Introdukshon
Durante bo bishita na Kòrsou bo por bai na Curaçao Medical Center pa hemodiálisis i diálisis peritoneal. Nos sentro di diálisis ta hasi uso di entre otro téknika online di HDF i ta ofresé sosten durante diálisis peritoneal.
Aparte di e bishitantenan regular, e departamento di diálisis na Curaçao Medical Center ta yama bon biní na klientenan pa tantu tratamentu di urgensia i esnan planiá, un bishita di trabou, di famia òf otro bishita kòrtiku.
E médiko, enfermeronan i personal logístiko spesialisá di e sentro di diálisis ta garantisá un tratamentu di diálisis i estadia sin preokupashon durante bo bishita na Kòrsou.
Bishitante di emergensia
Bishitantenan di emergensia ta pashèntnan ta ku ta keda transladá pa Curaçao Medical Center pa eksaminashon òf tratamentu i diálisis. Bo dòkter ta tuma kontakto ku un di nos nefrólogonan pa regla un lugá di diálisis pa bo.
Diálisis durante fakansi
Bo por bai ku fakansi tambe ora bo ta hasi diálisis. Mester regla un ke otro si, pero ku un bon preparashon bo por bai ku fakansi sin problema. Bo ke bai Kòrsou pa fakansi, bishita di trabou òf bishita di famia, bo ta bon biní pa hemodiálisis na Curaçao Medical Center. Bo ta dialisá na un departamento ku ta bon ekipá. Si bo mester hasi diálisis peritoneal, tambe bo ta bon biní. Pa mas informashon tuma kontakto via e e-mail akibou.
Reservá na tempu
Pa planiá bo diálisis durante fakansi bo por tuma kontakto ku señora Thahira Zevenhuizen via poli.nefrologie@cmc.cw. Por tuma kontakto telefónikamente tambe via 7450027.
E ta manda bo e formulario di inskripshon i despues di un te dos siman bo ta haña un reakshon di nos.
