Tur opshon di radioterapia ku nos ta ofresé ta duna nos tim di médikonan, físiko i terapístanan e chèns pa bin ku e mihó aserkamentu pa tratamentu i terapia pa tur pashènt, spesífikamente pa e tumor partikular di kada pashènt. Mas ku mitar di pashènt di kanser lo haña un òf otro forma di radioterapia; pa algun lo ta trata di terpia singular òf den kombinashon ku otro terapianan manera por ehèmpel sirugia i/òf kemoterapia, dependé di e karakterístikanan di e pashènt su tumor.
Tratamentu i Kondishonnan
- Kanser di Pechu
- Kanser di Prostat
- Kanser di kabes i nèk
- Kanser di Pulmon
- Kanser Pedatria
Programa i Servisionan di Departamento di Terapia di Radiashon / Radioterapia
- Radiashon eksterno ku téknika di konformashon: radiashon eksterno ta e terpia di radiashon mas komun pa tratamentu di kanser. Ta hasi uso di un mashin pa manda un dosis haltu di radiashon di parti pafó di e kurpa pa e tumor.
- Teknología di radiashon ta pèrmití atministrashon kuidadoso di radioterapia eksterno. E mashin ta konsentrá riba radiashon di e lokalidat eksákto; asina tehido normal ta keda afektá mas menos posibel. Kombinashon di kemo-radioterapia: esaki ta enserá un tratamentu di un kombinashon di kemoterapia i radioterapia. Durante kemoterapia ta hasi uso di remedi anti-kanser pa destruí sèlnan kanseroso. E remedi ta sirkulá den e kurpa i sanger. Durante radioterapia ta hasi uso di un dosis haltu di radiashon pa trata sèlnan kanseroso.
- HDR Brachyterapia: Brachyterapia ta un tipo di radiashon konsentrá ku ta wòrdu usá pa trata varios kanser, inkluso esnan ginekológiko i di kueru. No manera radiashon ku ta dirigí e radiashon na e parti di e kurpa kaminda e tumor ta lokalisá, brachyterapia ta keda atministrá pa medio di un aplikador. E aplikador ta keda posishoná internamente den serkanía di e tumor pa kanser endometrio òf na boka di matris, òf direktamente riba e kueru ora ta trata di kanser di kueru. Tratamentu ta mas lihé; ta trata di un dosis mas haltu di radiashon. Pues e pashènt lo mester di tratamentu pa dos òf tres bia pa siman so, i no sinku bia pa siman manera ta e kaso ku radioterapia eksterno. Tratamentu típikamente ta tuma lugá di forma ambulatorio.
Spesialista Terapia di Radiashon / Radioterapia
Farley Andrea - Radioterapista-Onkólogo
Farley Andrea a studia medisina na Universidat di Erasmus na Rotterdam, Hulanda. Despues di a traha pa 4 aña komo médiko no den formashon komo spesialista di medisina interno na St. Elisabeth Hospitaal i despues na Maasstad Hospital na Rotterdam, e la kuminsá ku su formashon i treinen komo radioterapista-onkólogo na 2010 na Erasmus MC (Daniel den Hoed clinic). Despues di a kaba ku su spesialisashon na Ougùstùs 2015 e la muda pa Kòrsou i for di e tempu ei e ta traha komo radioterapista na Sint Elisabeth Hospitaal/CMC. Komo lider di proyekto na Sint Elisabeth Hospitaal e la yuda finalisá e departamento nobo di terapia di radiashon i instalá e Linac (aparato pa radiashon) i CT scan. Riba 29 di novèmber 2017 por a trata e promé pashèntnan ku e aparatura di radiashon ultra-modèrno den e departamento di radioterapia nobo.
Michael Samson - Radioterapísta
Allround riba tereno di téknika di radiashon konformá eksterno, kombinashon di chemo-radioterapia i brachyterapia pa ginekologia.
Videos Terapia di Radiashon / Radioterapia
