Pashènt i Bishitante

Un estadía na hòspital òf pa bo tin un ser kerí keda na hòspital, por ta hopi pa prosesá. E sekshon aki di nos wèpsait ta kontené informashon ku nos ta spera ta util pa bo promé, durante i despues di e estadía.

Kon pa traha un sita

Pa bo promé sita, bo mester tuma kontakto via telefon ku e klinika relevante di konsulta eksterno. Aki bo por haña un bista general di e departamentonan den e klinika di konsulta eksterno.

Kòrda ku semper bo mester di un ‘verwijsbrief’ pa bo prome bishita na e klinika. Bo no por traha un sita sin un verwijsbrief.

Kiko nos mester dibo pa traha un sita?

Por fabor tene e siguiente informashon na man pa traha bo sita:

  • Nòmber i adrès.
  • Fecha di nasementu.
  • Number di telefòn.
  • Spesialismo i/òf spesialista ku ken bo ke traha un sita.
  • Number di SVB òf number di registrashon di bo seguro di salú.
  • Number di pashènt (si bo tin unu).

Pa traha un sita, bo mester di un ‘verwijsbrief’ di bo dòkter di kas.

  • Accepted file types: jpg, gif, png, pdf, doc, docx.

Pa bo haña un karchi di pashènt, bo mester di un verwijsbrief di bo dòkter di kas.

Pa bo promé sita, bo mester tuma kontakto via telefòn ku e klinika relevante di konsulta eksterno. Aki bo por haña un bista general di e departamentonan den e klinika di konsulta eksterno.

Kòrda ku semper bo mester di un ‘verwijsbrief’ pa bo prome bishita na e klinika. Bo no por traha un sita sin un verwijsbrief.

Ku outo

Na rotònde na Pater Eeuwensweg (biniendo for di Bándariba), kita na e promé salida i drenta e garashi di parker level -1. Si bo bini di otro direkshon (Bándabou), kita na e di tres salida riba e rotònde.

Bo por baha bishitante na e entrada prinsipal 1 di Curaçao Medical Center. Bo no por parker akinan, esaki ta djis pa baha bishitante/pashènt.

Ku transporte públiko

Na Roodeweg tin un bòrchi di bùs dilanti di e edifisio bieu di Colon. Di aki bo por kana yega e entrada prinsipal 1 i 2 di hòspital.

Na Pater Eeuwensweg tambe tin un bòrchi di bùs dilanti e edifisio di SVB, en frente di St. Elisabeth Hospitaal. Di aki tambe bo por kana yega e entrada prinsipal di CMC.

Den kaso di kuido di emergensia i durante oranan di anochi

Den kaso di un situashon di bida i morto, bo por yega na departamentu di emergensia via:

1. Atrium na promé piso.

2. E entrada di seguridat na banda drechi di e edifisio di Colon.

3. Anochi bo por yega na entrada di sala di Emergensia via entrada 4 (banda di e entrada di ambulans).

Entrada prinsipal 2 (Wèst) di Curaçao Medical Center ta habrí 24 ora pa partera i kuido di kurason.

Garashi di parker

Na Curaçao Medical Center bo por hasi uso fasilmente di e garashi bou di e edificio. Tin dos (2) piso ku mas di 500 espasio pa parker pa outo i 22 espasio pa parker pa motosiklista.

Sigui e liña blou banda di e espasionan di parker pretu den e garashi. E liña aki ta hibabo na e trapi i left pa bo yega e Atrium.
Den e Atrium bo por buska bo number di ruta riba mapa i yega fasilmente na e departamentu ku bo mester ta.

Den aña 2020 bo por parker gratis na Curaçao Medical Center. Despues mester paga un montante chikitu pa parker den e garashi.

Bishitante

Por ta un tempu difisil ora bo tin un ser kerí den hòspital. Den e sekshon aki di nos wèpsait bo por haña un mapa, informashon tokante oranan di bishita i e servisionan ku ta disponibel ora bo hasi un bishita na Curaçao Medical Center.

Ta importante pa bo sa ku bo ta hunga un ròl importante den e kuido di bo ser kerí. E pashènt lo tin mester di bo pa apoyo i pa bo fungi komo su defensor. Bo kara konosí i toke ku ta trankilisá e pashènt lo ta sumamente importante i abo ta un parti esensial di e tim ku ta kuida bo ser kerí. Loke nos ta pidi ta pa tur bishitante sigui nos reglanan di hòspital pa seguridat di nos pashèntnan.

Oranan di bishita na Curaçao Medical Center ta di 11 am te 1 pm i di 5 pm te 7 pm. Bishitante mester sigui e siguiente reglanan:

  • Ta pèrmití solamente dos bishitante, di 17 aña bai ariba, pa bishita. (Hefe di enfermería por hasi eksepshon, dependé di kondishon di e pashènt).
  • Oranan ketu ta entre 1 pm i 5 pm i entre 7 pm i 7 am.
  • Bishitante no por keda despues di ora di bishita sin pèrmit di e enferma.
  • Oranan di bishita ta varia pa areanan di kuido kritiko. Puntra e enfermera pa oranan spesial.

Por fabor nota ku e enfermera por limitá e kantidat di bishitante òf e ora di bishita pa tene kuenta ku e seguridat i kondishon di e pashènt. Bishitantenan ku ta den hòspital i mester keda riba piso di pashènt despues di 7 pm, por hasi esei únikamente ku aprobashon di e enfermera.

Por fabor download e guia pa pashènt i bishitante pa mas informashon.

Akseso na ret wireless

Nos ret wireless, CMC guest, ta aksesibel pa un i tur ku un aparato ku tin e opshon wireless. Skohe e opshon wireless CMC guest i konekta ku nos ret.

Kuminda

Curaçao Medical Center tin un restorant na Level 0 kaminda pa pashènt i bishitantenan por kumpra kuminda i kos di bebe.

Ora di operashon:
8:00am – 7:00pm

Tienda

E tienda di Curaçao Medical Center ta den e Main Lobby, na Level 0. E tienda ta bende flor, un sekshon di artikulo pa uso personal i di higiena, produktonan básiko di botika i hopi mas.

Djaluna pa Djabièrnè: 8:00am – 5:00pm
Okashonalmente, ora di operashon por varia.

Asuntunan bankario

Na Level 0, banda di e bali di registrashon tin un ATM.

Seguridat

Tin agente di seguridat den hinter e hòspital pa yuda abo, bishitante i staf si esaki mester. E tim di seguridat ta otorgá pas na bishitante, ta rekohé i debolbé artikulonan di balor di pashènt, ta kontrolá tráfiko riba e tereno di hòspital i ta duna informashon di pashènt despues di oranan di ofisina.