Introdukshon
Ku hemodiálisis ta limpia e sanger pafó di e kurpa ku un nir artifisial. Hemodiálisis ta un forma di diálisis.
Hemodiálisis (laba sanger) ta sosodé 2 pa 3 bia pa siman i ta dura 3 pa 4 ora. Bo por bai e sentro di diálisis pa un hemodiálisis. Esaki ta sosodé durante dia.
7450027 Djaluna te ku djasabra
Kon e tratamentu ta?
Akinan bo ta haña tur informashon importante tokante bo tratamentu
Preparashon
Kon bo ta prepará? Pa hemodiálisis ta importante ku e akseso na e koriente di sanger ta bon. Promé ku bo kuminsá ku e hemodiálisis, e siruhano lo posishoná un shùnt. Mayoria bes esaki ta sosodé den e brasa.
Pisa
Bo mester pisa promé i despues di e tratamentu, si esaki ta posibel. Asina bo dòkter por mira kuantu vògt bo a pèrdè.
E tratamentu
Kon e tratamentu ta? Ku hemodiálisis bo ta sinta òf drumi banda di un aparato di diálisis. E enfermero ta konektá bo na e aparato. Via un angua den bo koriente di sanger, ta pòmp bo sanger via un tubu den e felter di diálisis. Despues e sanger limpi ta basha via e tubu bèk den bo kurpa. Den e líkido di spula di e aparato di diálisis ta keda materia residual, i salu, ásido i awa ku tin demas. Durante e diálisis bo ta keda den e stul di diálisis òf riba kama. Bo por lesa, wak televishon, subi internèt, drumi òf kombersá ku otro pashènt.
Tep práktiko
Kiko bo mester trese? Na kada sita na hòspital bo mester trese un identifikashon bálido.
Hòspital di enseñansa
Na Curaçao Medical Center nos ta eduká enfermero, co-asistente, dòkter i otro dunadó di kuido. Esaki ta nifiká ku durante bo sita tin bia por tin mas dunadó di kuido presente. Tambe por ta asina ku bo ta keda eksaminá òf tratá pa un dunadó di kuido ku ta den formashon.
E dunadó di kuido aki semper ta traha bou di supervishon di un dunadó di kuido kualifiká.
