Introdukshon
Higiena di boka ta e kuido pa boka saludabel. E dokumento aki ta inkluí tur medida entendí pa drecha higiena di boka i funshon di kordonan vokal. Uso inkorekto di stèm i mal uso di bo stèm por hunga un ròl importante den desaroyo i reklamonan persistente di bo boka. Pa e motibu ei, lesa e siguiente konsehonan aki trankil.
1. No huma sigaria
Sigaria por iritá bo sleim membrana di nanishi, garganta i korokoro. Evitá stòf i espasionan ku tin hopi huma. Pa kantantenan ta importante pa ta na altura ku sigaria tambe (tin biaha despues di un tempu largu) por okashoná ku bo ta pèrdè rango den bo stèm.
2. Hala rosea trankil dor di bo nanishi
Nanishi ta purifiká i keinta e friedat, airu seku, airu sushi di pafó òf airu seku ku ta wòrdu okashoná dor di di èrko: dor di hala rosea via di bo nanishi e chèns ta mas abou pa haña infekshon den bo nanishi i garaganta.
Si bo no por hala rosea pa un periodo largu via di bo nanishi, por fabor laga dòkter di ENT i/òf logopedista sa esaki.
3. Evitá di papia den un espasio ku ta hopi drùk
Den espasio ku zonido manera den outo, den transporte públiko òf den un fiesta, bo mester papia duru sin bo mes realisá esaki. Esaki por okashoná problema ku garganta i/òf stem paso e kordonan vokal ta yená.
No grita, paso bo mester usa mas forsa kual e kordonan vokal no por tolerá.
4. Bebe awa
Bebe mas o ménos dos liter di awa pa dia. Dor di bebe awa bo ta muhá e sleimnan membrana i garantisá ku e sleim ta seka.
5. Evitá di grawata, i tosa mas tantu posibel.
E kordonan vokal ta topa otro ora bo tosa, tosa i grawata. Garganta i korokoro ta iritá. Sleim di e membrana iritá ta produsí sleim atrobe ku mester wòrdu tosá, raspá afó sino esaki ta okashoná mas iritashon. Bebe un slòk di awa enbes di purba di guli esaki.
Puntra bo terapista kon bo por tosa sin kousa hopi daño.
6. Purba di papia mas ménos posibel si bo tin keintura
Si infekshon a pone bo kurpa bira kòra i/òf hincha, purba di papia ménos posibel pa redusí e chèns ku e ta bira muchu pisá pa bo.
7. No papia kuchikuchi si bo tin keintura, papiamentu kuchikuchi ta un forma no natural di papia i ta pone èkstra preshon riba bo kordonan vokal.
8. Landa mas ménos posibel den awa ku klor, klor ta iritá e sleimnan membrana
Tambe paga bon tinu na kas, ku e produktonan di limpia kas kual por ta kontaminá ku klor òf amoniak. E produktonan aki por ta peligroso pa e e sleimnan membrana.
9. No kome mangel pika of zür
Mangel pika of zür ( inkluí potter’s, fishermansfriend etc) ku ta kontaminá mentòl kual ta afektá e sleimnan membrana. Inisialmente, esaki ta duna e sintimentu di mas espasio i airu den bo garganta, pero, e sleim membrana mester tra èkstra duru pa rekuperá e sleim membrana, esaki ta duna èkstra sleim, kual ta subi e chèns di grawata, i tosa i despues esaki ta pone ku lo bo kai den un sírkulo visioso.
10. Grita
Si bo usa bo stèm di e forma aki esaki por duna bo stèm un tono haltu kual ta malu pa e kordonan vokal. Kisas bo no ta konsiente ku bo ta usa bo stèm di e manera aki, pero pensa por ehèmpel riba eventonan di deporte òf papiamentu duru den un espasio kaminda tin hopi bochincha.
