E departamento di nefrologia-diálisis ta trata pashèntnan ku problemanan di nir agudo i króniko. E pashèntnan ta haña kuido den e unit di hòspital. E departamento di nefrologia-diálisis tambe tin un departamento ekstensivo di diálisis, ku ta ofresé tur e téknikanan eksistente pa dialisá (diálisis ta tantu na hòspital komo na kas).
Un tim kapasitá i motivá di nefrólogo i enfermeranan spesialisá ta kla pa yuda e pashèntnan di nir. E departamento di nefrologia-diálisis tambe tin un tim di asistente atministrativo i logístika, i tambe dietista ku por asistí e pashèntnan riba tur tereno.
Kiko ta nefrologia?
E nirnan ta órganonan vital ku tin varios funshon den nos kurpa: nan ta deshasí di un ekseso di awa i shushi den nos kurpa i ta regulá e nivelnan di varios salu mineral (inkluso sodium, potasium i kalsium) den nos sanger. Tambe e nirnan ta yuda kontrolá e preshon di sanger i ta krea sèl kòrá.
Pashènt di nir mayoria bia ta a-sintomátiko. Tin bia e pashènt por tin síntoma manera entre otro preshon haltu, pia hinchá, sanger den urina òf otro síntoma urinario. Esaki despues ta kondusí na tèst di sanger i urina i despues por resultá ku ta malesa di nir. Un malesa di nir severo por keda kompañá pa síntoma manera kansansio, grawatashi òf pèrdida di apetit.
Diskubrí e kousa di e malesa di nir ta un faktor klave den monitoreo i tratamentu di e melesa. E por keda diagnostiká a base di tèst di urina i sanger, pero tambe pa medio di un CT scan òf echo. Pa yega na un diagnósis, kisas ta nesesario pa hasi un biòpsi di e nir. Durante un bòpsi ta kolektá un pida chikitu di e nir pa un prueba mikroskópiko.
Si e nirnan ta funshoná na menos di 10%, nan no por tene e sanger limpi mas. Pa prevení shuatamentu, e pashènt mester kuminsá un tratamentu pa remplasá e funshon di nir. E tratamentu aki nos ta yama diálisis òf tratamentu di nir artifisial. Diálisis ta eliminá produktonan di shushi i un ekseso di líkido for di e kurpa.
Tratamentu i Servisionan
Spesialista Nefrologia i Diálisis
Dr. Roos Pannecoeck
Jivika Verbist - Sewrajsing - Internista-Nefrólogo
Drs. J.A. Sewrajsing ta un internista ku ta konsentrá riba nefrologia. E la sigui un edukashon médiko i tambe a spesialisá na VUMC. Pa 5 aña e la traha a SLAZ, mihó konosí komo OLVG west, i a kustumá ku e sosiedat multikultural.
Durante último añanan e la traha varios bia na SEHOS i den e tempu benidero e lo mehorá e proseso prediálisis i e kuido preventivo na Kòrsou. Edukashon di pashènt i informashon ta keda palabrá durante oranan di konsulta.
Amar Punwasi - Internista - Nefrólogo
Anmar Punwasie ta un internista-nefrologista, ku mas despeus a hasi un estudio di presentashon klinika, diagnosis i tratamentu di problema ku nir. E tin eksperensia ekstensivo den e mundu di danjo agudo of tratamentu di nir ku problema, pre dialisa, hemodialisis, peritoneal dialisis, skrinen di transplante i guia di post-transplante.
Pa klientenan ku problemanan kroniko n anir, e ta pone atenshon na diferente pafaseta manera anemia i problema ku metabolismo di wesu. Adishonal, eksaktamente dor di e ….. … di e problema na nir , e ta boga pa un bon splikashon di e problema , pa retrasa kualke deteriorashon di e nir. Ku ayudo i guia di un psikososial den preparaashon pa i guia di eterapia di remplaso pa funshon di e nir (dialisis i transplantashon).
Pa por garantisá konsistensia di kalidat pa e pashènt, e ta traha ku e guianan mas resiente i ta asistí na kursonan internashonal ku regularidat pa keda na altura di e desaroyonan.