Active Epic Latino ta un grupo global di NICU ku ta traha pa mehorá kalidat di kuido intensivo neonatal den latino-amerika. Kòrsou kontinuamente ta traha pa mehorá kalidat i optimalisá e proseso- i terapianan. Nos mishon na NICU di CMC ta pa kontinuamente traha riba mehorashon di kalidat pa brinda un mihó servisio i maneho di terapia pa nos muchanan na Kòrsou i den region.
Ginette Ecury - Pediatriko-Neonatólogo
Dr. Ginette Ecury-Goossen ta un pediatriko-neonatólogo ku a lanta na Kòrsou. E la sigui su training riba tereno di pedatria na Erasmus MC-Sophia na Rotterdam i a spesialisá den neonatalogia den e mesun hòspital. Na 2016 e la realisá su soño i a regresá Kòrsou i a kuminsa traha einan.
Komo un neonatólogo e ta spesialmente dediká na e NICU (Neonatal Intensive Care Unit), kaminda ta kuida e beibinan di mas chikitu i mas vulnerabel. Komo un pediatriko tambe e ta atendé ku muchanan mas grandi i adolesentenan. Huntu ku su koleganan e ta komprometé na mehorashon kontinuo di e kalidat i seguridat di tur mucha na Kòrsou.
Farah Bogels - Falix - Pediatriko-Neonatólogo
Farah A. Falix, MD, PhD, ta un pediatriko ku un supspesialisashon den malesanan di nir serka mucha. E ta sirbi tantu komo un pediatriko general komo un pediatriko nefrólogo. Komo pediatriko nefrólogo e ta diagnostiká, trata i monitoriá muchanan ku malesanan di nir i urológiko innato i atkerí, inkluso e tratamentu pa hipertenshon pediatriko.
Dr.Falix a optené tantu un doktorado den biologia médiko (1998) komo su titulo médiko (2002) na VUmc na Amsterdam. E la kombiná su spesialisashon pediatriko na AMC, Amsterdam ku un proyekto di research pa su PhD i a kompletá tur dos na 2012 i 2014.
Na 2013 e la hasi un residensia di 8 luna na e departamento di pedatria na SEHOS, kaminda e la enamorá di e isla i su hendenan. Den luna di mei 2017 e la kompletá e tres aña di supspesialisashon pedatria nefrologia eksitosamente. Despues mesora e la apliká i a keda aseptá pa e posishon di pediatriko/pediatriko nefrólogo na SEHOS.
Dr. Falix tambe ta e kordinadó di edukashon di e departamento di pedatria i ta miembro di e European Society of Pediatric Nephrology (ESPN), International Pediatric Nephrology Association, The Dutch Federation of Nephrology (NFN) i Dutch Federation of Pediatrics (NVK).