E programa ortopédiko di Curaçao Medical Center ta brinda kuido pa un gran variashon di kondishonnan ortopédiko, manera por ehèmpel artritis, frakturashon di wesu i leshonnan. Nos ta hasi operashon di remplaso di koyuntura, resekshon kompleho di tumor i diferente otro tratamentu kaminda nos ta traha huntu pa mehorá mobilidat, funshon i kalidat di bida di kada pashènt. Serka nos e pashènt tin akseso na un tim multidisiplinario ku ta konsistí di spesialistanan – inkluso médikonan, siruganonan, enfermeranan, fisioterapéutiko i terapéutiko okupashonal – tur na un solo sitio, pa brinda e pashènt e kuido ku e mester.
Nos programa ortopédiko ta destaká riba tereno di proseduranan kirúrgiko rutinario, manera entre otro sirugia di oumento di heup i rudia. Tambe nos ta brinda kuido ortopédiko di emergensia pa situashonnan di trouma.
Nos programa ortopédiko pa trouma tin servisionan ortopédiko onkológiko, maneho di fraktura, sirugia pa preservá ekstremidades i operashonnan korektivo pa kondishonnan di rudia, heup i un variashon di otro kondishonnan ortopédiko.
Bo sita na klínika
Kondishonnan Ortopédiko
- Artritis
- Bursitis
- Doló den parti abou di lomba
- Doló di man, rudia i nèk
- Doló di pia i problema ku fraktura
- Doló na skouder i leshon di tehido moli
- Fraktura di heup
- Osteoporosis
- Scoliosis
Tratamentu i Servisionan
- Kuido primario medisina deportivo
- Medisina Deportivo
- Operashon di rudia
- Operashon di skouder i èlebog
- Operashon di wesu di lomba
- Operashon na Man
- Operashon Pediátriko Ortopédiko
- Ortopédiko Onkológiko
- Ruta di kuido prótesis di Hep
- Ruta di kuido prótesis di rudia
- Sirugia na pia i ènkel
- Sirugia pa trouma i frakturashon
- Sirugia rekonstruktivo pa adulto
Spesialista Kuido Ortopédiko
Dr. Stokman, R.D. (Remco)
Orthopedist
Siruhano di trouma ortopédiko
Remco Stokman, MD, ta un siruhano di trouma ortopédiko, ku ta spesialisá den artroplastia (revishon) kompleho di heup i rudia i tambe trouma ortopédiko. E ta bon entrená i eksperiensiá den un ramo grandi di ortopedia i patologia di trouma. Dr. Stokman ta un di e instruktornan lokal di e kurso Advances Trauma Life Support (ATLS), ku ta tuma lugá dos bia pa aña na Kòrsou.
Despues di su entrenamentu na Hulanda, e la sigui ku entrenamentu den kirugia di heup i rudia na Antwerpen, Bélgika. Su amor pa Kòrsou, su poblashon i e patologia kompleho a kondusí na e desishon pa kontinuá su karera na nos dushi isla. E tin konekshon di aserka ku varios spesialista na Hulanda i ta konsultá nan frekuentemente i bishitánan ora ta nesesario.
Drs. Ramrattan, N.N. (Navin)
Orthopedist
Dr. Janssen, M.M.A. (Michiel)
Ortopédiko
Michiel Janssen, MD, PhD. Ta un sirugano ortopédiko, ku ta spesialisá den trouma ortopédiko i artroplastia kompleho di heup i rudia. Despues di a kaba su edukashon na Hulanda, e amor pa su trabou, biahamentu i eksperiensiá otro kultura a hiba e i su famia na Sur Afrika i Oustralia, prome ku nan a bin Kòrsou.
Durante su fellowship na Cape Town e la gana hopi eksperiensia riba tereno di trouma ortopédiko kompleho. Despues e la bolbe bai konsentrá riba su otro pashon, ku ta artroplastia di heup i rudia. Pa mas ku dos aña e tabata e médiko pa artroplastia na Flinders Medical Center, Adelaide, Oustralia. Durante su estadia e la gana hopi eksperiensia, hasiendo uso di téknika nobo, inkluso sirugia asistí pa robòt.
Su pashon pa antropologia i ortopedia ta asina grandi, ku e la disidí di investigá e alineashon di e wesu di lomba i pelvika, lokual a resultá den varios publikashon, diferente presentashon na konferenshanan internashonal i un PhD.