Diferente forma di Anestesia

Introdukshon

Tin diferente tipo di anestesia:

  • Anestesia general. Ta dof henter e kurpa pa un kantidat di ora.
  • Anestesia Lokal-regional (den e area spesifiko). Esaki lo funshoná emporalmente na un parti di e kurpa so.
  • Sedé
  • Kombinashon di e anestesianan ariba menshoná

Ta dependé di diferente faktor kua anestesia ta mihó pa bo, por ehèmpel edat, bo estado físiko i tambe e tipo di operashon ku bo ta bai hasi. Bo por palabra esaki durante bo kombersashon na e Klínika di Anestesia.

Bo ta wòrdu konektá bu na un mónitòr promé ku apliká e anestesia. Lo plak diferente steker na bo pechu pa midi e preshon di bo kurason i lo pone un klep na bo dede pa chèk e nivel di oksígeno den bo sanger. Tambe lo bo haña un
pleister na bo man pa midi e preshon di sanger. Un angua di IV lo wòrdu poné na bo man pa pasa remedi.

Anestesia general

Despues ku bo a wòrdu konektá na e ekipo di mónitòr, e anestesiólogo lo inyektá e líkido di anestesia via e angua IV. Bo ta bai soño un bes. Durante ku bo ta na soño, e anestesiólogo lo normalmente lo hinka un tubu den bo garganta. Esaki ta pa mónitòr bo rosea durante e anestesia. Durante e operashon, e anestesilogo òf e enfermera di anestesia lo keda para serka bo tur momentu. Danki na mteknikomoderno i remedi, e anestesiólogo por determiná eksaktamente kon e kurpa ta reakshoná riba e operashon. Por ahustá e halamentu di rosea si ta nesesario i lo suministrá droga/narkosis pa mantené e anestesia.

Efekto
Bo por sinti un tiki soño despues di e operashon. Bo por tambe sinti un gana di saka. Tambe bo por eksperensia un tiki doló. E enfermera sa presis kiko bo mester pa e sakamentu i/òf doló. Bo por puntra pe tambe.

Komplikashonnan
Komplikashonnan serio ku anestesia general no ta algu komun. Reakshonnan alérgiko pa remedinan por tuma lugá. Pa hinka e tubu di hala rosea por daña bo djente. Un posishon inapropiá di operashon por pinch un nèrvio den bo
man of pia. Komo resultado, bo por sufri temporalmente di temb òf pèrdè forsa.

Bo ta usa pel antikonseptivo?

E anestesia ta redusí e efekto di e antikonseptivo. P’esei ta rekomendá pa mihó usa otro antikonseptivo adishonal na esun ku pel ku bo ta usa te na momentu ku bo kuminsá ku e siguiente strep di pel.

template
template

Anestesia lokal– Regional

Ku anestesia lokal-regional, ta manda un parti di bo kurpa leu. Esaki ta wòrdu hasi dor di inyektá anestesia rondó di e nèrvionan.

  • Epidural: Ku e epidural (anestesia spinal òf eidural) kompletu e parti abou di kurpa i pianan ta bai leu.
  • Blòkia nèrvio: Por usa algu pa blòkia nèrvio durante un operashon na man, brasa òf pia. Esaki ta wòrdu usa regular den algun operashonnan últimamente. E inyekshon di anestesia rondó di nèrvionan bou di bo brasa, garganta, glutio, “groin,” òf tras di bo rudia.

Bo ta keda konsiente durante e tipo di anestesianan aki. Lo bo no mira e operashon paso bo ta tapá ku laken. Si bo ta preferá di drumi, e anestesiologo por duna bu algu pa bo drumi trankil. Si bo keda bei, lo bo ripará ku e sintimentu na kaminda ku nan a manda leu lo no ta bai kompletamente. Esaki ta normal ku bo ta sinti ku nan ta bezig, pero bo no ta sinti doló. E múskulonan tambe ta wòrdu di dof. Lo bo no por move e parti di bo kurpa ku ta bou di narkosis. Asina ku e anestesia pasa, lo bo sinti bo múskulonan normal bek i tin kontrol.

Anestesia Spinal òf Epidural

E parti abou di bo kurpa i bo pianan ta bou di narkosis ku un epidural. E epidural no ta hasi mas doló ku un inyekshon regular. Un epidural por wòrdu hasi via un anestesia spinal òf via un anestesia epidural.

Ku un anestesia spinal, e líkido di e anestesia ta wòrdu inyektá den e espasio kaminda e líkido di e spinal ta lokalisá. E anestesia aki ta kuminsá traha hopi lihé. Lo bo ripara mesora ku bo pianan ta kuminsá bira kayente anto ta kuminsá grawatá. Despues nan ta bira dof meskos ku sobra di e parti abou di e kurpa. Dependé di narkosis ku wòrdu usa, e por dura tres pa seis ora por pasa kompletamente. Tin e posibilidat ku bo por haña doló na momentu ku e anestesia kita. No warda muchu pa pidi e enfermera remedi pa doló.

Ku un epidural anestesia, e líkido di anestesia ku ta wòrdu inyektá rondó di e spinal wesu di lomba. E anestesia ta tuma efekto mas pokopoko ku un di e spinal. Ku e téknika aki , por laga un tubu atras, kaminda tin un pòmp pa doló konektá na dje. Remedi pa doló por wòrdu sumistrá via di e tubu si ta nesesario.

template
template

Kombinashon di anestesianan

Si ta nesesario, anaestesia epidural por wòrdu kombiná ku anestesia spinal (por ehèmpel pa un operashon na e hep) òf ku anestesia general (por ehèmpel pa un operashon di barika).

Tin biaha un epidural no ta sufisiente. E anesestiologo lo duna un remedi adishonal òf otro tipo di anestesia, por ehèmpel un anestesia general. E anestesiologo lo diskutí esaki ku bo.

Efektonan

Efektonan èkstra ku bo por haña dor di epidural:

  • Bo por eksperensia preshon di sanger abou durante e prosedura. E anestesiologo ta paga tinu djaserka di esaki pa e por tuma akshon si esaki ta bo kaso.
  • E anesestiologo por mira/pensa mas leu ku e senario aktual. E lo por ripará esaki na momentu ku bo mannan kuminsá kishikí. Lo bo tin komplikashon pa hala rosea. E anestesiólgo lo duna bu mas oksígeno. Esaki normalmente lo solushoná e komplikashon.
  • Lo bo tin un tiki difikultat pa uriná despues ku bo kaba di hasi un operashon. Esei ta pa motibu ku bo blas di urina tambe ta di dof. Kisas lo ta nesesario pa hasi bo blas bashí ku un kateter.
  • Despues di e prosedura, lo bo haña doló di lomba kaminda ku a pasa e epidural. Esaki ta pa motibu di e posishon ku bo tabata drumi durante di e operashon. E síntomanan ta disparsé durante algun dia.
  • Bo por haña doló di kabes despues di epidural. Típiko, despues di a drumi den un posishon flèt e ta bira mas pió na momentu ku bo lanta para. E doló di kabes aki normalmente lo pasa despues di algun siman. Si e
    síntomanan ta asina severo ku bo mester keda den kama, por fabor tuma kontakto ku e anestesiólogo. E tin e posibilidat pa aselerá e proseso di rekuperashon.

Sedashon

Pa por hasi eksaminashon òf un tratamentu mas plasentero i konfortabel posibel ta hasi sedashon. Paso bo ta eksperensia ménos konfortabel , manera strès, miedu i doló, e prosedura òf eksaminashon por tuma lugá basta fásil. Den kaso di un sedashon, bo ta risibí un remedi pa drumi via di un IV. E meta ta pa minimalisá e chèns ku bo ta
konsiente te na un sierto grado pa por sòru ku un prosedura ku por ta ménos plasentero por wòrdu hasí na un manera seif. Bo reflekshon i halamentu di rosea lo keda intakto.

Sa duna remedi pa doló tambe pa aliviá momentunan di doló durante un eksaminashon. Sedashon por varia di semi na soño pa un soño profundo. Ehèmpelnan di prosedura ku por wòrdu hasi bou di sedashon ta eksaminashon gastrointestinal, “curettage” òf sierto kataresisashon kardiako.

template
template

Despues di Operashon

Despues di operashon lo hiba bu na sala di rekuperashon. Einan lo tin enfermeranan spesial di train pa tene un wowo riba bo si tur kos ta bayendo bon ku bo. Si bo ta bou di prosedura laparoskopia pa un tempu largu den un posishon ekstremo kabes abou, E anestesiologo por skohe pa duna bu un ventilashon kòrtiku despues di rekuperashon. Esaki por duna chèns pa un posibel hinchamentu por plama.

Kategorisá dolo
E enfermero den sala di rekuperashon i e enfermero di departamentu lo puntra bu algun biaha kuantu doló bo tin. Bo ta skor e doló di sero pa dies. Sero ta nifiká niun doló; dies ta nifiká e doló di mas fèrfelu ku bo por imaginá bu. E enfermero tambe lo puntra si e doló ta kansa bu ku tosa, move òf hala rosea. E grado di kuater òf mas ta duna indikashon moderá pa super severo. Den e kaso aki ta nesesario pa bo risibí èkstra remedi pa e doló. Un doló ku a ta skor ménos ku kuater ta nifiká ku e doló ta minimá.

Importante
Ta importante pa laga e enfermera sa kon fuerte e doló ta. E remedi pa doló por wòrdu ahustá na tempu, si ta nesesario. Bo ta keda den sala di rekuperashon te na momentu ku bo no tin doló mas i ku bo ta seif pa bai kamber.

icon_feedback

Bo tin feedback pa nos?

Hasi uso di nos proseso di Kòmplimènt i Keho i laga nos sa.
Den kaso di un emergensia, yama 910