Introdukshon
Un paro kardiako ta tuma lugá di un momento pa otro. Un persona ta bai leu i no ta hala rosea normal mas. Esaki ta un situashon di bida òf morto. Den kaso di un paro kardiako e persona mester keda reanimá mesora. E kousa di un paro kardiako mayoria bia ta un infarto di miokardio. Un paro kardial tambe por keda okashoná dor di otro problema di kurason.
Eksaminashon
Si un persona sobreviví un paro kardiako, un investigashon ta tuma lugá pa haña sa e kousa di e paro di kurason. Esaki ta tuma lugá pa medio di un kateterisashon di kurason i/òf un eksaminashon elektrofisiológiko (EFO).
Kateterisashon di kurason
Durante un kateterisashon di kurason, e kardiólogo ta eksaminá e adernan koronario di e kurason. Pa medio di un tubu den e ardu, e kardiólogo ta hinka un kateter. Via e kateter spesial aki, e dòkter ta inyektá kantidatnan chikitu di líkido di kontraste den e adernan koronario. Riba e pantaya di rayo X, e kardiólogo por mira kon e adernan koronario ta kana, na unda nan ta será i kon severo esaki ta. E kardiólogo por usa un kateterisashon di kurason komo un eksaminashon pero tambe komo tratamentu, manera por ehèmpel e tratamentu di dotter. Durante kateterisashon di kurason ta tuma lugá vários eksaminashon, manera por ehèmpel un eksaminashon di e adernan koronario pa medio di olanan di zonidu (IVUS) òf midi e preshon (di sanger) den e adernan koronario (Fractional Flow Reserve, FFR).
Por tin vários motibu pa kua bo ta haña un kateterisashon di kurason, manera por ehèmpel:
- Bo tin doló den bo pechu (angina pectoris);
- Tin problema ku e valf di bo kurason;
- Bo a haña un atake di kurason;
- Bo ta sufri di aritimia di kurason.
E kardiólogo lo ke sa eksaktamente den ki estado bo adernan koronario òf bo adernan grandi ta. Akinan bo por lesa mas di e eksaminashon aki.
Tratamentu
Komo resultado di e eksaminashonnan aki, por skohe pa un defibriladó di kurason.
Klínika i departamento pa pashèntnan ambulatorio
Kardiologia
Un kardiólogo ta spesialisá den rekonosé i trata kondishonnan di e kurason i adernan grandi.
Terapia okupashonal
Bo por bai un terapista okupashonal si bo tin difikultat pa hasi bo aktividatnan diario pa motibu di un kondishon, aksidente òf operashon.
Kuido Intensivo
E unidat di kuido intensivo tin personal spesial di trein i ekipo médiko spesial pa trata pashèntnan ku un malesa severo.
