Emergensia

Informashon pa Kontakto

Den kaso di un situashon di bida i morto, nos ta pidi pa bo yama 910 mesora.

Pa tur otro kehonan médiko ku no ta urgente, nos ta pidi pa bo tuma kontakto ku bo dòkter di kas òf e dòkter ku ta na warda.

Bo por haña mas informashon tokante e dòkternan di famia ku ta na warda na www.chv-site.org

E departamento di emergensia na Curaçao Medical Center.
Ambulans den garashi na Curaçao Medical Center.
Dòkter poniendo kama den vehíkulo di ambulans na Curaçao Medical Center pa kasonan di emergensia.

Servisio di
Ambulans

Pa tuma kontakto ku servisio di ambulans, yama e number gratis 912.

Pa mas informashon tokante servisio di ambulans, bishitá e wèpsait: www.fundashonkuidodiambulans.org

Kasonan di emergensia nunka ta planiá.

Ora nan surgi, pashèntnan por akudí na e sala di emergensia di Curaçao Medical Center 24 ora pa dia, 365 dia pa aña.

Curaçao Medical Center ta ekipá pa atendé ku e pashèntnan di mas malu i mas gravemente heridá, tantu adulto komo mucha. CMC a dediká rekursonan na entre otro siruhano di trouma, neurosiruhano i otro spesialista kirúrgiko i no-kirúrgiko, personal médiko, ekipo i fasilidatnan pa trata esnan gravemente heridá.

Dòkternan hasiendo un operashon di emergensia na Curaçao Medical Center.
Un hòmber kanando riba krùk na Curaçao Medical Center despues di un emergensia.

Informashon di Departamento di Emergensia

Den kaso di un situashon di bida i morto, bo por yega na e Departamento di Emergensia via di:

E portero pará na banda nort di e edifisio (Rodeweg / Hamelbergweg / Na banda di e Shopping Center di Colon) lo laga bo drenta i lo guia bo na e entrada di e Departamento di Emergensia, kual ta situá banda di e entrada di ambulans.

Bo mester di Kuido di Emergensia òf bo dòkter di kas?

Si abo òf bo ser kerí a yega di tin un emergensia òf un situashon di salú urgente – un wesu kibrá, un ènkel di suek òf un wowo ros — kisas bo a puntra bo mes na unda akudí pa risibí tratamentu. Bo mester bai sala di emergensia di un hospital òf bo dòkter di kas? Kiko ta e diferensia entre nan dos? Aki nos lo yuda bo disidí ki ora bo tin un emergensia médiko berdadero ku ta rekerí bo bishitá un sala di emergensia i ki ora bo por bai bo dòkter di kas trankil.

Sala de emergensia di hospital

E salanan di emergensia di hospital ta trata tur situashon di emergensia, pero nan ta spesialmente prepará pa trata leshonnan i situashonnan médiko mas grave, inkluyendo lo siguiente:

  • Atake di kurason/doló den pechu
  • Difikultat pa hala rosea
  • Atake serebral/inkapasidat di move/parálisis di biaha
  • Pèrdida di konsiensia (desmayo)
  • Sangramentu ku no por wòrdu pará
  • Wesunan kibrá
  • Leshonnan den kabes
  • Kimá grave
  • Venenamentu
  • Emergensia di salú emoshonal òf mental
  • Tambe nos ta ekipá pa duna kuido di poli na personanan ku leshonnan ekstremadamente grave, manera esnan ku a sufri herida di bala òf ku tabata den aksidente di outo.
Kuido urgente i kuido inmediato serka bo dòkter di kas

E kuido urgente ta ora bo mester manehá enfermedatnan i situashonnan médiko ménos serio. Esaki ta kondishonnan ku no ta bida i morto pero ku si mester wòrdu tratá dentro di 24 ora. Esaki ta inkluí:

  • Múskulo di suek òf di rèk
  • Infekshon di sinus
  • Infekshon di orea
  • Alergianan, spesialmente esnan ku ta bira pió durante sierto temporada
  • Kòrtá i kimánan ménor
  • Doló di kabes
  • Biramentu di kabes
  • Otro kuido:
  • Tosamentu i grip
  • Wowo ros
  • Doló di orea
  • Uitslag riba kueru
  • Rèkmentu di múskulo

When you arrive at Emergency Department, you must first report to the Emergency Department reception.

You are then greeted by an Emergency Care Nurse for your initial evaluation (triage). Following this triage process, your treatment plan is fast-tracked to the attention of a skilled staff of certified emergency medicine professionals including emergency trained physicians.

If you have been referred to the Emergency Department or arrive by ambulance, you will be taken directly to the Emergency Department.

Our Emergency Department consists of 7 treatment rooms, plus 2 large rooms for trauma and resuscitation. Should you have to stay longer that 4 hours on the Emergency Department, you will likely be transferred to the Acute Admissions Department, where you can comfortably wait for test results, be further observed or wait for a possible hospital admission.

In the Curaçao Medical Center, all acute wards are within close proximity. The Emergency Department is near to the plaster rooms, radiology, acute admission ward and GP post. This allows a patient to be helped quickly and efficiently

Kiko por spera?

Ora bo yega e Departamento di Emergensia, bo mester reportá promé na e resepshon di e Departamento di Emergensia.
Na e momento ei bo ta wòrdu risibí dor di e Enfermera di Kuido di Emergensia i e lo duna bo bo evaluashon inisial (triage). Despues di e proseso di triage, bo plan di tratamentu ta wòrdu hibá rápidamente na e atenshon di un personal kalifiká di profeshonalnan sertifiká den remedinan di emergensia, inkluyendo médikonan entrená pa emergensia.

Si bo a wòrdu mandá na e Departamento di Emergensia òf bo a yega ku ambulans, lo bo wòrdu hibá direktamente na e Departamento di Emergensia.

Nos Departamento di Emergensia ta konsistí di 7 sala di tratamentu i 2 sala grandi pa trouma i reanimashon. Si bo mester keda mas ku 4 ora den e Departamento di Emergensia, probablemente lo bo wòrdu transferí na e Departamento di Atmishonnan Agudo. Aki bo por warda trankil riba e resultadonan di e tèstnan, ser opservá òf warda riba un posibel atmishon den hospital.

Na Curaçao Medical Center, tur sala di kasonan agudo ta serka banda di otro. E Departamento di Emergensia ta serka banda di e salanan di yesu, radiologia, sala di atmishon di kasonan agudo i e puesto di dòkternan di kas. Esaki ta permití nos yuda e pashènt di forma rápido i efisiente.