Introdukshon
Diabétis Mellitus ta un malesa króniko di metabolismo kaminda tin muchu suku (nivel di glucose) den e sanger. Diabétis Mellitus ta un malesa ku ta tuma lugá hopi. Por rekonosé e malesa na un oumento di e nivel di glucose den bo sanger. Glucose ta un forma di suku. Tin hende ta eksperensiá keho, pero tambe por ta asina ku bo no ta ripará algu.
Diabétis
Diabétis mellitus ku no keda tratá, eventualmente lo ta dañino pa vários órgano, pero en partikular pa e kurason i adernan, nir i sistema nèrvioso. E problemanan partikularmente ta surgi den e adernan mas chikitu den e kurpa. Tin diferente tipo di diabétis. Tipo 1 i 2 ta esnan mas konosí. Banda di esei tin hopi otro, manera por ehèmpel diabétis di embaraso.
Mas informashon? Bishitá e wèpsait di asosiashon di diabétis Kòrsou (https://sokudi.org) òf e wèpsait di e asosiashon di diabétis di Hulanda (https://www.dvn.nl/wat-is-diabetes).
Eksaminashon
E dòkter por hasi un diagnósis di diabétis mellitus simplemente dor di hasi un eksaminashon di sanger. Ku tèst di laboratorio adishonal, e dòkter por determiná ki tipo di diabétis bo tin.
Eksaminashon di sanger
Ku un eksaminashon di sanger nos ta prek sanger ku un angua hòl. Despues un analista ta kontrolá bo sanger den un laboratorio. Eksaminashon di sanger òf di urina òf shushi ta nesesario ora bo dòkter di kas òf un spesialista ke sa mas tokante bo salú. E dòkter ta laga hasi investigashon tambe pa determiná e kurso di e malesa i e efekto di un tratamentu.
Tratamentu
Ku tipo 1 di diabétis mellitus bo mester midi bo suku tur dia i inyektá insulina òf bisti un pòmp di insulina. Promé ku bo kome, bo mester kalkulá kuantu insulina bo mester.
Tipo 2 diabétis
E tratamentu di tipo 2 diabétis mellitus ta konsistí di kome saludabel, hopi ehersisio i remedi. Den komienso e dòkter ta duna bo tablèt ku a baha bo nivel di suku. Despues hopi bia bo mester kuminsa inyektá insulina diariamente pa kumpli ku e nesesidat di insulina.
Bo tin pregunta? Tuma kontakto ku bo enfermero di diabétis òf internista.
