Kosé i leim di kueru

Kon pa trata un herida ku kosé?

• bo por baña, pero dèp seka e herida despues poko poko. Si bo tin un herida na kabes, bo no por föhn kabei.
• duna e herida poko rùst. Dependé di e grandura di e herida riba bo man òf brasa bo ta haña un mitèla. Na un herida grandi na pia ta importante ku bo no ta kansa e pia aki hopi. Asina bo ta evitá ku e herida ta hincha i ta bin preshon riba e sikatris.
• Si e herida ta konektá pa medio di un pleister, bo mester kambia esaki e mesun dia.

Kon pa trata un herida ku leim di kueru?

Bo herida ta será ku leim di kueru. Esaki ta un leim médiko ku ta desaroyá pa sera herida. Por hasi uso di leim di kueru en bes di kosé pa algun herida. E leim di kueru por mustra iregular i tin bia kibrá. Esaki ta normal i lo no afektá e akshon di e leim.

• e herida ku ta tapá ku leim mayoria bia ta mustra manera un kaska seku, no purba di kita esaki.
• si e herida ta kansá bo pasó e ta raspa kontra otro opheto, bo por tapa e herida ku un pleister òf gas. Limpia esaki kada 24 ora ku pasa.
• tene e herida limpi i seku. Bo por baña pero no keda den awa i no bai landa. Dèp seka e kueru rondó di e herida despues poko poko. No hunta e kueru rondó di e herida ku krema. Bo no por föhn bo kabei si bo tin un herida na bo kabes.
• despues di mas o ménos 10 dia e leim mes ta kita, meskos ku un kaska normal. E herida a kura sufisiente e ora ei. Mayoria bia no ta nesesario pa kontrolá e herida.

Kua komplikashon por surgi?

• tin un chèns ku e herida ta bai infektá òf habri. Den e kaso aki tuma kontakto ku bo dòkter.
• dependé di e lugá di e herida i di e tipo di kueru despues di tempu por surgi sikatrisashon, spesialmente serka hendenan ku koló di kueru mas skur.