Steralisashon di hende muhé (Steralisashon laproskópiko)

Bentaha i desbentaha di steralisashon

Bentaha di steralisashon

• • Bo no mester wòri mas ku bo antikonsepshonnan
  • No mester usa hormona mas, bo matris mes ta tra hormona naturalmente
  • E chèns ku bo ta sali na estado ta hopi chikí

Desbentaha di steralisashon

• • • Bo por eksperensía komplikashon durante prosidura
    • Si bo lamentá bo desishon, no ta posibel òf ta difísil pa hasi un operashon pa revoká e operashon.
    • Bo mester di un seguro adishonal, paso steralisashon no ta inkluí den e pakete básiko di seguro.

Kon e tratamentu aki ta traha?

Aki bo ta haña tur e informashonnan importante tokante bo tratamentu.

Informashonnan importante tokante di steralisashon

Kiko bo mester sa pa por disidí ku steralisashon ta e mihó antikonsepshon pa bo.

Chèns ku bo ta sali na estado despues di steralisashon

E chèns ku bo ta sali na estado despues di steralisashon laproskópiko ta dependé di e tèkniká ku ta wòrdu usá. Si e tubunan ovidukto ta será, 2-5 di 1000 hende muhé ta sali na estado. Mayoria biaha e “clip” nan ta sali for di e tubunan ovidukto, asta si nan ta poné korektamente. Pero mayoria biaha e tubunan ovidukto aki por krese i bin bèk huntu atrobe. E chèns ku bo por sali na estado ta mas haltu si partinan di e tubunan wòrdu kimá, kompará ku ora nan ta pegá ku klep. Pero si tur dos tubu ovidukto ta kompletamenta remové, embaraso ta kasi imposibel.

Chèns pa revoká operashon?

Si e tubunan ovidikto ta será durante steralisahon laparoskópiko i bo ke haña yu tòg? tin un oportunidat pa restorá e tubunan aki. Usualmente esaki ta wòrdu hasi via di un sirugia mínimimo invasivo. Si e operashon bai bon, e chèns ku bo ta sali na estado despues ta 40 pa 85%. Den mayoria kaso nan lo pone “clips”, pero si e tubunan ovidikto a wòrdu kimá, e orei e chèns ku e operashon lo ta satisfaktorio, ta chikí. Despues ku bo rekuperá, bo tin un riesgo haltu di un embaraso ektópiko (2%).

Un operashon reparabel ta hopi karu i no ta wòrdu kubrí dor di seguro. Tambe bo por opta pa tratamentu di IVF. E chèns di un embaraso despues di tres tratamentu ta mas o ménos 50%. Si tubunan ovidukto wòrdu remové durante steralisashon, i bo tin deseo di sali na estado? e orei esaki ta solamente posibel via di un tratamento di IVF.

Riesgo

E siguiente komplikashonnan i/òf problemanan por okashoná ku steralisashon laparoskópiko

• • • Problema òf komplikashon pa motibu di anestasia
    • Hasi daño na tripa, infekshon na blas di urina òf infekshon na ardu
    • Steralisashon a frakasá

Daño na tripa, blas, ardu di sanger

Durante e proseso kaminda ta hinka e materialnan, e ginekólogo por hasi daño na e tripa, blas i tambe ardu di sanger. Esaki ta sosodé ku ménos ku 1 % di hende muhé. Si ta nesesario, lo bo tin un operashon mas ekstensivo. Lo dura mas largu tambe pa bo rekuperá. Tin biaha ta te despues di e operashon ta ripará ku tin un problema. Bo lo risibí suherensia ki ora ta e mihó momentu pa tuma kontakto ku nos.
Adishonalmente, por tin riesgo si tin pèrdida di sanger (despues) si tur dos tubu falopio wòrdu kitá. Ora ta kitando e tehido, por surgi sangramentu.

Frakaso di steralisashon òf steralisashon difísil

Si bo tin athenshon, steralisashon por ta difísil. E ginekólogo por hasi un kòrta adishonal pa hinka un di tres insturment. E orei mayoria biaha e ta funshoná. Si bo tin sobre peso e por ta hopi difísil pa hinka e materialnan. E orei ginekólogonan por hasi e entrada untiki mas hanchu. Si esei tampoko no tra, e ginekólogo por kòrta nèt riba e kabeinan púbis.

Posibel konsekuensianan adishonal ora ta trata di steralisashon ku terminonan largu

• Investigashonnan a prueba ku tur dos steralisashon pues, steralisashon den kua e tubu ovidukto ta wòrdu será i steralisashon kaminda tur dos tubu ovidikto ta kompletamenta remové, tin un chèns pa desaroyá kanser na ovario den futuro. Esaki pa motibu ku, tubunan ovidukto ta hunga un ròl importante den desaroyo di kanser na ovario. Kanser na ovario ta un malesa hopi serio. Pesei remové tubunan ovidukto ta mas seif ku sera e tubunan aki ku klep. Un averahe di 1 di e 100 hende muhénan ta desaroya kanser na ovario den transkurso di nan bida ora nan sera e tubunan aki. Despues ku tubunan ovidukto wòrdu kitá, 1 di e 200 hende muhénan ta desaroya kanser na ovario. Esaki ta nifiká, ku si e tubunan ovidikto wòrdu kitá, e chèns ku bo ta desaroyá kanser na ovario den transkurso di añanan ta 50/50. Despues ku e tubunan aki wòrdu será, 1 den 140 hende muhé ta desaroyá kanser na ovario den transkurso di aña.
• Dor ku ovario i tambe tubunan ovidikto ta wòrdu será huntu, e chèns ta grandi ku e ovarionan lo no funshoná manera mester ta, òf nan ta wòrdu strobá ora tubunan wòrdu kitá. Komo resultado, bo ta kai den transishon mas promé, si bo no a hasi sirugia ainda. Esaki no ta aplikabel si “clips” a wòrdu poné, paso e tehido a wòrdu kitá kaba. Te ainda investigashon no ta mustra niun kambio den e funshonamentu di ovario despues ku a kita e tubunan. Sin embargo, tin insufisiente investigashon hasí riba terminonan largu despues ku kita e tubu ovidikto for di e ovario, ainda ta deskonosí kon e ovario ta sigui funshoná den futuro.

Steralisashon ta wòrdu pagá via di seguro?

Steralisashon no ta kai bou di e pakete básiko. Puntra bo asegurador kua seguro adishonal ta sufisiente. Paso saki ta diferensiá pa asegurador, pa pakete i pa aña. Si e steralisashon ta totalmente paga? e orei, esaki no ta afektá bo propio riesgo.

No embarasá

Sòru pa bo no ta na estado durante steralisashon. Si bo tuma pil, kaba e pakete. I si bo tin un IUD, papia ku bo ginekólogo ora bo kit’é. Bo ta usa kondom òf tin riesgo di embaraso? e orei ta mihó pa hasi steralisashon den e promé siman despues di bo menstruashon. A lo ménos promé ku bo ovulashon.

Ta importante ku bo ta bon prepará pa bo operashon. Pa e motibu ei bo tin un sita ku departamento di anestesia, un par di dia promé ku bo atmishon na hòspital. Por fabor nota! e akuerdonan ku e departamentu di anestesiologia ta importante; bo operashon no por kontinuá sin un sita serka nan.

Sirurgia ta solamente posibel si bo ta na yuna. ‘Fasting’ ta nifiká ku bo stoma ta bashí. Esaki ta prevení e kontenidonan den bo stoma di resultá den trákea i pulmon durante operashon.

Semper bo mester ta na yuna promé ku bo hasi sirurgia, asta si bo ta risibiendo un anestesia regional (e.g. epidural).
Pa sigurá ku bo ta na yuna, kumpli ku e siguiente reglanan:

• Bo por kome i bebe normalmente

6 ora promé ku bo ora di atmishon:

• Bo no ta pèrmití pa kome mas (ni tampoko kos dushi). Bo por kou bals pero bo no mag di guli’é.
• Bo por bebe: awa, djus di apel, te òf kòfi sin lechi (preferibel ku suku òf “honing”).
• Loke bo no mag di bebe mas ta: produktonan di lechi, kos di bebe karbóniko òf alkohòl.

2 ora promé ku e ora di atmishon:

• Bo no ta pèrmití mas pa kome ni bebe nada (inkluí kos dushi). I tambe bo no ta pèrmití mas pa kome bals.
• Un slòk di awa pa tuma medikashon – òf ora di skeiru djente – ta pèrmití.

Depues di atmishon na e departamento:

• Despues di atmishon, bo por wòrdu ofresé 300ml di “ranja” ( esei ta dos glas) ku paracetamol den e departamento di atmishon.

Si bo tinku drenta hòspital un dia promé ku sirurgia, sigui e instrukshonnan di departamentu di kuido pa ku yuna.

Nos ta avisá pa bo mes no kore outo. Laga un famia òf ser kerí hiba bo kas.

Durante tratamento

Den e kamber di operashon lo bo mira e ginekólogo kual ta esun ku ta bai hasi e operashon. E tim ta revisá bo datanan i despues e anestesista ta duna bo e anestesia via di e infüs. Bo blas di urina ta wòrdu hasí bashí via di un kateter.
E ginekólogo ta hasi un kòrta di mas o ménos 1 sèntimeter na e parti abou di lombrishi i hinka un angua fini i hòl den e bòm di barika. Esaki ta yena e barika ku karbon dióksido ku no ta peligroso. E barika ta hincha i esaki ta krea espasio rondo di e matris, ovario i tubu ovidikto. Despues di esei, e ginekólogo ta insertá un tubu den e hòl di e barika i den e tubu aki tin un kamara.

Si e tubunan ovidukto aki a wòrdu será? E orei e dòkter ta hasi un segundo kòrtá djis ariba di e wesu di púbis. Pa motibu di esaki, e ginekólogo ta insertá un material i asina e ta pone un “clip” riba tur e tubunan ovidukto. Di e forma aki e tubunan ovidukto ta wòrdu será imediatamente.

E tubunan ovidukto ta wòrdu remové na mesun momentu? e orei un segundo i tersera kòrtá ta wòrdu hasi usualmente na banda drechi i robes di e barika.
Komo resultado, e ginekólogo ta hinka un material pa remové tur dos tubu ovidikto.

Na final di e operashon, e ginekólogo ta saka e tubu i e kámara for di e hòl di barika i chupa e gas. I despues e ginekólogo i/òf asistente ta kose e herida.

Despues di tratamento

Kiko ta pasa despues di tratamento?

Despues di e operashon, lo bo wòrdu hiba na e kamber di rekuperashon. Aki bo preshon di sanger, batimentu di kurason i oksígeno ta wòrdu kontrolá. Si bo ta sinti bo bon, bo lo regresá na e departamento di kuido.

E enfermera/o ta hasi kontròl regulario i informá bo kon kos ta bayendo. Bo lo risibí remedi kontra doló via di infüs. I enfermero/a ta duna bo informashon tokante e tratamentu di e herida i tambe e kosé.

Kas

Usualmente bo por bai kas despues di 1 òf 2 ora. Lo ta mihó pa keda den hòspital pa un anochi, si bo stoma keda wal/bira òf si bo tin hopi doló.

Antikonsepshon konfiabel

Steralisashon laproskópiko ta imediatamente konfiabel.
E por ta nesesario pa usa antikonsepshon adishonal ora ku bo promé menstruashon finalisá. Esaki ta dependé di e síklo ora steralisashon ta kla. Dòkter lo deliberá esaki ku bo, promé ku bo bai kas.

Pa kua keho bo mester yama?

Ta importante pa yama hòspital si bo:

• • • • Si bo ta keda risibí doló di barika
      • Si bo tin keintura, 38°C òf mas haltu
      • Si un di e heridanan no ta rekuperá mane mester ta.

Ku steralisashon, e chèns ku bo por haña infekshon no ta haltu. Si bo haña infekshon, bo mester di antibiotika. Ku steralisashon laproskópiko bo tripa òf blas di urina por wòrdu afektá iriparabel. Bo lo risibí